အပိုင်း ၁၆၂။ မြို့ပြင်တွင် ထိပ်တိုက်ရင်ဆိုင်တွေ့မှု
နတ်ဘုရားမိစ္ဆာမျှော်စင် တတိယထပ်တွင် မျှော်စင်နတ်ဘုရားနှင့် အခြားသော အကြီးအကဲများ ဝိုင်းဆုံကာ ခေါင်းချင်းဆိုင်နေကြသည်။
သူတို့ကြားထဲတွင် ရွှေရောင်နှင့် ငွေရောင်ကွက်ကျား ရှိသော အလင်းဘောလုံးတစ်လုံး ရှိသည်။ အဲ့အချိနမှာပဲ အဲ့ဘောလုံးကနေ တောက်ပတဲ့ အလင်းတန်းတို့ ထုတ်လွှတ်လို့နေ၏။ အဲ့ဒီ့အလင်းဘောလုံးက ကောင်းကင်ဘုံမြင်ကွင်းရှုမှန်ပဲဖြစ်သည်။ အဲ့တာကနေ နတ်ဘုရားနဲ့မိစ္ဆာနိုင်ငံတော်အတွင်းက အရာအားလုံးကို ကြည့်ရှုနိုင်ပေမဲ့ အဲ့လိုကြည့်ရှုခြင်းက ကြီးမားလှတဲ့ စွမ်းအားပမာဏ လိုအပ်သည်။ တားမြစ်ထားတဲ့နေရာတွေကို ကြည့်လေလေ စွမ်းအင် ပိုလိုအပ်လေလေပင်။ အဲ့အတွက်ကြောင့် ဖြစ်ရပ်အကြီးတွေ မရှိဘဲ အဲ့တာကို လွယ်လွယ်သုံးလေ့မရှိခဲ့ချေ။
"လူတိုင်း ဒီရောက်နေကြပြီဆိုတော့ စလိုက်ကြစို့!" မီးခိုးရောင်ဝတ်ရုံဝတ်ထားတဲ့အဘိုးအိုတစ်ယောက်က ကွဲအက်နေသောအသံဖြင့် ပြောလိုက်သည်။
တခြားလူတွေကလည်း သူ့ကို ခေါင်းဆောင်အဖြစ် မှတ်ယူကြပုံရသည်။ သူတို့က သူ ပြောလိုက်တာကို ကြားတော့ ခေါင်းညိတ်လိုက်ကြ၏။
"နတ်ဘုရားနဲ့မိစ္ဆာနိုင်ငံတော်ရဲ့ မျှခြေကို ချိုးဖျက်ဝံ့တဲ့ ဘယ်သူမဆို လူပဲဖြစ်ဖြစ်၊ နတ်ဘုရားပဲဖြစ်ဖြစ်၊ မိစ္ဆာပဲဖြစ်ဖြစ်၊ ငါတို့မှာ ငါတို့နိုင်ငံတော်ရဲ့ မျှခြေကို ထိန်းသိမ်းဖို့အတွက် တာဝန်ရှိတယ်။ ဒီတစ်ကြိမ်မှာ ထူဆန်းတဲ့ ကြီးမြတ်တဲ့ကောင်းကင်ဘုံနတ်ဘုရားက အတိုင်းအတာတစ်ခုအထိ နိုင်ငံတော်အတွင်း နှောက်ယှက်မှုတွေ ဖြစ်ပွါးစေခဲ့တဲ့အတွက် လူတိုင်း သူတို့ကိုယ်စွမ်းဉာဏ်စွမ်းရှိသလောက် အကောင်းဆုံးကြိုးစားပြီး သူ့ကို ရှာဖို့ မဖြစ်မနေ တာဝန်ရှိတယ်။" မီးခိုးရောင်ဝတ်အဘိုးအိုက ဖြေးညှင်းစွာ ပြောလိုက်သည်၊ သူ့အသံက ရှေးကျတဲ့အရှိန်အဝါတို့ဖြင့် ပြည့်နှက်လို့နေ၏။
"ဟုတ်တယ်။" မျှော်စင်နတ်ဘုရားနဲ့ အခြားသူတွေက သူတို့ ဦးခေါင်းကို အနည်းငယ် ညွှတ်လိုက်ကြသည်။
YOU ARE READING
အာဏာရှင်ငရဲမင်းကြီးနှင့် သူ၏အချစ်ကလေး (၁)
Fantasyစာသင်သားဖုန့်ရှီ -အပျော်တမ်းသူခိုး၊ ရည်မှန်းချက် -တစ်ကမ္ဘာလုံးရှိ ပစ္စည်းတွေခိုးဖို့၊ သေပြီးတာတောင် အငြိမ်မနေနိုင်တဲ့ဖုန့်ရှီ။ အကျိုးဆက်ကတော့ သူ ခိုးခဲ့တဲ့ပစ္စည်းတစ်ခုက နတ်ဘုရားတွေနဲ့ မိစ္ဆာတွေကြား စစ်ပွဲကြီးတစ်ခု အစပြုသွားစေခဲ့သည်။ ဤအမှန်တရား သိပြီ...
