اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
السلام عليكم ورحمة الله وبركاته، الفصل متأخرش إلا عشان السبب ده، أنا فعلا مستمرة على الكتابة، الاسبوع اللى فات بس كتبت +10 آلاف كلمة ومن حقي فعلا اني ادور على وصول و انتشار الرواية، واتمنى اني اشوف بوستات منكم ودعم لان ده ابسط شيء تقدمه لحد بيحاول يلتزم بكلمته معاك ❤
حبيت بس أنوه عن حاجة غريبة، قابلني اكتر من كومنت متشابهين بيتحطوا بصورة عبثية فى ترويج اي حد ليا الكومنتات من نوعية الرواية مملة وملخبطة ومحدش فاهمها سيبتها او قفلت او اواو... أنا مقفلتش باب الاستفسار من اول فصل، لكن ان كومنت سلبي زي ده يتحط لما حد تاني يروجلي فده شيء ميرضيش ربنا، طب ما أنا قدامك مسألتش ليه؟
ثانيا الرواية تصنيفها الاساسي غموض الطبيعي ان اول كام فصل بتعرض عليك طبيعة الرواية وازاي هنمشي مع بعض الفصول الجاية، عشان تتأقلم على شيء مبتكر وكرييتف، وبلاش ننسى اننا ماشيين فى خطين زمنين وكل خط بشخصياته وأحداثه، يعني روايتين فى نفس الرواية، ده غير اعادة الاحداث من وجهة نظر الشخصيات المختلفة بسرد وحوار ومشاعر جداد وده مرهق ومتعب جدا للكاتبة اللى هيا أنا، فلو مفهمتش اسألني مش تروح تنشر كومنتات ان العيب فى الرواية وان الرواية مملة او ملخبطة 😭
اتمنى اشوف دعم يليق بتعبي لأني فعلا بتعب عشان تفضل الرواية أصلية ومشاهدها تفضل قطفة أولى زي ما بيقولوا.
يلا نبدأ سموا الله وصلوا على الحبيب... ومتنسوش الڤوت ⭐ والكومنت👀 وريڤيو عن الفصل في جروب الوجه الاخر♥ بسم الله. ـــــــــــــــــــــــــــ
خرج من الحمام إلى غرفة والدته وأصوات النساء الكبيرات بالعمر وتتوسطهم أمه ڤيڤيان التى قد تصادقت عليهم فى سويعات نومه القليلة، فتحرك لداخل الغرفة ناظرًا لها بضحكة من مشهدها وكأنها فى النادي أو مقهي وليس مشفى مع خروجه نبست إحدي السيدات: ما شاء الله عليه... ده ابنك يا فيفيان ياختى؟... اسمك ايه يا حبيبي؟..
ضحك كريم من نطق اسم والدته الذي تساقطت عنه النقاط وجعلت نطقه مضحكًا ثم نطق: كريم.. اسمي كريم..
فنظرت السيدة لأمه وسألتها: ما شاء الله عليه... هو خاطب... انا عندي عروسـ...
