السلام عليكم ورحمة الله، لا مؤاخذة اتاخرت الفصل طويل أوي + الشبكة عندي بعافية حبتين
الاسبوع اللي جاي عندنا حالة طوارئ جيم وفيه امتحانات، عشان كدة الفصل المرة دي استثنائي طويل، دعواتكم بالتوفيق 💜
يلا بينا؟
متنسوش الڤوت ⭐ والفولو 👌
سموا الله وصلوا على الحبيب. ـــــــــــ
"انا قررت اننا هنروح لامي"
تسللت كلماته لأذنيها فشعرت وكأن كل كيانها ينتفض بمشاعر متناقضة لم تفهمها لكنها بين خوف وارتياح وفرحة وشجن أنها ستبدأ حياة زوجية أخيرا لكن لا فستان ابيض، ابتلعت ريقها ثم نطقت بتلعثم:
ايه؟! امتا؟
أخذ شهيقه عندما لمح توترها ثم تكلم بصوت هادئ وهو يداعب أنامل يدها:
بصي انا هفك الغرز كمان يومين تلاتة بالكتير. فإيه رأيك نروح يومها؟
سكنت رقية لثوان تفكر في الأمر وتحمست للقاء برغم توجسها، لكن عنظما خفضت وجهها وقعت عيونها على الجبيرة حول معصمها وتكدرت قائلة:
مش هينفع اروح بالجبس.. ده مش منظر بصراحة..
ابتسم برفق ثم أبان:
يا حبيبي ڤيڤو مش سطحية وهتقيمك من الجبس يعني..
هزت رقية رأسها إيضاحاً قبل أن تفسر بالقول:
لا لا.. مقصدش كدة يا كريم... بس اقصد لنفسي يعني... مش حابة أدخل عليها وانا مكسرة كدة..
نظر لحيرة نظراتها ثم زم شفتيه، لقد كان يأمل أن يكون هذا الأسبوع هو الأسبوع الأخير في زيجتهم السرية عن أمه، أخذ شهيقه وتنهد كلماته:
طب بصي... بيتهيألي انتي ممكن تفكي الجبس كمان اسبوعين مثلا صح؟
أومأت ثم أجابته:
احتمال آه... الدكتور هيعمل اشاعة قبلها.. ولو احتجت علاج طبيعي هـ..
-طب تمام.. تفكي الجبس ونروح احنا الاتنين...
-طب والعلاج الطبيعي..
ضحك بخفة ثم مازحها:
يعني حتى لو احتاجتي علاج طبيعي هيفرق في ايه؟ هي مش هتعملك اختبارات تقشير بطاطس يعني..
ابتسمت من جملته ثم هزت رأسها فعاجلها باقتراحه:
لو عايزاني اروح الاول وبعدها اخدك ونروح ماشي... ولو عايزة نروح سوا ماشي، قرري وانا معاكي..
شردت عيونها لبرهة تتخير بين الأمرين ثم تكلمت:
بص.. انا كنت في الاول خايفة إنها تشوفني فتطردني مثلا او ترفضني... بس...
ابتلعت ريقها بتوتر، لا تعلم ان كان ما ستقوله صحيح أم لا فتعجلها بأعين فضولية:
بس؟
اخذت شهيقها وبدأت تنظم تنفسها ثم نطقت:
بس دلوقتي حتى لو طردتني... انا مراتك فاهمني... يعني..
ترددت للحظة في كلامها فابتسم كريم بترقب لما سيأتي، فقالت:
انا في الاول كنت بقول لو قالت كدة انا همشي وهعمل وبتاع.. لكن دلوقتي...
-دلوقتي ها؟ ما تقولي يا رقة... قولي بالله عليك..
أنت تقرأ
شظايا ثمينة
Mystery / Thriller«حذاء بكعب أحمر وحجر كريم أزرق وسلسال من الذهب الأبيض وبضع ذكريات دافئة على شاطيء البحر الفيروزي» كانت هذه كلها ذكرياته عنها، لا يعلم ان كانت حقيقة أم خيال، لا يعرف أين هي، كل ما يملكه عنها فى ذكرياته الاخيرة أنهم في شتاء الاسكندرية فى عام 2024 كا...
