အာဏာရှင်ငရဲမင်းကြီးနှင့် သူ၏အချစ်ကလေး (၁)

72. Recognition

Please scroll down for Zawgyi

အပိုင်း ၇၂။ အသိအမှတ်ပြုခြင်း

အဲ့တာက လန်းပြီး မိုက်တာထက်ကို ပိုတယ်!

သားရဲက သူအခု ဘယ်လိုတောင် အံဩသွားရသလဲဆိုတာ ပြောမပြတတ်တော့ဘူး။

သူ ဖြစ်နိုင်ချေတွေ အများကြီးကို စဉ်းစားခဲ့ပြီးပြီ၊ ဒါပေမဲ့ ဖုန့်ရှီကို ထောက်ပံ့ပေးနေတဲ့သူက ငရဲမင်းကြီးဆိုတာကို သူလုံးဝ သဘောမပေါက်ခဲ့ဘူး။ ပြောရမယ်ဆိုရင် အဲ့ဖြစ်နိုင်ချေကို သူ စဉ်းတောင် မစဉ်းစားရဲခဲ့ဘူး။ သားရဲက ကောင်လေးနဲ့ ငရဲမင်းကြီးကို လုံးဝ ဘယ်လိုမှကို မဆက်စပ်မိခဲ့ဖူး။

ကောင်လေးက သူ့ကို ကောင်းကင်ထွတ်ထိပ်နန်းတော်ထဲ ဆွဲခေါ်သွားတဲ့အချိန်မှာ သားရဲတစ်ကိုယ်လုံးက တောင့်ခဲပြီး ကြောင်အမ်းနေတယ်။

အဲ့တာကို မြင်တော့ စာအုပ်နတ်ဘုရားနဲ့ ကံဆိုးမှုနတ်ဘုရားတို့က ကျေနပ်သွားကြပြီး မသိမသာ ခေါင်းညိတ်လိုက်ကြတယ်။ ဒီလိုတုန့်ပြန်မှုမျိုး ဖြစ်တာက သူတို့တင် မဟုတ်ဘူးပဲ။ ဖုန့်ရှီရဲ့ အဖော်တိုင်း အကုန်အတူတူပဲ။

ဒီလောကမှာ အထွတ်အမြတ်အဖြစ်ဆုံး ကောင်းကင်ထွတ်ထိပ်နန်းတော်က လူတွေကို နှစ်ထောင်ပေါင်းများစွာ အံ့ဩထိတ်လန့်အောင် လုပ်နိုင်စွမ်းရှိတယ်။ ကြောက်မက်ဖွယ် ရှေးဟောင်းသားရဲတစ်ကောင်လိုမျိုးပဲ လူတွေက မားမားမတ်မတ် တည်ရှိနေတဲ့ နန်းတော်ကို ကြည့်လိုက်မယ်ဆိုရင် အဆောက်အဦးရဲ့ ခန်းနားမှုအရှိန်အဝါကို ချက်ချင်း ခံစားမိကြမှာဖြစ်တယ်။ နန်းတော်အပြင်ဘက်က အုံ့ဆိုင်းနေတဲ့အကာအရံအတားအဆီးကလည်း ဆန်းကျယ်မှုခံစားချက်ကို ထည့်ပေါင်းပေးနေတယ်။

ကောင်းကင်ဖြိုဖျက်သားရဲက နန်းတော်ကို ကြားဖူးပေမဲ့ ကိုယ်တိုင်ကိုယ်ကျ နန်းတော်ကို မြင်ရတာကတော့ ဒါ ပထမဆုံးပင်။ အခု သူ့မှာ နန်းတော်ကို အနီးကပ် လေ့လာအကဲခတ်ဖို့ အခွင့်အရေးရပြီဆိုပေမဲ့ သူ့စိတ်တစ်ခုလုံး ဗလာဟင်းလင်းကြီးဖြစ်နေပြီး ဘာဆိုဘာမှကို မတွေးနိုင် ဖြစ်နေသလိုပဲ ခံစားရတယ်။