အပိုင်း ၂၆။ စာအုပ်ပေါင်းစုံ စုစည်းမှု
ရလဒ်အနေနဲ့ မိစ္ဆာသားရဲဥဟာ ပြန်အသိမ်းခံလိုက်ရပြီး အမွှေးမဲ့ကြက်ရဲ့ စွမ်းအားဟာလည်း အတိုးခံလိုက်ရပါတယ်။
ဖုန့်ရှီအတွက် ဒါဟာ နှစ်သိမ့်မှု တစ်မျိုးပဲ ဖြစ်ပါတယ်။ အရေးအကြီးဆုံးက အမွှေးမဲ့ကြက် သန်မာနေသ၍ သူ့လုံခြုံရေးဟာလည်း အာမခံပြီး ဖြစ်ပါလိမ့်မယ်။ အဲ့ဒါဆိုရင် သန်မာတဲ့ကြက်က အခု သူ့ကို ကောင်းကောင်းကာကွယ်မှုပေးနိုင်ပြီဖြစ်တာကြောင့် သူ့ခေါင်းဆောင်က သူ့ကို အပြင် ပေးထွက်ကောင်း ပေးထွက်ပါလိမ့်မယ်။ အဆုံးမတော့ တစ်ခုခုကို အရောင်းအဝယ်လုပ်ပြီး ငွေရှာမယ့်အတွေးကိုတော့ သူ လုံးဝ မစွန့်လွှတ်ပါဘူး။
ဒါပေမဲ့ သူ့စိတ်ကူးအတွေးဟာ နန်းတော်တံခါးဝ ရောက်တဲ့အခါ ကြေမွသွားရပါတော့တယ်။
အဖြူဝတ်အဘိုးအိုက အလေးအနက်ပုံစံနဲ့ သူ့ကို တည့်တည့် စိုက်ကြည့်ပြီး သူ့အရှေ့မှာ ရပ်နေတယ်။
"သခင်လေး၊ ဒီအတောအတွင်း နန်းတော်ထဲမှာပဲ နေဖို့ ကျွန်တော် မျှော်လင့်ပါတယ်။ အပြင်လောကက အခု ဖရိုဖရဲ အခြေအနေမှာ ရှိနေပါတယ်။ မင်းသာ အနာတရ ဖြစ်ခဲ့မယ်ဆိုရင် ဘုရင်ကြီးက မင်းအတွက် ထပ်မံ ထွက်ပေါ်လာပေးရပါလိမ့်မယ်။"
အဘိုးအို... သူ့ကို အခု ဝေဖန်လိုက်ပုံပင်။
ဖုန့်ရှီက ချစ်ဖို့ကောင်းပြီး အကင်းပါးတဲ့ သွင်ပြင်နဲ့ သူ့မျက်လုံးကြီးကြီး နှစ်လုံးကို ဘယ်ဖက်ကို ရွှေ့ပြီး ကြည့်လိုက်တယ်၊ ပြီးတော့ ညာဖက်ကို ထပ်ကြည့်လိုက်တယ်။ အဖြူဝတ်အဘိုးအိုက သူ့ကိုပဲ ကြည့်နေဆဲ ဆိုတာ မြင်လိုက်တော့ သူ မေးလိုက်တယ်။ "ခင်များ အခု ကျွန်တော့ကို ပြောနေတာလား၊ ဟုတ်လား?"
အဘိုးအို ပြောလက်စတို့ ရပ်သွားရတယ်။
ဖုန့်ရှီက အဲ့တာကို "ဟုတ်တယ်" အနေနဲ့ မှတ်ယူလိုက်တယ်။ အဲ့နောက် သူ ရယ်လိုက်ပြီး ပြောလိုက်တယ်။ "ကျွန်တော်လည်း အဲ့လိုပဲ ထင်ပါတယ်။ ခင်များ ကျွန်တော့ကို တစ်ယောက်ယောက်နဲ့ မှားနေပြီ။ ကျွန်တော်က ခင်များရဲ့ သခင်လေး မဟုတ်ပါဘူး။ ကျွန်တော့နာမည်က ဖုန့်ရှီပါ။ ဇာမဏီဆိုတဲ့ "ဖုန့်" နဲ့ မျှော်လင့်ချက်ဆိုတဲ့ "ရှီ" ပါ။ နောက်ဆို ကျွန်တော့ကို ဖုန့်ရှီလို့ပဲ ခေါ်ပါ။ ကျွန်တော် လုပ်စရာလေးတွေ ထပ်ရှိသေးတယ်။ နောက်မှ တွေ့မယ်နော်!"
YOU ARE READING
အာဏာရှင်ငရဲမင်းကြီးနှင့် သူ၏အချစ်ကလေး (၁)
Fantasiစာသင်သားဖုန့်ရှီ -အပျော်တမ်းသူခိုး၊ ရည်မှန်းချက် -တစ်ကမ္ဘာလုံးရှိ ပစ္စည်းတွေခိုးဖို့၊ သေပြီးတာတောင် အငြိမ်မနေနိုင်တဲ့ဖုန့်ရှီ။ အကျိုးဆက်ကတော့ သူ ခိုးခဲ့တဲ့ပစ္စည်းတစ်ခုက နတ်ဘုရားတွေနဲ့ မိစ္ဆာတွေကြား စစ်ပွဲကြီးတစ်ခု အစပြုသွားစေခဲ့သည်။ ဤအမှန်တရား သိပြီ...
