متنسوش الڤوت⭐
بسم الله. ــــــــــــــــــــــــــــ
كلمات كريم الهادئة وتفسيره البسيط لأفعاله أعادوها من ارض الخجل لكنهم لم يعيدوا صوتها الذي التجم، نظرت له بفخر بامتنان بولهٍ وعشق ثم أماءت والتفتت إلى طريقها نحو الغرفة.
مرت من الباب سريعاً ثم فكفكت حجابها ودلفت إلى الحمام لتتوضأ أولا ثم تعيد ترطيب بشرتها وتبدأ الصلاة، انهتها ثم استقامت ووقفت أمام المرآة لتعيد إحكام حجابها وفى الانعكاس لمحت هاتفها على الطاولة بجوار الفراش وهنا تذكرت أنها لم تخبر أحد أنها لن تحضر اليوم إلى العمل ولم تعتذر من عروس الشؤم، فاسرعت فى لف حجابها اللين ثم تحركت إلى الطاولة.
أخذت شهيقها ثم أمسكت الهاتف وراسلت خلود على الرغم من أن الوقت قد تأخر كثيرا عن ميعاد الحضور وبالتأكيد تصرفوا فى أعمالها ووزعوها على شخص آخر، ثم فتحت جهة الاتصال وأخرجت رقم ميري واتصلت بها.
رنات بسيطة على الرقم وصدح الصوت المتدلل:
ألو يا روكو... Oops أقصد يا رقية
امتعض وجه رقية قليلاً لكنها تجاهلت تفاهتها وتكلمت بهدوء:
ايوة يا حبيبتي معلش مش هاجي النهاردة عنـ..
قبل أن تكمل رقية كلامها أتاها نبرة ميري المنفعلة والمتعجرفة بلا أي ذوقيات:
يعني إيه؟ إزاي يعني النهاردة كمان..
أخذت رقية نفساً عميقًا وردت بأدب تحاول كتمان غيظها:
يعني مش هقدر آجي لظروف خاصة بيا..
-ايه ظروف خاصة بيا دي؟... الفرح بعد شهر او شهر ونص... مفيش حاجة خاصة بيكي.. في خاص بيا أنا... أنا وبس... أنا محتاجة اختار ديل الفستان...أنا محتاجة أختار البوكيه...أنا محتاجة اختار theme الفرح..انت...
فقاطعتها رقية بحدة وقد فاض الكيل:.
الحاجات دي مكنتش اختصاصي من البداية وانا قبلت أساعدك لطفًا مني لأنك قولتي محدش بيهتم بيكي وقلت أكسب ثواب مش أكتر... فــيا أستاذة ميرڤت قبل ما تدوري على حد يفكر مكانك ياريت تحطي فى اعتبارك إن أنا ست متجوزة.. وانتي كل يوم بتأخريني بحجج كتير ومع ذلك بحاول اتفهم حاجتك لأي حد جنبك... لكن توصل بيا معاملتك ليا إنك تفتكري إني متفرغة عشانك وان من حقك تتكلمي معايا كدة فلأ ده مش هيحصل
-بس انا
-مابسش يا ميرڤت..من هنا ورايح أخري معاكي 6 المغرب بالكتير لحد ما فرحك يتم... مفيش ولا دقيقة بعد كدة.. اختاري حاجتك بنفسك.. ولما نتقابل عرفيني..وبعدها هطبقلك اللى تختاريه... غير كدة اتمنى إنك تموني professional و تعرفي حدودك معايا...
-اسمعيني ...
--إسمعي إنتي... أنا مش مهم عندي فرحك أو غيره... إنتي مش مقدرة إني أنا عروسة جديدة وباجي على نفسي وبيتي وننزل واقضي وقتي كله معاكي ومع ذلك بتتجاوزي حدودك معايا...
حاولت ميري مقاطعتها بكلمات:
طيب يا رقـ..
-ماطيبش.. يا انسة ميرڤت، أنا فرحك ده بالنسبة لي عبارة عن project وانتي مجرد عميل عندي... انا مش شغالة عندك ولا مستخدمتك أصلاً... انتي بتتعاملي مع مديرة المكتب مش موظفة بتشتغل فى بيتك... فلما تتعاملى معايا تتكلمي من نفس المستوى اللى انا واقفة فيه... وإلا هضطر آسفة أحول الـ project بتاعك لأي حد من اللي شغالين عندي فى المكتب!
أنت تقرأ
شظايا ثمينة
Mystère / Thriller«حذاء بكعب أحمر وحجر كريم أزرق وسلسال من الذهب الأبيض وبضع ذكريات دافئة على شاطيء البحر الفيروزي» كانت هذه كلها ذكرياته عنها، لا يعلم ان كانت حقيقة أم خيال، لا يعرف أين هي، كل ما يملكه عنها فى ذكرياته الاخيرة أنهم في شتاء الاسكندرية فى عام 2024 كا...
