كل سنة وانتم طيبين، ربنا يعيده عليكم بالخير والفرحة، يلا بيجامتك وبادي سبلاشك وتعالي نعيد سوا
متنسوش الڤوت ⭐⭐
يلا بينا، بسم الله. ــــــــــــــــــــــــــــــ
طالت معانقتهم حتى نسيا الوقت وكل ما تذكروه هو ذاك العناق الذي قطعا به قرب جديد في الخط الواصل بينهم، لم يبق إلا القليل حتى يبلغا المكانة النهائية، ظل كريم يربت على ظهرها برفق ثم همس:
ما تيجي..
دفعته بقوة وصاحت:
آجي فين... دي قلـ...
كمم فاهها ضاحكا وتلائم عليها هامسا:
هو انتي دماغك شمال كدة على طول؟
رفعت حاجبا دون آخر وصاحت:
هو انا شوفت منك يمين وقررت اخد اتجاه عكس...
-حاسس اني حاضن سواق تاكس..
دفعت يديه عنها وتبرمت:
يا سيدي وعلى ايه لا تاكس ولا كلاكس.. اوعي بقا..
ضحك وقبض يديه حلها:
والله ولا أقدر... حتى لو سواق هكونلك أنا التاكس يا ستي.
امتعضت تعابيرها من ابتذال غزله ثم ضحكت:
يا مراري... وبعدين لما انت برئ أوي كدة، ايه هو اللي ما تيجي ده؟
صخب بالضحك ثم ضغط وجهها في كتفه وصحح:
كنت بقول ما تيجي أعلّمك القهوة بتتعمل ازاي؟
تنهدت وابتسمت ثم ردت بهمس مكتوم في كتفه:
بس انا مش عايزة اتعلمها... انا عايزاك انت اللي تعملهالي على طول..
-هعلمهالك عشان لو يوم في يوم غيبت ونفسك راحت ليها..
عادت بظهرها للخلف ناظرة لوجهه ورفعت كفها تداعب اللحية:
لو حبيت وانت برة هستناك نشربها سوا..
ابتسم وسأل:
طب هنشربها سوا النهاردة؟
أومأت له بدفء ابتسامتها فابتسم وهمس:
خلاص يبقى هتساعديني في عمايلها.
-ماشي..
فتنهد وأمسك طرف فستانها قائلا:
طب اطلعي غيري فستان الاشباح ده وتعالي عشان محتاج الصبي بتاعي معايا
سحبت طرف الفستان من يده وتكلمت بغير رضا:
مالوا الفستان؟
مط جانب شفته وامسك جزءً منه يرفعه وضحك:
هو ايه اللي ماله؟ انا ممكن اعمل منه غطا للعربية وكسوة للركنة يا رِقة!..
-وكسوة كمان؟
-انتي بجد مش شايفة انك واخدة تلتين الكنبة فستان بس؟ انا خايف تتوهي جواه وانتي بتغيريه أصلا..
-يا سلام!
-يا سلامين سلم كمان...يلا يا ست اطلعي بس هاتلنا بيجامتين من الماتشينج اللي جيبناه زمان ده... عايز اجرب حاجة غير ماتشنج الشرابات...
تنهدت ثم استقامت وتوجهت إلى الطابق العلوي ومعها إلى درجة أخرى في سلم علاقتهم، لقد اقتربوا من تمام زواجهم، واقتربت معه السعادة التي تمنوها.
أنت تقرأ
شظايا ثمينة
Mystère / Thriller«حذاء بكعب أحمر وحجر كريم أزرق وسلسال من الذهب الأبيض وبضع ذكريات دافئة على شاطيء البحر الفيروزي» كانت هذه كلها ذكرياته عنها، لا يعلم ان كانت حقيقة أم خيال، لا يعرف أين هي، كل ما يملكه عنها فى ذكرياته الاخيرة أنهم في شتاء الاسكندرية فى عام 2024 كا...
