အပိုင်း ၂၉။ မသေမျိုး ခန္ဓာ
"လူသားတိုင်း၊ မိစ္ဆာတိုင်း၊ နတ်ဘုရားတိုင်းဟာ သေလွန်တဲ့အခါ ဘဝကူးပြောင်းရခြင်းကို တွေ့ကြုံကြရတယ်။ ငရဲမင်းကြီးကသာလျင် အားလုံးရဲ့ ဘဝကူးပြောင်းခြင်းကို ထိန်းချုပ်နိုင်တဲ့ တစ်ဦးတည်းသောသူ ဖြစ်တယ်။ ဒါ့ကြောင့် ကြီးမြတ်လှတဲ့ ဘုရင် ငရဲမင်းကြီးဟာ အလွန့်အလွန် ချီးမြှောက်ခြင်း ခံထားရသူဖြစ်တယ်!" လူသေးလေးက တကယ်ပဲ ဖုန့်ရှီမေးခွန်းတွေအတွက် အဖြေတွေ ရှိနေတယ်။
"ငရဲပြည်ရဲ့ ထိန်းချုပ်မှုအောက်မှာ အပလောကနဲ့ တစ္ဆေလောကလို့ခေါ်တဲ့ ကမ္ဘာနှစ်ခု ရှိတယ်။ အဲ့ဒီမှာလည်း သေလွန်ပြီးသူတို့ စီရင်ချက် ရယူရတဲ့ ဝိညာဉ်ကူးပြောင်းနန်းတော် ရှိတယ်။ ပြီးတော့ ဝိညာဉ်ကူးပြောင်းနန်းတော်အရှင်ကနေ ဝိညာဉ်တစ်ဦးဟာ ချက်ချင်းဘဝကူးပြောင်းခွင့် ရှိတယ် ဒါမှမဟုတ် ရက်စက်တဲ့အပြစ်ဒဏ် ကျခံရမယ်ဆိုတာကို ထုတ်ပြန်တယ်။ တစ္ဆေလောကကတော့ အဲ့ဒီ့ပြစ်ဒဏ်ကို ကျခံရမယ့် တည်ဆောက်မှုရှုပ်ထွေးတဲ့ နေရာဖြစ်တယ်။ သခင်က တစ္ဆေလောကနဲ့ လုံးဝ ပတ်သက်စရာမရှိတဲ့အတွက် အဲ့အကြောင်း အများကြီး သိိဖို့ မလိုပါဘူး။ အပလောကအကြောင်းကတော့ ဝိညာဉ်တွေအားလုံးက အဲ့ဒီနေရာမှာ ဝိညာဉ်ကူးပြောင်းကြရတယ်။ ကူးပြောင်းနိုင်ဖို့ကို ဘယ်လောက်ကြာကြာ စောင့်ရမလဲဆိုတာကတော့ ဝိညာဉ်ကူးပြောင်းနန်းတော်အရှင်ရဲ့ သဘောအတိုင်းပါပဲ။"
"ဒီတော့" လူသေးလေးက လက်မထောင်ပြလိုက်ရင်း လေးလေးနက်နက်ပြောလိုက်တယ်၊ "ငရဲပြည်ဟာ ဘုံသုံးဘုံရဲ့ ဟန်ချက်မျှခြေကို ထိန်းပေးရတဲ့ တာဝန် ယူထားတာဖြစ်တယ်။"
"တကယ်လို့ ငရဲပြည် မရှိတော့ဘူးဆိုရင်ရော?" ဖုန့်ရှီက မျက်မှောင်ကြုတ်ပြီး မေးလိုက်တယ်။
"ဒါ မဖြစ်နိုင်တာပဲ!"
လူသေးလေးက တုံ့ဆိုင်းမှုမရှိဘဲ ငြင်းလိုက်တယ်။ သူ့ကို ကောင်လေးက စိုက်ကြည့်နေတာမြင်တော့ သူက ရှင်းပြလိုက်တယ်။
"သခင်၊ ငရဲမင်းကြီးက ကောင်းကင်လမ်းပြီးရင် တစ်ဦးတည်းသော ဒုတိယပုဂ္ဂိုလ်ဖြစ်ပြီး မသေမျိုးခန္ဓာ ရှိတဲ့တစ်ဦးတည်းသောသူဆိုတာ သခင်လေး မသိသေးလို့ပါ။ သူ အမြစ်ပြတ် သုတ်သင်ခံရရင်တောင်မှ ပြန်လည်မွေးဖွားနိုင်တယ်။ အဲ့အပြင် ဘုံသုံးဘုံမှာ ဘယ်သူကမှ ငရဲမင်းကြီးလောက် စွမ်းအား မကြီးဘူး။ ကောင်းကင်ဘုံ ဘုရင်နဲ့ မိစ္ဆာဘုံ ဘုရင်တို့တောင် သူ့ကို အများကြီး လေးစားကြရတယ်။ အဲ့တာကြောင့် ငရဲပြည် ပျောက်ကွယ်သွားဖို့ဆိုတာ မဖြစ်နိုင်ဘူး!"
YOU ARE READING
အာဏာရှင်ငရဲမင်းကြီးနှင့် သူ၏အချစ်ကလေး (၁)
Fantasíaစာသင်သားဖုန့်ရှီ -အပျော်တမ်းသူခိုး၊ ရည်မှန်းချက် -တစ်ကမ္ဘာလုံးရှိ ပစ္စည်းတွေခိုးဖို့၊ သေပြီးတာတောင် အငြိမ်မနေနိုင်တဲ့ဖုန့်ရှီ။ အကျိုးဆက်ကတော့ သူ ခိုးခဲ့တဲ့ပစ္စည်းတစ်ခုက နတ်ဘုရားတွေနဲ့ မိစ္ဆာတွေကြား စစ်ပွဲကြီးတစ်ခု အစပြုသွားစေခဲ့သည်။ ဤအမှန်တရား သိပြီ...
