အပိုင်း (၁၂၇)
ချီလိသည် ချောင်ယွီထံမှ ထိုအမည်ကို ကြားလိုက်ရသောအခါ ထိတ်လန့်သွားလေသည်။
ချောင်ယွီသည် အန်းရှအား စိတ်ဝင်စားနေကာ မိန်းမနှင့် ယောက်ျားကြားတွင်ရှိသော နှစ်သက်မှုမျိုး ရှိနေသောကြောင့် တုန်လှုပ်မိလေသည်။
အခုအခြေအနေကြောင့်သာ မဟုတ်လျှင် သူသည် ချောင်ယွီ၏ လည်ပင်းအားဆွဲယူလိုက်၍သာ ထိုသို့ ပြောလိုက်ချင်တော့သည်။...ဟေ့ကောင် မင်းသဘောကျနေတဲ့သူက ဘယ်သူလဲဆိုတာ သိရဲ့လားဟ...
သူမသည် မော့ယွီစန်း၏ ဇနီး ဟောင်းဖြစ်လေသည်။
ချောင်ယွီသည် အန်းရှ၏အကြောင်းအား မသိသည်မှာ အံ့သြစရာတော့ မဟုတ်ပေ။
မော့ယွီစန်းနှင့် အန်းရှတို့ လက်ထပ်လိုက်ချိန်တွင်လူအနည်းငယ်သာ သိလိုက်လေသည်။
လက်ထပ်ပြီးနောက်တွင်လည်း မော့ယွီစန်းသည် အန်းရှအား သူ၏ ဇနီးအဖြစ် မသတ်မှတ်ခဲ့သလို သူ၏ သူငယ်ချင်းများနှင့်လည်း မိတ်မဆက်ပေးခဲ့ပေ။
သူ၏ သူငယ်ချင်းများပင် မသိနိုင်သော အကြောင်းဖြစ်နေသောကြောင့် အပြင်သူများသည် ပို၍ပင် မသိနိုင်တော့ချေ။
ယခုအချိန်တွင် ပြဿနာတက်တော့မည် ဖြစ်လေသည်။ သူသည် အန်းရှအား မော့ယွီစန်း၏ ဇနီးဟောင်းဖြစ်နေမှန်း မသိလေဘဲ နှစ်သက်နေတော့သည်။
ထို့ကြောင့် သူသည် ဘာလုပ်ရမှန်းပင် မသိတော့ချေ။
ချောင်ယွီသည် အန်းရှအပေါ်တွင် များစွာ စိတ်ဝင်စားမိနေလေသည်။ သူသည် နှစ်ပေါင်းများစွာကြာပြီးနောက်တွင် မိန်းမတစ်ယောက်အား နှစ်သက်သွားလေသည်။ ချီလိအနေဖြင့် သူ၏ ပါးစပ်ကို ဟလိုက်ကာ ပြောရန် ခက်ခဲနေတော့သည်။
ထို့ကြောင့် သူသည် ချောင်ယွီနှင့် အန်းရှတို့၏ တွေ့ဆုံမှုများကိုပါ မေးလိုက်လေသည်။ ထိုအဖြေကို သိလိုက်ရသောအခါ သူ၏ ပါးစပ်ထဲမှ ဝိုင်များပင် ပန်းထွက်သွားတော့မည်ဟု ခံစားလိုက်ရလေသည်။
"အဟွတ်... မြင်မြင်ချင်း သဘောကျတယ်တဲ့လား..."
"ဟုတ်တယ်ငါသူ့ကို မြင်လိုက်ရတာနဲ့ ငါ့ရဲ့နှလုံးသားတွေ ခုန်သွားတယ်လို့ ခံစားလိုက်ရတယ်..."
YOU ARE READING
ဇာတ်လိုက်မရဲ့ သိမ်မွေ့နူးညံ့တဲ့ သူငယ်ချင်းလေး။
Romanceဘာသာပြန်သူ - စွဲညို့အသင်း ရိုရိုချိုချိုနဲ့ မခါးတာလေး ဖတ်ချင်ရင် လာနော်
