အပိုင်း ၃၀။ ဘုရင်ကြီးအတွေး
ဖုန့်ရှီ ဦးလေးဖြူရဲ့ အကြည့်အောက်ကနေ စာကြည့်တိုက်ထဲက ရဲရဲဝံ့ဝံ့ ထွက်လာလိုက်တယ်။ ပြန်လည်မွေးဖွားလာပြီး ကတည်းက ဒါ သူ့ရဲ့ ဂုဏ်အယူရဆုံး အချိန် အခိုက်အတန့် ဖြစ်ကောင်း ဖြစ်နိုင်တယ်။ ဦးလေးဖြူရဲ့ မျက်နှာသေကို ကြည့်ရင်း အဘိုးအို စိတ်ထဲ ရူးမတတ် ဖြစ်နေလောက်ပြီလို့ ဖုန့်ရှီ ခံစားမိလိုက်ရတယ်။ အဲ့လိုတွေးမိတော့ ဖုန့်ရှီ မနေနိုင်တော့ဘဲ ထ ရယ်မိတော့တယ်။ ငရဲမင်းကြီး သီတင်းသုံးနေတဲ့ တိတ်ဆိတ်နေတဲ့ နန်တော်ရဲ့ အလယ်ခေါင်မှာ သူ ရောက်နေတာဖြစ်ပေမဲ့ အရယ် မရပ်နိုင်သေး။
"ဘာတွေများ အဲ့လောက် ပျော်နေတာလဲ?"ငရဲမင်းကြီးက စာရွက်ထံကနေ ကောင်လေးဆီကို မျက်လုံးအကြည့် ရွေ့လိုက်ရင်း မေးလိုက်တယ်။
"ကောင်းတာတစ်ခုကြောင့် ကျွန်တော် ပျော်နေတာ!" ဖုန့်ရှီ ခုန်ပြီး ငရဲမင်းကြီးဆီ ပြေးသွားတယ်။ မျက်နှာသေ ဦးလေးဖြူ အကြောင်း တွေးမိတော့ တခိခိ အရယ် မရပ်နိုင်သေး။
ဘုရင်ကြီးက ကောင်လေးကို တိတ်တဆိတ် ငေးကြည့်နေတယ်။
ဒီကောင်လေးက အခက်အခဲတွေကို ကြုံတွေ့ခဲ့ရတယ်၊ ဒါပေမဲ့ ဒီလောကရဲ့ ဒုက္ခဆိုးတွေကို သူ နားမလည်သေးဘူး။ အားနည်းသူတို့ဟာ အားကြီးသူတို့ရဲ့ သားကောင် ဖြစ်ကြရတဲ့ ဒီလောကကြီးမှာ ဒီကောင်လေးလို လူတစ်ယောက်အနေနဲ့ သက်တမ်းမကုန်သေးဘဲ သေရတဲ့ သေခြင်းမျိုးနဲ့ တွေ့ကြုံဖို့ အလွယ်ဆုံးပါပဲ၊ ဒါပေမဲ့ ကောင်းကင်လမ်းက ကောင်လေးကို သူ့ဆီ ပို့ပေးလိုက်ကတည်းက ဘုရင်ကြီးက ကောင်လေးကို အနာတရနဲ့ ထိခိုက်မှုဘေးကနေ ကာကွယ်ဖို့ သူ အစွမ်းကုန် ကြိုးစားသွားမှာဖြစ်တယ်။
"ဘာကများ မင်းကို အဲ့လောက် ပျော်စေတာလဲ?" ဘုရင်ကြီးက ထပ်မေးလိုက်တယ်။
"မှန်းကြည့်၊ ခေါင်းဆောင်" ဖုန့်ရှီက အဖြေကို တည့်တည့်မဖြေဘဲ လျှာထုတ်ပြီး ပြောင်လိုက်တယ်။
"ဦးလေးဖြူအကြောင်းလား?" ဘုရင်ကြီးက စာရွက်တွေကို ပိတ်လိုက်တယ်၊ အရာရာကို ခန့်မှန်းဖို့ သူ့မှာ လုံလောက်တဲ့ ဉာဏ်ရည်ထက်မြက်မှု ရှိတယ်။ သူ့ရဲ့ စိတ်ဝိညာဉ်စွမ်းအားတောင် မလိုပါဘူး၊ ဒီတိုင်း သာမာန်ပဲ ခန့်မှန်းလိုက်ခြင်းသာ ဖြစ်တယ်။
YOU ARE READING
အာဏာရှင်ငရဲမင်းကြီးနှင့် သူ၏အချစ်ကလေး (၁)
Fantasyစာသင်သားဖုန့်ရှီ -အပျော်တမ်းသူခိုး၊ ရည်မှန်းချက် -တစ်ကမ္ဘာလုံးရှိ ပစ္စည်းတွေခိုးဖို့၊ သေပြီးတာတောင် အငြိမ်မနေနိုင်တဲ့ဖုန့်ရှီ။ အကျိုးဆက်ကတော့ သူ ခိုးခဲ့တဲ့ပစ္စည်းတစ်ခုက နတ်ဘုရားတွေနဲ့ မိစ္ဆာတွေကြား စစ်ပွဲကြီးတစ်ခု အစပြုသွားစေခဲ့သည်။ ဤအမှန်တရား သိပြီ...
