ماكو حكومة شريفه لزمت العراق من يوم انولدنا لليوم .. نقطة راس سطر .. لاحكين الناس على رواتبهم ... و رواتب الي بكراسي الحكم و بالبرلمان محد يجيب طاريها و متوكف و ماشيه مثل المي ... ليش (لان هذوله منزلين من السماء ميصير نحجي عليهم) .. محد يجيب طاري املاكهم و فلوسهم و تحويلاتهم المصرفيه .. عمت عينكم لاحكين الفقراء على هالكم فلس الي ياخذوها .. يعني هيج حقاره مشايف .. ميكولون واحد مريض واحد عنده اقساط واحد ملتزم وي تسديد واحد عنده ديون .. بس همهم يبوكون .. هالدروب صارت عتيكه مال ازمات .. من يوم انولدنا لليوم ما شفنا خير .. حرب .. كهرباء ماكو .. نفط ماكو .. دعبل قنينة الغاز و الزم سرى .. ننام بسرى البانزين .. ننام بسرى النفط .. ننام ماكو كهرباء .. ننام على صوت القصف .. ننام عالارهاب .. ننام عالكمياوي .. ننام على عالطائفية .. ننام عالعنصرية و قضايا القوميه .. ازماااااات ازمااااات .. هو شبقى بالعمر .. و تاليها ناس معتمده على عيشتها بالرواتب .. انوب هسه موكفين حتى الرواتب .. طاح حظكم (مكرم القارئ) لا تحسون بالناس و لا تحسون بظيم هالعالم .. حراميه نهيبيه ..
ملاحظة : اني دائما من اكتب قصص اكتب جملة (مكرم القارئ) اذا ذكرت حمام او نعال او حذاء او شي بي خدش للحياء .. منا وهيج كل ما اذكر كلمة سياسي راح اكتب وراها (مكرم القارئ) لان هذا قدرهم ...
((((سياسي مكرم القارئ)))
انتهى
اخوكم ابو بغداد سايق التكسي
#ابوـبغداد
أنت تقرأ
قصص عراقية حقيقية بقلم ابو بغداد سائق التكسي
القصة القصيرةننشر لكم مجموعة من القصص العراقية الحقيقية والواقعية بقلم الكاتب المبدع ابو بغداد سائق التكسي وهي قصص قصيرة ولكن بها معاني اخلاقية وتربوية كبيرة ومؤثرة اقرأوها فعلا تستحق القراءة
