ဇာတ်လိုက်မရဲ့ သိမ်မွေ့နူးညံ့တဲ့ သူငယ်ချင်းလေး။

Part 51

အပိုင်း (၅၁)

ရှုန်းထျန်း အိမ်ခြံမြေကုမ္ပဏီ၏ ဝန်ထမ်းဟောင်းများသည် ယခင်သူဋ္ဌေးမှာ ကောင်းမွန်စွာ မစီမံနိုင်ခဲ့သောကြောင့် ကုမ္ပဏီကို ရောင်းချလိုက်ရခြင်းကို သိရှိကြလေသည်။

သူဋ္ဌေးအသစ်သည် ချမ်းသာကြွယ်ဝရုံတင်မကဘဲ အာဏာကြီးမားလှသည် ဟူ၍ပါ လူဟောင်းများထံမှ သိရှိထားကြလေသည်။

ထို့ကြောင့် ကုမ္ပဏီကို လက်လွှဲလိုက်သည့် အချိန်ကတည်းက ဝန်ထမ်းဟောင်းများသည် နေ့စဉ် စိုးရိမ်စွာဖြင့် အလုပ်လုပ်နေကြရလေသည်။

သူတို့သည် တစ်စုံတစ်ရာ အမှားလုပ်မိလျှင် အလုပ်ဖြုတ်ခံရမည်ကို စိုးရိမ်နေကြခြင်း ဖြစ်သည်။

သို့သော် ထိုကဲ့သို့ ကြောက်ရွံ့နေကြသူများကြားတွင် ယခင်သူဋ္ဌေးနှင့် ဆက်နွယ်နေသူဖြစ်သော မန်နေဂျာရှုန်းတစ်ဦးထဲသာ ဆက်လက်လုပ်ကိုင်၍ ကျန်ရှိနေလေသည်။

ကုမ္ပဏီကို လူသစ်တစ်ဦးမှ လက်လွှဲရယူပြီးနောက်တွင် ကုမ္ပဏီနှင့်ပတ်သက်သော ကိစ္စအဝဝကို ယခင်အကြီးအကဲများနှင့်အတူ ရှင်းလင်းဖယ်ရှားလိုက်ပြီ ဖြစ်သည်။

သူသည် ကုမ္ပဏီမှ ထွက်မသွားသည်သာမက သူ၏ ရာထူးတွင်သာ ဆက်လက်လုပ်ကိုင်နေ၍ ဝန်ထမ်းများကိုလည်း သူ၏အောက်တွင်သာ ထိန်းချုပ်ထားလေသည်။

လူတိုင်းက မန်နေဂျာရှုန်းသည် သူဋ္ဌေးအသစ်ဖြင့် အထူး ဆက်ဆံရေး တစ်စုံတစ်ရာ ရှိသောကြောင့် ကုမ္ပဏီတွင် မန်နေဂျာအဖြစ် ဆက်လက်လုပ်ကိုင်နေသည်ဟု ထင်ထားကြလေသည်။ ထို့ကြောင့် ဝန်ထမ်းဟောင်းများသည် ထိုသူကို မတိုက်ခိုက်ရဲဘဲ သူ၏ ညွှန်ကြားချက်များကိုသာ လိုက်နာ ဆောင်ရွက်ခဲ့ကြသည်။

အရင်ကတည်းက လစာမြင့်မား၍ သင့်တော်သော ဤအလုပ်ကို ဆုံးရှုံးသွားမည်ကို စိုးရိမ်လှသော မန်နေဂျာရှုန်းသည် လုံးဝကွဲပြားခြားနားသွားသော အနေအထားကို တဖြည်းဖြည်း ခံစားလာမိတော့သည်။

သူ၏ဆွေမျိုးများသည် ကုမ္ပဏီကို ရောင်းချလိုက်သောအခါ သူ့အနေဖြင့် သူဋ္ဌေးအသစ်မှ သူ့အား စောင့်ရှောက်ပေးရန် တောင်းဆိုထားပုံရလေသည်။