အာဏာရှင်ငရဲမင်းကြီးနှင့် သူ၏အချစ်ကလေး (၁)

106. Old Friend

အပိုင်း ၁၀၆။ သူငယ်ချင်းဟောင်း

ငရဲ ဆယ့်ရှစ်ထပ်မှာ အပြစ်ရှိနတ်ဘုရားလျိုမြောင်လို့ခေါ်တဲ့အထပ် တစ်ထပ်ရှိသည်။

အပြစ်ရှိနတ်ဘုရားလျိုမြောင်ဟာ အကျင့်ပျက် ဆိုးယုတ်တဲ့ နတ်ဘုရားတွေနဲ့ မိစ္ဆာတွေ ကျဆင်းကြရတဲ့နေရာဖြစ်သည်။ သူတို့ သေလွန်ကြတဲ့အခါမှာ သူတို့ရဲ့ဝိညာဉ်တွေက ဆုတ်ယုတ်ပျက်ဆီးလာကြပြီး နောက်ဆုံးမှာ မကောင်းတဲ့အရာတွေ ဖြစ်သွားကြမှာဖြစ်သည်။ သူတို့ရဲ့ဝိညာဉ်တွေ လုံးလုံးလျားလျား ယိုယွင်းပျက်ဆီးသွားပြီးနောက် အပြစ်ရှိနတ်ဘုရားလျိုမြောင်ရဲ့ အလယ်မှာရှိတဲ့ သွေးမျှော်စင်က ဘယ်သူ့မဆိုကို လွှမ်းခြုံရစ်ပတ်နိုင်တဲ့ ရွှေရောင်ရောင်ခြည်တန်းတစ်ခု ထုတ်လွှတ်လိုက်မှာဖြစ်သည်။ မိုင်ပေါင်းထောင်ချီအဝေးမှာရှိတဲ့ အပြစ်ရှိဝိညာဉ်တွေတောင်မှ အပြစ်ရှိနတ်ဘုရားလျိုမြောင်ထဲ ဆွဲအချခံရမှာဖြစ်သည်။ အဲ့အတွက်ကြောင့် အပြစ်ရှိနတ်ဘုရားလျိုမြောင်ကို နတ်ဘုရားတွေနဲ့ မိစ္ဆာတွေအတွက် နောက်ဆုံးကျိန်းဝပ်အနားယူရာနေရာအဖြစ် လူသိများကြသည်။

မှတ်တမ်းမှတ်ရာတွေအရ အပြစ်ရှိနတ်ဘုရားလျိုမြောင်ဟာ နတ်ဘုရားနဲ့မိစ္ဆာနိုင်ငံတော်နဲ့တူညီစွာပဲ ကျယ်ပြန့်တဲ့နယ်မြေအနေအထားနဲ့ အဆုံးမရှိတဲ့ ကောင်းကင်တို့ ရှိကြသည်။

အပြစ်ရှိနတ်ဘုရားလျိုမြောင်ဟာ တစ္ဆေလောကမတိုင်ခင် ပေါ်ထွက်လာခဲ့တာဆိုတာကလွဲရင် ဘယ်လောက် ကြီးမားကျယ်ပြန့်သလဲဆိုတာ ဘယ်သူမှ မသိကြ။ အဲ့မှာ ဟိုး ရှေးပဝေဏသီကတည်းကနေ အခုအထိ အပြစ်ရှိတဲ့ဝိညာဉ်တွေ ပါရှိနေကြသည်။ ဝိညာဉ်တွေ ကျင့်ကြံနိုင်စဉ်မှာ သူတို့က အမြင့်ဆုံးအဆင့်ကို လုံးဝမရောက်နိုင်ကြပေ။

အပြစ်ရှိနတ်ဘုရားလျိုမြောင်က အပြစ်ရှိဝိညာဉ်တွေရဲ့ နောက်ဆုံးကျိန်းဝပ်ရာနေရာဖြစ်တဲ့အတွက် သူတို့ ကျင့်ကြံခဲ့ကြရင်တောင်မှ သူတို့ရဲ့ တိုးတက်မှုနှုန်းကို အာကာသက ဖိနှိပ်ထားမှာဖြစ်သည်ပင်။ အဲ့အကာအရံအတားအဆီးကို လုံးဝ ချိုးဖျက်နိုင်တဲ့နည်းလမ်း မရှိတာမို့ သူတို့ဟာ ကောင်းကင်နတ်ဘုရားနယ်ပယ်အဆင့်ထက် မကျော်နိုင်ကြပေ။