صلوا على الحبيب ❤
عام هجري مبارك 🤍
متنسوش الڤوت ⭐
ـــــــــــــــــــــــــــــــــــــــــــــــــــ
اختيار التوقيت من اهم اسباب النجاح، لكن احيانا يكون اقتناص الفرص عندما تسنح الظروف هو أولى السبل للنجاح
انهت سلسلة انتقامها البسيط بأعين مشتعلة بالحماس، وأخيراً أذاقت تلك المتعجرفة عرض مصغر مما رأته منها فى الأسابيع الفارطة، تعلم تمام العلم أن ما فعلته لن ينهى العقد ولن ينحيها عن الشرط الجزائي، لكن كان عليها ان تعيد اعتبارها أمام نفسها قبل أن تضعه شامخا امام الحرباء، لكيلا تأمن الإساءة لها تاليا!
تنهدت بسعادة ثم التفتت للواقف بجوارها يراقب منذ الصباح بصمت ثم قالت والابتسامة تتوسط وجهها :
بس كدة خلصت عليها!.... دلوقتى بقا الخامات اللى اتفقنا عليها يا استاذ كريم ايه رأيك لو نخلى الدهان بتاع الخشب غامق، بني شوكولاه مثلا ده بيليق على اي وقت وأي..... هو حضرتك بتضحك ليه؟
فقال برفق يتجاوز الضحك:
استني بس عليا افهم اللى بيحصل... اللي انتي بتكلميها من الصبح دي العروسة؟
فقالت بهدوء:
أها هي.... وحبيت أعلمها درس!....
وضعت يدها على فمها وقالت:
بُص أنا مش كدة فى شغلى والله، بس الفترة اللى فاتت اتحولت المقابلات بتاعتها لنوع من التسخير والاذية، أنا عييت بسببها سابتنى أكتر من مرة استناها فى الشتا ده غير اسلوبها الوحش معايا
فسألها:
وليه كملتي يعنى ربع اللي قولتيه ده وكنت سفختها كفين لو كنت مكانك.. مع ان ضرب الستات ده دراع العويل ونطاعة... بس اقصد ليه متزحلقيهاش!
ضحكت عليه لما يبرر هي تعرفه افضل من ذلك التبرير وردت :
ازحلقها؟ لا مينفعش.. عشان فيه شرط جزائي! ففكرِت انها لما تقعد كل شوية تهددني بيه انا هقبل انها تتحكم في حياتي بالكامل مش بس مواعيدها، امبارح لطعتنى لحد 8 بالليل ومكلمتنيش كل ده عشان عايزة تسيطر عليا بس واكون بشتغل لحسابها، بتتعامل مع الناس وكأنهم نوع من التجميع اللى يعجبها تضمه لمجموعتها من التحف....بجد انسانة بشعة، حتى بعد التأخير ده كله اكتفت برسالة سخيفة تتعذّر بصداع جامد! وطريقتها باين فيها الكدب! فقررت استخدم نفس طريقتها يا تطفش يا تتربى وتتعامل بأدب!
-طب مش جايز تكون تعبانة بجد!
فتنهدت وقالت:
لا ما هي تعبانة فعلا بس نفسيا... محتاجة علاج نفسي! بالليل اتصل بيا صديق العيلة بتاعها ومتسألنيش يعنى ايه لأني مفهمتش، المهم اتصل بيا الساعة 3 الفجر يعاكس وسمعت صوتها في الخلفيه بتضحك ضحكة خرمت ودني وكان فيه موسيقى تقريبا كانوا سهرانين برة!
-ثانية، ثانية، مين ده اللى بيعاكس؟ بيعاكسك انتي؟ قالك ايه؟
عقدت حاجبيها باستغراب ثم ردت بعدم اهتمام:
مكالمة عادية يعنى.. انتى فلانة؟.. انا معجب، وهو اخنف يعنى مكنش صعب عليا أعرفه فـ..
أنت تقرأ
شظايا ثمينة 《الحوار بالعامية 》
Mystery / Thrillerرقية فين يا أمي؟ رقية حصلها ايه؟ -رقية مين يا بني اللى تقصدها وتعرفها منين بس؟ --يا أمي متخبيش عليا اللى حصل! رقية حصلها إيه؟ هي فين؟ لو لسة زعلانه انا مستعد ابوس على راسها بس تسامحني. -يا بني انا والله ما بكدب، انا مش عارفة مين اللى انت تقصدها بالظ...
