အာဏာရှင်ငရဲမင်းကြီးနှင့် သူ၏အချစ်ကလေး (၁)

61. The Assessment (6)

Please scroll down for Zawgyi font

အပိုင်း ၆၁။ အကဲဖြတ်မှု (၆)

နှစ်စက္ကန့်လောက် တိတ်ကျသွားပြီးနောက် အရင်ကထက်တောင် ပိုပြီး ကျယ်တဲ့ရီသံတွေ ခန်းမထဲ လွှမ်းသွားတယ်။

ရီသံတွေက အမိုးကိုတောင် လန်စေလောက်တယ်။ အဲ့လူ ပထမတစ်ကြိမ် ပြုတ်ကျတုန်းက အဲ့လောက် မဟုတ်သေးဘူး၊ ဒီတစ်ကြိမ်ကတော့ သူ အနှောက်အယှက် အကြီးကြီးကို တကယ်ကို ဖြစ်သွားစေခဲ့တယ်။ မရီမိအောင် ထိန်းချုပ်ထားကြရတဲ့ အသင်းက ဝန်ထမ်းတွေတောင် မနေနိုင်တော့ဘဲ လှောင်ရီမိသွားကြတယ်။

တစ်ကြိမ်ပြုတ်ကျတာက မတော်တဆ ဖြစ်နိုင်တယ်၊ ဒါပေမဲ့ ဒုတိယအကြိမ်ဆိုရင်တော့ ဒီလူ ဘယ်လောက်တောင် ကံမကောင်းသလဲဆိုပြီးပဲ ညွှန်းဆိုနိုက်တော့တယ်!

မျက်လုံးစောင်းနဲ့လူက ဒေါသနဲ့ မျက်နှာနီရဲနေကာ ချက်ချင်းပဲ သစ်သားအကျိုးအပဲ့တွေပေါ်ကနေ ခုန်ထလိုက်တယ်။ ကောင်လေး သူ့ကို ထောင်ချောက်ဆင်တာဆိုတာ သူ မသိနိုင်သေးဘူးဆိုရင် သူက တကယ်ကို အရူးတစ်ယောက်ပဲ ဖြစ်ရမယ်။ အခုမှသာ သူ့ရဲ့ စောနကအတွေးက ဘယ်လိုတောင် ဟာသလဲဆိုတာ သူ သိတော့တယ်။

သူက မင်းချင်းဟိုင်နဲ့ ရင်းရင်းနှီးနှီး ဆက်ဆံရေးမျိုး မရှိပေမဲ့ သူ့ရာထူးက အဲ့တစ်ယောက်ထက် ပိုမြင့်တယ်။ မင်းချင်းဟိုင်က သူ့ကို ဒီလို လှည့်စားရဲမှာမဟုတ်ဘူး။ ဒါဆို တစ်ခုတည်းသော ရှင်းပြချက်ဟာ ဒီကောင်လေးက ဒီဖြစ်ရပ်တွေ အားလုံးရဲ့ အကြောင်းရင်းခံပဲဆိုတာပါပဲ။

မျက်နှာ တစ်ပြင်လုံး ရဲတွတ်သွားတဲ့ မျက်လုံးစောင်းစောင်းနဲ့လူက ဒေါသတကြီး အော်ဟစ်လိုက်တယ်။ "မင်း ညစ်ပတ်တဲ့ကောင်! မင်း ဒါတွေအားလုံး မင်းလုပ်တာပေါ့! ဘယ်လိုတောင် လုပ်ရဲတာလဲ!"

သူ့ပတ်လည်က လူတွေက သူ့ကို လျစ်လျူရှုကာ မထီလေးစား ရီနေကြတယ်။ မျက်လုံးစောင်းစောင်းနဲ့လူက တခါမှ ဒီလို အစော်ကားမခံရဖူးဘူး၊ ဒါ့ကြောင့် သူ သိက္ခာမထိန်းနိုင်တော့ဘဲ ဆဲဆိုရေရွတ်လိုက်တော့တယ်။

ဖုန့်ရှီက မျက်စိတစ်ဖက် မှိတ်ပြလိုက်ပြီး မသိနိုးနားဟန်နဲ့ ပြောလိုက်တယ်၊ "လူကြီးမင်း၊  ဘာတွေပြောနေတာလဲ? ဒါတွေအားလုံး ကျွန်တော်လုပ်တာဆိုတာ ဘာသဘောလဲ? ကောင်းပြီ၊ ကျွန်တော် ခင်များကို ခုန်ပေါ်ကနေ ပြုတ်ကျအောင် မလုပ်ဘူး၊ ဒီခုံကလည်း ကျွန်တော် ယူလာတာမဟုတ်ဘူး။ ဟိုဖက်ကလူကြီးမင်းက ခုန်တွေကို ဒီကို ဆွဲယူလာခဲ့တာဆိုတာ ခင်များ မမှတ်မိဘူးလား? ခင်များပြုတ်ကျတာ ဘာလို့ ကျွန်တော့ အပြစ်လာတင်နေရတာလဲ?"