အာဏာရှင်ငရဲမင်းကြီးနှင့် သူ၏အချစ်ကလေး (၁)

124. Feng Xi's Luck

အပိုင်း ၁၂၄။ ဖုန့်ရှီရဲ့ကံ

ပြီးခဲ့တဲ့ သေရေးရှင်ရေးတိုက်ပွဲက ခပ်မြန်မြန်ပဲ ပွဲသိမ်းသွားတော့သည်။

အဲ့ဒီ့လူစိမ်းသုံးယောက်ရဲ့ ရုတ်တရက် ပေါ်ထွက်လာမှုကြောင့် ဟွာမိသားစုအနေနဲ့ အလဲလဲအကွဲကွဲဖြစ်သွားရုံသာမက ဆူးလားမိသားစုထံကိုပါ ခရမ်းရောင် သလင်းကျောက် ထောင်ပေါင်း တစ်ရာ ကြွေးတင်သွားတော့သည်။ အဲ့ဒီ့သတင်းက မြောက်ပိုင်းနယ်မြေတခွင်ဝယ် အလင်းရဲ့လျင်မြန်မှုလိုမျိုး ချက်ချင်းကို ပျံ့နှံ့သွားကာ ဟွာမိသားစုက နာမည်မရှိတဲ့ အင်အားစုအသေးလေးတစ်ခုကို ရှုံးသွားပြီး ခြိမ်းတောင် အခြိမ်းခြောက်ခံလိုက်ရတယ်ဆိုတာကို လူတိုင်း သိသွားကြတော့သည်!

သူတို့ကို သနားကြသူ တစ်ဦးတစ်ယောက်တောင် မရှိပေမဲ့ ဒရမ်မာလေးကြည့်ဖို့ လာကြတဲ့သူတွေကတော့ အမြောက်အများပင်။

ဒီသတင်းက မြောက်ပိုင်းနယ်မြေတလွှားမှာ အချိန်အတော်ကြာအောင် ဆွေးနွေးမှုတွေ မြင့်တက်သွားတော့သည်။ ဟွာမိသားစုက သူတို့ရဲ့ ကြီးမြတ်ှုကို ထိန်းတဲ့နေရာမှာ နာမည်ကြီးတာမို့ လူတော်တော် များများက ဟွာမိသားစုရဲ့ တန်ပြန်တိုက်ခိုက်မှုကို စောင့်နေကြပေမဲ့ အခြားသူတွေရဲ့ချိန်ဆတွက်ဆနေကြမှုအောက်မှာပဲ အချိန်တစ်လက ကျော်လွန်သွားခဲ့ပြီဖြစ်ပေမဲ့ ဟွာမိသားစုဘက်ကတော့ ဘာလှုပ်ရှားမှုမှ ရှိမလာခဲ့။ သူတို့က ပြင်ပမှာ သင်တန်းတက် သင်ယူနေခဲ့ကြတဲ့ တပည့်တပန်းတွေကိုတောင်မှ ပြန်ခေါ်ယူလိုက်ကြပြီဖြစ်သည်။

ဒီအပြုအမူက ဟွာမိသားစုရဲ့ ဒီအခြေအနေအပေါ်ထားတဲ့ သဘောထားကို လှစ်ဟပြနေသည်မို့ သူတို့ကို ပျက်ရယ်ပြုလိုတဲ့ လူတွေအနေနဲ့ စကားလုံးတွေကို မနည်း မြိုချနေကြရတော့သည်။ နာမည်ကြီး ဟွာမိသားစုကို ကြောက်ရွံ့ပုန်းအောင်နေစေလောက်အောင် ဆူးလားမိသားစုကို အလွန်အမင်း စွမ်းအားကြီးတဲ့လူမျိုးက ကျောထောက်နောက်ခံ ရှိနေပုံပင်။

အဲ့လိုနားလည်သွားမှုနဲ့အတူ မြောက်ပိုင်းနယ်မြေအတွင်းက အင်အားစုတွေအားလုံးက ဟွာမိသားစုကို ပျက်ရယ်ပြုရဲပေမဲ့ ဆူးလားမိသားစုကိုတော့ ဘယ်လိုအခြေအနေမျိုးမှာပဲဖြစ်ဖြစ် ရန်မစရဲတော့ချေ!