السلام عليكم ورحمة الله وبركاته، الخميس اللى فات كان عندي ظروف مرضية
شكرا على السؤال حقيقي من قلبي ❤
يلا بينا.
سموا الله وصلوا على الحبيب.
متنسوش الڤوت⭐ـــــــــــــــــــــــ
صدح صوت رقية المتحدي ناظرة إلى النادل بابتسامة عريضة:
هات مغات..
-نعم يا فندم؟
--هات مغات.. مغات يا فندم.. لا قهوة ولا لمون.. إيه رأيك يا عروسة؟
-مـ..مغات؟ مغات ده اللى هو ايه؟
افتر ثغر رقية بابتسامة ماكرة ونبست:
ده مشروب معمول من الحلبة والسمسم ومكسرات بالسمنة البلدي.
-سمنة؟ سمـ..سمنة اللى هي بتاع الاكل؟
ضحكت رقية من طريقة ميري ووجهها المشمئز ثم نبست تهز راسها باستسخاف:
اه هو بتاع الاكل ايوة.... احنا نجيبه وتشربيه... انا شيفاكي داخلة على جواز ووشك مصفر وبهتان وضعيفة.. اشربيه
-لا لا... انا....
--أوأوه.. مس ميري مش هتقدر تشرب حاجة زي دي خلاص نجيبلك Milkshake؟ ولا ممكن ايه ممكن الاطفال بيشربـ....
-خلاص هاخده... انا اعرف اشربه يا ماما انتي..
كان النادل يتابع الحوار بينهما وفهم شخصية كلاهما، بعد لحظات التفتت له رقية وتكلمت:. يبقى هنطلب 2 مغات حجم كبير للعروسة وانا عادي..
-بس..
-ايه صعب تجيبه؟ -بابتسامة ماكرة فهمها هو-
-لا.. بس.-ابتسم بظفر-... حاضر يا فندم في مكان وهعملهولك مخصوص
بعد وقت لا بأس به أُتي بالسائل البني ذا الطبقة الذهبية ووضع كبير الأكواب أمام ميري، والصغير أمام رقية رفعت رقية كوبها وارتشفت رشفة ضئيلة ثم تكلمت:
إشربي يا شابـ... اقصد إشربي يا عروسة.. ولا انتي مش قدها.. شكلك كدة مش حمله.... فين الويتر
رفعت ميري كوبها بعناد واغترفت منه غرفة كبيرة فى فمها على دفعة واحدة قبل أن تعي ان هذا المشروب ثخين يحتفظ بالحرارة فصرخت من لسانها الذي احترق وبدأت تلوح بيديها على فمها متمتمة:
آه لساني... لساني.. عصير غبي... عصير غبي
كتمت رقية ضحكتها ثم تمتمت:
ده مش عصير يا حبيبتي... ده مغات..
فصاحت بها من الالم:.
عصير غبي وانتي كمان!
تبلدت تعابير رقية بملامح تقطر تهديد ونبست بصوت هاديء بارد:
وانا كمان؟ وانا كمان ايه يا ميرڤت؟
القت ميري نظرة عابرة على تعابير رقية ثم اشارت لها ان تنتظر وكانها تحاول ان تبحث عن شيء تقوله ثم تكلمت:
انتي كمان ماقولتيليش انه هيبقى بيلسع كدة...لساني اتحرق خالص.. ليه يا روكو؟
ردت رقية بسخرية غلفتها بالمزاح:
يا روحي!!.. لا الف سلامة على لسانك يا حبيبي... بعد كدة احفظي لسانك وحافظي عليه عشان ميغلطش ولا يتلسع...
-يعني انتي كنتي عارفة انه هيلسعـ...
مالت رقية على الطاولة تلملم الاوراق وهي تتمتم بعجرفة وكبرياء تقاطعها:
اوكي... احنا اتفقنا... الفرح هيبقى Beach wedding والـ materials بتاعة الفستان بالـdesign هيتغير لـmermaid صح يا آريل؟ قصدي يا ميري؟
أنت تقرأ
شظايا ثمينة
Misterio / Suspenso«حذاء بكعب أحمر وحجر كريم أزرق وسلسال من الذهب الأبيض وبضع ذكريات دافئة على شاطيء البحر الفيروزي» كانت هذه كلها ذكرياته عنها، لا يعلم ان كانت حقيقة أم خيال، لا يعرف أين هي، كل ما يملكه عنها فى ذكرياته الاخيرة أنهم في شتاء الاسكندرية فى عام 2024 كا...
