အာဏာရှင်ငရဲမင်းကြီးနှင့် သူ၏အချစ်ကလေး (၁)

73. Fighting Uncle White

Please scroll down for Zawgyi.

အပိုင်း ၇၃။ ဦးလေးဖြူနှင့် တိုက်ခိုက်ခြင်း

ကောင်လေးက သူ့ကိုယ်ပေါ်မှာ ကလေးလေးတစ်ယောက်လို နေနေတာကို ဘုရင်ကြီးက မြင်တော့ ကောင်လေးရဲ့ နူးညံ့တဲ့ဆံနွယ်တွေကို ပွတ်လိုက်ပြီး ယောင်ယောင်လေးပြုံးကာ ပေါ့ပေါ့ပါးပါး မေးလိုက်တယ်၊

"ပြီးခဲ့တဲ့ ရက်တွေတုန်းက စိုစွတ်ကုန်းမြေမှာ နေရတာ ဘယ်လိုခစားရလဲ?"

အဲ့တာကို ကြားတော့ ဖုန့်ရှီက မျက်လုံးတွေ တောက်ပသွားပြီး စိုစွတ်ကုန်းမြေမှာ ဖြစ်ပွါးခဲ့တာတွေကို ကွင်းကွင်းကွက်ကွက် ပြောပြတော့တာပဲ။

အင်းပေါ့၊ ကောင်းကင်ဖြိုဖျက်သားရဲရဲ့ လိုက်ဖမ်းတာကို ခံရတဲ့အပိုင်းတွေကိုတော့ သူကျော်ခဲ့တယ်၊ သူဂုဏ်ယူရတဲ့ အခ်ိုက်အတန့်အကြောင်းတွေပဲ ဘုရင်ကြီးကို ပြောပြလိုက်တယ်။ ဖုန့်ရှီရဲ့ ဇာတ်လမ်းက အရမ်းကို အသက်ရှုမှားလောက်ဖွယ်ပေါ်နေပေပြီး ဖုန့်ရှီ ပုံပြောဘယ်လောက်ကောင်းမှန်း သက်သေပြပေးနေတယ်။

စိုစွတ်ကုန်းမြေခရီးစဉ်က ဖုန့်ရှီအတွက် ပထမဆုံး စွန့်စားခရီးလည်းဖြစ်ပြီး ဘုရင်ကြီး အထင်ကြီးတာကို သူ တကယ်ခံချင်တယ်။

တကယ်လို့ ဖုန့်ရှီက စိုစွတ်ကုန်းမြေမှာ သူ့တာဝန်ကို ပြီးမြောက်အောင်မြင်ခဲ့တယ်ဆိုရင် ဘုရင်ကြီးက သူ့ကို ရဲရင့်ပြီး အစွမ်းရှိတဲ့ကောင်လေးတစ်ယောက်အနေနဲ့ ထင်သွားမှာဖြစ်ပြီး အနာဂတ်မှာ သူ့ကို အပြင် လွတ်လွတ်လပ်လပ် ပေးလွှတ်လိမ့်မယ်။ အဲ့တာဆို ဖုန့်ရှီက ပြင်ပကမ္ဘာမှာ လွတ်လပ်တဲ့ဘဝနဲ့ ပျော်ရွှင်နိုင်မှာဖြစ်ပြီး သူ့ခေါင်းဆောင်နဲ့ ဦးလေးဖြူရဲ့ အနီးကပ်စောင့်ကြည့်တာ ခံရတော့မှာမဟုတ်တော့ဘူး။

အခု သူ့ရဲ့ လှပတဲ့အနာဂတ်ကို စိတ်ကူးယဉ်အိမ်မက်ပဲ မက်နေနိုင်တယ်။ တကယ်တမ်းတော့ ဖုန့်ရှီက သူ့လွတ်လပ်ခွင့် ရဖို့အတွက် ရုန်ကန်ဖို့ လိုနေသေးဆဲပဲ ဖြစ်တယ်။

ဘုရင်ကြီးက ကောင်လေး ဇာတ်လမ်းတစ်ခုလုံးကို ကွက်ကွက်ကွင်းကွင်း အားကြိုးမာန်တက် ပြောနေတာကို မြင်ကတည်းက ကောင်လေးရဲ့ တကယ့်ရည်ရွယ်ရင်းကို သိပြီးဖြစ်တယ်။ ဒါပေမဲ့ စကားတွေ ဒလစပ်ပြောနေတဲ့ ကောင်လေးနဲ့ ဆန့်ကျင်စွာ ဘုရင်ကြီးက ဘာမှမပြောဘဲ တည်ကြည်တဲ့ဟန် မျက်နှာပေးနဲ့ ခုံပေါ်မှာ မတ်မတ်ထိုင်ပြီး ကောင်လေးရဲ့ ဆံနွယ်တွေကိုပဲ သပ်ပေးနေတယ်။