السلام عليكم ورحمة الله وبركاته، حابة بس أنوه ان الفصول مش قصيرة، الفصول بحطها حسب تأدية الغرض منها والمعلومة اللى عايزة أركز عليها، بمعني الفصل اللى فات قصير والفصل ده طويل، هل ده خطأ مني لأ، هل ده خلل فى الرواية؟ برضو لأ
الفصول بتأدي الغرض وبتبروز الجزئية اللى انا عايزة اركز عليها، زي بالظبط فصلي لفصول رقية عن كريم وقت الغيبة، ده كان عشان نركز كلنا على رقية وعشان محدش يستغلس تصرفاتها معاه لأنكم هتكونوا مدينه العذر وناسيين انها متعرفش العذر ده أصلا..
وضحت؟ 🤗
يلا بسم الله. ــــــــــــــــــــــــــــــــــــــــ
أنهت رقية مكالمة ميري وفي داخلها قرار أنها لن تود أو تعطي هذه المخلوقة مجددا فوق قيمتها الحقيقية، فإن كانت قد لانت وتأدبت معها فإنه بوضوح من أجل مصلحتها ليس إلا، وانها بمجرد أن تنال تنظيم عرسها ستبقى ميري داهشان فتاة من علية القوم المتاثرين بما معهم والكانزين قيمتهم من الأموال والمراكز فقط.
تنهدت وألقت نظرة سريعة على أخيها وزوجها فى البحر واللذان بديا وكانهم فى اجتماع طاولة مستدير لمناقشة شؤون الحرب لا متعة السباحة فى بحر شهر فبراير، وبمجرد ما لامست موجة أقدامها حتى اقشعر جسدها من برودة المياة فتمتمت:
جوز جبلات والله..
رفعت الهاتف وأخرجت الرقم التالي فى القائمة ثم اتصلت بعد أقل من رنتين صدح الصوت المرح والناعم مرحبّا:
روقـــي... صباح الخير..
-ما قولنا بلاش الاسم ده يا بنتي..
--خلاص يا مسز سويفي
احمرت وجنتا رقية بلا سبب تعلمه ثم تمتمت ترد على خلود:
هي أول أول قالتلك؟
-لا ياختى صوتك كان عالي وانا اللى سمعت.. بس صحيح... انت عملتي ايه فى البت..
-- ليه مالها؟
-ماشية ألِف والله.. كأنها واحدة تانية خالص
ابتسمت رقية وقبل أن ترد استدركت خلود تسألها:
ها جاية امتا؟
تحمحمت رقية ثم ردت:
مهو ده اللى كنت بتكلم فيه أصل...
فقاطعتها خلود بنبرة مازحة:
سيدي يا سيدي على العرايس
-يا شيخة اتوكسي... ده بي بي جه من شوية وهيقعد معانا النهاردة
--بي بي! وده ايه اللى يجيبه لعرسان الصبح بدري كدة... تلاقي جوزك مش طايق نفسه دلوقتي
فضحكت رقية رغم عدم رضاها عن كلمات خلود ثم ردت:
والله حبيبي يجي فى أي وقت... وجوزي ما شاء الله عليه بيعامله كأنه أبوه مش اخوه حتى...
همهت خلود بمزاح ثم ردت:
ايوة ايوة... يا داخل بين البـ...
-والله ما انتي مكملة... ايه القرف اللى بتقوليه ده على الصبح..
لكنهل لم تسمع رد بل سمعت كلمات تشبه نزاع بطريقة ما وخشخشة فى الهاتف ثم فجأ صح صوت ناعم آخر يلهث:
الو يا كوتش... انتي فين يا هانم؟
أنت تقرأ
شظايا ثمينة
Mystery / Thriller«حذاء بكعب أحمر وحجر كريم أزرق وسلسال من الذهب الأبيض وبضع ذكريات دافئة على شاطيء البحر الفيروزي» كانت هذه كلها ذكرياته عنها، لا يعلم ان كانت حقيقة أم خيال، لا يعرف أين هي، كل ما يملكه عنها فى ذكرياته الاخيرة أنهم في شتاء الاسكندرية فى عام 2024 كا...
