အာဏာရှင်ငရဲမင်းကြီးနှင့် သူ၏အချစ်ကလေး (၁)

38. Boy with Boundless Merits

အပိုင်း ၃၈။ အကန့်အသတ်မဲ့ ကုသိုလ်အဟုန်နဲ့ ကောင်လေး

"ကံဆိုးမှုနတ်ဘုရား?"

ဟူဟန့်ရှန်း အော်လိုက်တယ်။ သူ့ဆီ တဟုန်ထိုး ပြေးဝင်လာနေတဲ့ ကံဆိုးမှုနတ်ဘုရားကို သူ ရှင်းရှင်းလင်းလင်း မြင်လိုက်ရတယ်။ ဟူဟန့်ရှန်းက ကံဆိုးမှုနတ်ဘုရားရဲ့ ပိုင်ဆိုင်ခြင်းကို ခံခဲ့ရတာ နှစ်ပေါင်း ထောင်ချီ ရှိခဲ့တာကြောင့် အခြားသူတွေက ကံဆိုးမှုနတ်ဘုရားကို သလင်းလုံးက တဆင့် ကြည့်မှ မြင်ရပေမဲ့ သူကတော့ ကံဆိုးမှု နတ်ဘုရားရဲ့ ကိုယ်ခန္ဓာအစစ်အမှန်ကို တိုက်ရိုက် တွေ့မြင်နိုင်တယ်။

ကံဆိုးမှုနတ်ဘုရားကို မမြင်တွေ့နိုင်တဲ့ ဖုန့်ရှီက ဘယ်ဖက်ကို ရှောင်ရမှန်း မသိ ဖြစ်သွားတယ်။ စာအုပ်နတ်ဘုရားရဲ့ စိုးရိမ်တကြီး အသံကိုပဲ သူ့နားထဲ ကြားလိုက်ရတယ်၊ "သခင်၊ ခုချက်ချင်း မြန်မြန် ရှောင်လိုက်။ အခု သူက သခင့်အရှေ့မှာ..."

ဖုန့်ရှီ အမြန် တုံ့ပြန်လိုက်တယ်။ သူ ချက်ချင်းပဲ ခုန်လိုက်ပြီး ဟူဟန့်ရှန်းအနောက်မှ ပုန်းဖို့ ကြိုးစားလိုက်တယ်။ ဒါပေမဲ့ နောက်လူက သူ့ထက်တောင် ပိုမြန်နေသေး၊ ပျောက်တောင် ပျောက်သွားပြီ။ နောက်ဆုံးတော့ နှစ်ထောင်ချီ ကံဆိုးမှု ခံခဲ့ရတဲ့ အတွေ့အကြုံက စိတ်မှတ်ထင်ထင်ဖြစ်နေပြီး အချိန်တိုင်း စိုးထိတ်နေခဲ့ရတယ်။ အကျိုးဆက်အနေနဲ့ ဟူဟန့်ရှန်း ကံဆိုးမှုနတ်ဘုရားကို မြင်လိုက်တဲ့ချက်ချင်းမှာပဲ ဖုန့်ရှီထက်ကို ပိုမြန်မြန် ပြေးသွားပြီး ဖြစ်တယ်။

စိတ်လှုပ်ရှားနေတဲ့ ကံဆိုးမှုနတ်ဘုရားက ချက်ချင်းပဲ ဖုန့်ရှီထံ ဟစ်အော်ရင်း ချဉ်းကပ်လာတယ်။ သူ့ကို နှုတ်ခွန်းဆက်နေတဲ့ ကြီးမားများပြားတဲ့ ကံကောင်းမှုကြီးကို သူ မြင်ပြီးပုံ ပေါ်နေတယ်။ အဲ့နောက်မှာတော့ ကံဆိုးမှု နတ်ဘုရားက ချက်ချင်းပဲ ဖုန့်ရှီနဲ့ တိုက်လိုက်တယ်... ဒါပေမဲ့၊ ဖုန့်ရှီရဲ့ ကိုယ်ခန္ဓာက ရုတ်တရက် ရွှေရောင်အလင်းတွေ ထုတ်လွှတ်လိုက်တယ်။ အဲ့နောက်မှာတော့ ရွှေရောင်ပါးလွှာပေါ့ပါးတဲ့ အလွှာပါးက ကောင်လေးကို အလုံးစုံ လွှမ်းခြုံသွားတယ်...