အာဏာရှင်ငရဲမင်းကြီးနှင့် သူ၏အချစ်ကလေး (၁)

86. One Can't Avoid His Enemy

Please scroll down for Zawgyi.

အပိုင်း ၈၆။ ရန်သူကို မရှောင်နိုင်

ဖုန့်ရှီ အသံလာရာဆီ ကြည့်လိုက်တော့ လူအုပ်ကြီး အလိုလို ရှဲသွားပြီး ဝတ်ကောင်းစားလှ ဝတ်ထားတဲ့ လူငယ်တစ်ဦးက အခြံအရံများစွာ ခြံရံကာ လျောက်လာသည်။

ထိုသူမှာ မနေ့က ဖုန့်ရှီကို 'စောင့်ကြည့်နေ' လို့ ပြောပြီး ခြိမ်းခြောက်သွားခဲ့သည့် ယန်းမင်းယွမ်ပင် ဖြစ်သည်။ ချောမောလှတဲ့ သူ့မျက်နှာထက် ကျေနပ်နေသော အမူအယာနှင့် ဖုန့်ရှီက သူ့ဖိနပ်အောက်က ပုရွတ်ဆိတ်တစ်ကောင်အလား မောက်မောက်မာမာဖြင့် ဖုန့်ရှီကို အထင်တသေးကြည့်လိုက်ကာ ကောင်လေးဆီ တဖြည်းဖြည်းချင်း လျောက်သွားလိုက်သည်။

ဖုန့်ရှီကို မျက်ကြောရှုံ့လိုက်ပြီး စိတ်ရှုပ်ထွေးသွားသည့်အမူအယာဖြစ်သွားပြီးနောက် ယန်းမင်းယွမ်ကို ကြည့်ကာ တအံ့တဩ မေးလိုက်သည်၊ "မင်းကဘယ်သူလဲ?"

ယန်းမင်းယွမ်မျက်နှာပေါ်မှ အပြုံးတို့ ရုတ်ချည်းပင် အေးခဲသွားပြီးနောက် ဖုန့်ရှီကို စူးစူးရဲရဲ စိုက်ကြည့်လိုက်ကာ ပြောလိုက်သည်၊ "စောက်ကလေး၊ ငါ့ လာ မလှည့်စားနဲ့။ မင်း ငါ့ကို ဘယ်လိုလုပ် မေ့နိုင်ရတာလဲ? ငါတို့ မနေ့ကလေးတင် တွေ့ခဲ့ကြသေးတယ်လေ! မင်းကို ဘယ်သူမှ​ယုံမှာမဟုတ်ဘူး။ မင်း ရှုံးမှာ သေချာနေတယ်ဆိုတာကို မင်းလက်မခံနိုင်တာ နားလည်ပါတယ်၊ ငါ မင်းကို ကူညီပေးလို့ရတယ်။"

ယန်းမင်းယွမ်ရဲ့ ရန်လိုတဲ့စကားတွေကို ကြားတော့ ဖုန့်ရှီ ခေါင်းကို အဆက်မပြတ် ခါလိုက်ပြီး ယန်းမင်းယွမ်ကို လက်ညှိုးထိုးကာ အလေးအနက် ပြောလိုက်သည်၊ "မင်းပဲ! မင်းက ပထမနဲ့ ဒုတိယနေရာ မရနိုင်လို့ တတိယနေရာပဲ လိုချင်နေတဲ့တစ်ယောက်ပဲ။ ယန်ဘာယွမ်ဆိုလား? မင်းကို မမှတ်မိလိုက်မိဘူး၊ ဆောရီး!"

ယန်းမင်းယွမ်၏ မည်းမှောင်သွားသော မျက်နှာကြို မြင်တော့ ဆူညံနေသော လူအုပ်ကြီး ရုတ်ချည်း ငြိမ်ကျသွာသည်။