အပိုင်း ၃၂။ စူပါဉာဏ်ကြီးရှင်
ဖုန့်ရှီ စိတ်ရင်းနဲ့ ထုတ်ပြောပြီးတဲ့နောက် ကျင့်ကြံခြင်းဟာ ဘယ်လောက်တောင် ခက်ခဲသလဲဆိုတာ သူနောက်ဆုံးတော့ သိသွားရတယ်။
သူ့ကို ငြိမ်ငြိမ်လေးနေခိုင်းနေသ၍ကတော့ သူ့တစ်ကိုယ်လုံး မသက်မသာ ခံစားနေရမှာ။ ဒါပေမဲ့လည်း ကျင့်ကြံခြင်းမှာ အရေးအကြီးဆုံးအရာက တိတ်ဆိတ်စွာနေထိုင်ပြီး၊ အာရုံစူးစိုက်ရမယ်လို့ သူ့ခေါင်းဆောင်က သူ့ကို ပြောခဲ့တယ်၊ အဓိပ္ပါယ်ကတော့ ဖုန့်ရှီဟာ မလှုပ်မယှက်နေရမှာ ဖြစ်ပြီး၊ စိတ်ကို ဗလာ ထားရမှာဖြစ်တယ်။ အဲ့လို လုပ်ရုံနဲ့ သူ ချိုးဖျက်တဲ့အခြေအနေကို ရောက်နိုင်မှာလား။
အဲ့တာကို ကြားပြီးနောက် တွေဝေမိန်းမောနေရတာက သူ့အတွက် ပြဿနာမဟုတ်ဘူးလို့ ဖုန့်ရှီ ခံစားလိုက်ရတယ်။ ဒါပေမဲ့ သူ နားမလည်နိုင်သေးတာက ချိုးဖျက်သွားတဲ့အခြေအနေဆိုတာ ဘယ်လိုမျိုးလဲဆိုတာပါပဲ။
"အာရုံစူးစိုက်၊ အာရုံခံ ကိုယ်တွင်းအင်္ဂါအားလုံးကို ဖြေလျော့ထား၊ မင်းပတ်လည်က စိတ်ဝိညာဉ်စွမ်းအင်ကို မင်းရဲ့ နှလုံးသားနဲ့ ခံစားကြည့်လိုက်။ စိတ်ဝိညာဉ်စွမ်းအင်ဆိုတာ အသက်ဝင်နေတဲ့ လေလိုပဲဆိုတာ မင်းတွေ့လိမ့်မယ်။" ဘုရင်ကြီးရဲ့ အသံက ဖုန့်ရှီရဲ့ နားထဲကို ဝင်ရောက်လာတယ်။ အသံက ငြိမ်းချမ်းတဲ့ဟန် ရှိသော်လည်း ဖုန့်ရှီကို ဦးဆောင်နေတဲ့ပုံ ပေါ်တယ်။
ခေါင်းကို အဆက်မပြတ် ခါနေတဲ့ ဖုန့်ရှီတစ်ယောက် ဘုရင်ကြီးရဲ့ စကားလုံးတွေနဲ့ ဦးဆောင်ခြင်းခံလိုက်ရတဲ့အလား သူ့စိတ်က လုံးဝဗလာဟင်းလင်း ဖြစ်သွားတာကို ရုတ်တရက် ခံစားမိလိုက်တယ်။
သူ့မျက်လုံးကို ဖွင့်လိုက်တဲ့အချိန်မှာ သူ့ပတ်ပတ်လည်မှာ အဖြူရောင်ဓါတ်ငွေ့ ခပ်ထူထူကို တွေ့လိုက်ရတယ်။ ဒါဟာ သူ့ခေါင်းဆောင် ခုလေးတင် ပြောလိုက်တဲ့ စိတ်ဝိညာဉ်စွမ်းအင် ဆိုတာ ဖြစ်ရမယ်လို့ သူ ယူဆလိုက်တယ်။ နို့ဖြူရောင် ဓါတ်ငွေ့ လောင်ကျွမ်းလာတာနဲ့အမျှ သူ့တစ်ကိုယ်လုံးက ချွေးပေါက်တွေ ပွင့်လာတာကို သူ ခံစားလိုက်ရတယ်။ အဲ့နောက်မှာတော့ စိတ်ဝိညာဉ်စွမ်းအင်ဟာ သူ့ရဲ့ ချွေးပေါက်တွေကနေ တဆင့် ခန္ဓာကိုယ်အနှံ့ တဖြည်းဖြည်း စိမ့်ဝင်ပျံ့နှံ့သွားတယ်။ သူ အလွန်သက်တောင့်သက်သာ ရှိနေပြီး အဲ့ခံစားချက်ကို တဖြည်းဖြည်း စွဲမက်လာတယ်။
YOU ARE READING
အာဏာရှင်ငရဲမင်းကြီးနှင့် သူ၏အချစ်ကလေး (၁)
Fantasyစာသင်သားဖုန့်ရှီ -အပျော်တမ်းသူခိုး၊ ရည်မှန်းချက် -တစ်ကမ္ဘာလုံးရှိ ပစ္စည်းတွေခိုးဖို့၊ သေပြီးတာတောင် အငြိမ်မနေနိုင်တဲ့ဖုန့်ရှီ။ အကျိုးဆက်ကတော့ သူ ခိုးခဲ့တဲ့ပစ္စည်းတစ်ခုက နတ်ဘုရားတွေနဲ့ မိစ္ဆာတွေကြား စစ်ပွဲကြီးတစ်ခု အစပြုသွားစေခဲ့သည်။ ဤအမှန်တရား သိပြီ...
