အာဏာရှင်ငရဲမင်းကြီးနှင့် သူ၏အချစ်ကလေး (၁)

1. The Abnormality

Please scroll down for Zawgyi font

အပိုင်း ၁။ မူမမှန်မှု

စကြာဝဠာကို ကောင်းကင်ဘုံ၊ မိစ္ဆာဘုံနဲ့ လူ့ဘုံဆိုပြီး ဘုံ ၃ ဘုံ ပိုင်းခြားထား၏။ အဲ့ဒီ့ ဘုံ ၃ ဘုံထဲမှာမှ လူ့ဘုံက အနိမ့်ဆုံးဘုံ ဖြစ်သည်။

ဒါပေမယ့် အဲ့ဒီ့ ဘုံ ၃ဘုံအပြင် ငရဲဘုံလို့ခေါ်တဲ့ဘုံတစ်ဘုံလည်း ရှိသေးသည်။

ငရဲဘုံက အပလောကနဲ့ တစ္ဆေလောကကို အုပ်စိုးကာ ကောင်းကင်ဘုံနဲ့ မိစ္ဆာဘုံတို့တောင် ငရဲဘုံကို မပယ်ရှားနိုင်ပေ။

လူ၊ နတ်ဘုရား၊ မိစ္ဆာ အားလုံးဟာ သေလွန်တဲ့အခါ ငရဲဘုံကို ဝင်ရောက်ကြရသည်။ အဲ့လိုမှမဟုတ်ရင် လေလွင့်ဝိညာဉ်အဖြစ်ကနေ ဘယ်တော့မှ ပြန်လည်မွေးဖွားဝင်စားခြင်းအမှု ပြုနိုင်တော့မှာ မဟုတ်ပေ။

အပလောက ကတော့ လေလွင့်ဝိညာဉ်တွေ ပြန်လည်မွေးဖွားဝင်စားတဲ့နေရာ ဖြစ်သည။ ဝိညာဉ်ကူးပြောင်းနန်းတော်ရဲ့ စစ်ဆေးမှုကို ကျော်ဖြတ်နိုင်တဲ့ လေလွင့်ဝိညာဉ်တွေသာ အပလောကကို ဝင်ရောက်နိုင်မှာဖြစ်ပေမဲ့၊ သူတို့ရဲ့ပြန်လည်ဝင်စားနိုင်မယ့်ရက် ကြာမြင့်ချိန်ကတော့ အတိတ်ဘဝမှာလုပ်ခဲ့တဲ့ သူတို့တစ်ဦးချင်းစီရဲ့လုပ်ရပ်နဲ့သာ သက်ဆိုင်၏။ အဆုံသတ်ဆုံးဖြတ်ချက် ချပေးတာကတော့ ငရဲနန်းတော်ဖြစ်သည်။

လေလွင့်ဝိညာဉ်တွေဟာ ကံကောင်းတယ်ဆိုရင် စက္ကန့်အနည်းငယ်အတွင်း ပြန်လည်ဝင်စားခွင့် ရရှိနိုင်မှာဖြစ်ပေမယ့် ကံမကောင်းရင်တော့ နှစ်ပေါင်းရာချီ ဒါမှမဟုတ် အဲ့ထက်ကြာအောင်တောင် စောင့်ဆိုင်းကြရမှာဖြစ်သည်။

အတိတ်ဘဝက သူတပါးကို သတ်ဖြတ်ခဲ့ကြတဲ့လေလွင့်ဝိညာဉ်တွေကတော့ တစ္ဆေလောကကို ဝင်ရောက်ကြရမှာဖြစ်သည်။

အပြစ်နည်းပါးတဲ့လေလွင့်ဝိညာဉ်တွေကတော့ သူတို့ရဲ့အမုန်းတရားတွေ ရှင်းသွားပြီဆိုရင် ပြန်လည်ဝင်စားဖို့ရန် အပလောကကို ဝင်ရောက်နိုင်မှာဖြစ်ပေမယ့် အပြစ်ကြီးတယ်ဆိုရင်တော့ ကြာပန်းနီငရဲမှာ အပစ်ဒဏ် ကြေတဲ့အထိ ကျခံပြီးတဲ့နောက် ပြန်လည်ဝင်စားခွင့်ကိုလည်း နှစ်ပေါင်း ထောင်ချီ စောင့်ကြရမှာဖြစ်သည်။ လောက ၂ ခုထဲက ဘယ်လောကကို ဝင်ရောက်နိုင်တယ်ဆိုတာကို ပထမဆုံးအကဲဖြတ်ပေးတဲ့နေရာက ဝိညာဉ်ကူးပြောင်းနန်းတော်ဖြစ်သည်။