السلام عليكم ورحمة الله، في العادة بداية الفصل وخاتمته بقول فيهم او هتوقف الاسبوع اللي بعده ولا لا، لكن عامة اعملوا فولو فيسبوك عشان تعرفوا وقت التأجيل او التاخير
سيرش على Ema kandeel 🎀
حاجة كمان عذرا على ايقاع النشر البطيء لكن بحاول اروج واكتب وده حقيقي لود كبير اوي عليا، اتمنى انكم تساعدوني في ده لأن الموضوع محتاج أكتر من ايد.
وعندي استفسار قرأتولي ايه قبل كدة؟
قرأتوا إيه من سلسلة الوجه الاخر غير شظايا ثمينة؟
بس كدة يلا نبدأ
لا اله الا انت سبحانك اني كنت من الظالمين،
متنسوش الڤوت⭐
بسم الله.ـــــــــــــــــــــ
مر يومين على رِقة القلب ولهيفها كيم والعلاقة بينما تتوطد أكثر فأكثر وحياتهم كزوجين مسؤولين مستمرة بانسيابية، في الصباح يتناولا الفطور وكل منهما يذهب لمسؤولياته كما اتفقا، رِقة وضعت لنفسها روتين كامل للبشرة والشعر وأيضا للتمارين وكأنها عروس تتحضر للزفاف، بل هي عروس بالفعل فلقد اقترب موعدهم.
أما كيم فكان شغله الشاغل منزل والديها الذي رفض بيجاد أن يتركه بعد أن شعر بحنينه يستقر في قلب المنزل، وعند المغارب يعود ليلاقيها ويقضيا باقي اليوم معا، في اليوم الثالث تناولا الفطور واستقامت لتعد الشاي ثم نظرت له تقيمه قائلة:
انت هتنزل كدة؟
مط شفتيه ونظر لقميصه الأسود ثم لها ورد ساخرا:
ماله ده كمان ما هو مقفول لحد وداني أهو!
ضيقت عيونها وتمتمت بتهكم:
بس باين انه على اللحم!
-بس مقفول!
-مش مهم... المهم انه على اللحم!
-يعني انا دلوقتي لو لبست حاجة تحته كل ما هيعدي جنبي حد هقوله استنى... وافك الزراير واوريه اللي تحت!..
قطبت حاجبيها ثم التفتت وتمتم:
طب خلاص... بس افتح زرار عشان قافل اوي عليك...
ضحك واستند على الطاولة قائلا:
خالف تعرف ده ولا ايه!
-لا ده زرر تلزق يا حبيبي... الزرار اللي انت قافله لودانك مضيق القميص...
-خلاص يا حبيبي اخر مرة هبقى أنزل حجابي يغطي صدري.. حاجة تانية يا ست السيد؟
التفتت لبسمته العبثية بامتعاض ثم تهكمت:
متسبسبش شعرك اوي كدة..
-حاضر هبقى انزل منعكش عشان يقولوا عليكي مرات الاهبل.. حلو كدة؟
-يقولوا مرات الاهبل احسن ما يقولوا الهبلة اللي جوزها مجري الستات وراه
هز كتفيه باستفزاز ثم رد بصوت هادئ:
أنا مالي لو هما بيجروا ورايا؟
-يا سلام!
-يا سلامين سلم كمان...
-كريم... اتلم انا مبحبش كدة..
-كدة ده اللي هو ايه؟ مش واثقة فيا؟
-واثقة بس مش فيهم!
-ايه يا ست السيد ايه! اجيبلك مكنة تخدي دقنك وشين ولا ايه! هو مش الكلام ده بيقولوه الرجالة لستاتهم!
أنت تقرأ
شظايا ثمينة
Mystery / Thriller«حذاء بكعب أحمر وحجر كريم أزرق وسلسال من الذهب الأبيض وبضع ذكريات دافئة على شاطيء البحر الفيروزي» كانت هذه كلها ذكرياته عنها، لا يعلم ان كانت حقيقة أم خيال، لا يعرف أين هي، كل ما يملكه عنها فى ذكرياته الاخيرة أنهم في شتاء الاسكندرية فى عام 2024 كا...
