အာဏာရှင်ငရဲမင်းကြီးနှင့် သူ၏အချစ်ကလေး (၁)

155. Can't Let Them Go

အပိုင်း ၁၅၅။ အလွှတ်မပေးနိုင်ဘူး

ပြင်းအားက ပြင်းထန်လွန်းလှသည့်အတွက် ကောင်းကင်အနားသတ်မြို့တော်တွင်းက သိုင်းပညာရှင်တွေအားလုံး ထိတ်လန့်သွားကြရ၏။

ဒါပေမဲ့ ဘာဖြစ်သွားတာလဲဆိုတာကို သူတို့ မစစ်ဆေးရသေးခင်မှာပင် အကြီးစားပေါက်ကွဲမှုအသံကြီးတစ်သံကို ကြားလိုက်ကြရသည်။ လူတိုင်း ပြေးထွက်ကြည့်လိုက်ကြတော့ မြစိမ်းရောင်နဂါးတည်းခိုခန်းရဲ့ အခန်းတစ်ခန်းက အပိုင်းပိုင်းအစစ ဖြစ်သွားတာကို သူတို့ တွေ့လိုက်ကြရသည်။ နံရံတွေ၊ ကျောက်ပြားတွေ အမိုးတွေ အားလုံး မွစာကြဲသွားပြီး အနီးအနားပတ်လည်က အဆောက်အဦးတွေကိုပါ သက်ရောက်မှုဖြစ်သွားခြင်းဖြစ်သည်။

မြစိမ်းရောင်နဂါးတည်းခိုခန်းက ကောင်းကင်အနားသတ်မြို့တော်က အစည်ကားဆုံးနေရာမှ တည်ရှိတာဖြစ်တဲ့အတွက် လူအတော်များများက ပွဲကြည့်ဖို့ ထွက်လာကြကာ စပ်စုကြတော့သည်။ နေ့ခင်းတုန်းက ဖြစ်ပျက်သွားတဲ့အကြောင်းအရာတွေကို သူတို့ကြားခဲ့ကြပြီးဖြစ်တာကြောင့် သူတို့ သေချာတွေးကြည့်လိုက်ကြတော့ အရမ်းကြီးတော့ ထိတ်လန့်မသွားခဲ့ကြပေ။ သတ္တုတွင်းကို လက်မလွှတ်နိုင်တဲ့ တစ်စုံတစ်ယောက်က ပြန်လှည့်လာပြီး ပြဿနာရှာတာလို့ သူတို့ ယူဆလိုက်ကြပေမဲ့ အဲ့လောက်ကြီး ကြီးကြီးမားမား ပြဿနာရှာလိမ့်မယ်လို့တော့ သူတို့ တွေးထင်မထားခဲ့ကြချေ။

"ဘာဖြစ်တာလဲ?"

လောင်နန်ရှုက တည်းခိုခန်းထဲကနေ အပြေးထွက်သွားပြီးနောက် ကာလွမ်သလာက ရပ်ပြီး တည်းခိုခန်းအပေါ်ကို အေးစက်တဲ့အကြည့်တို့နဲ့ စိုက်ကြည့်နေတာကို မြင်သွားတာကြောင့် လောင်နန်ရှုလည်း မော့ကြည့်လိုက်တော့ လေထဲမှာ အနက်ရောင်အရိပ်တစ်ခုက ရပ်နေပြီး ဝန်းကျင်တစ်ခွင်လုံးကို ခြိမ်းခြောက်တဲ့အရှိန်အဝါတွေ ထုတ်လွှတ်နေတာကို သူတွေ့လိုက်ရသည်။ အကွာအဝေးကြောင့် လောင်နန်ရှု အဲ့လူရဲ့မျက်နှာကို ရှင်းရှင်းလင်းလင်း မမြင်ရပေမဲ့လည်း အဲ့လိုအရှိန်အဝါတွေအရ အနိမ့်တန်းကောင်းကင်နတ်ဘုရားနယ်ပယ်ဆင့်ရောက်နေတဲ့ ပညာရှင်တစ်ယောက်ဖြစ်လိမ့်မည်။