အာဏာရှင်ငရဲမင်းကြီးနှင့် သူ၏အချစ်ကလေး (၁)

17. The Dispute

အပိုင်း ၁၇။ အငြင်းပွားမှု

မိစ္ဆာသားရဲတွေသည် တိုက်ခိုက်ရာတွင်လည်း တော်ကြသည်။

သူတို့သခင်ကို ကူတိုက်ပေးနိုင်ရုံသာမက သူတို့သခင် လွတ်အောင်လည်း ကူညီပေးနိုင်ကြသည်။

သို့ပေမဲ့ လွန်ခဲ့သော နှစ် ထောင်ပေါင်းများစွာက ကြီးမားသည့် ကပ်ဘေးဒုက္ခကြောင့် ဘုံ ၃ဘုံတွင် မိစ္ဆာသားရဲများ များစွာ မကျန်တော့ပေ။

လက်ကျန်မိစ္ဆာသားရဲတွေသည်လည်း အများစုက အဆင့်နိမ့်တွေသာ ဖြစ်ကြသည်။ အဆင့်မြင့်မိစ္ဆာသားရဲပေါ်လာဖို့ဆိုသည်မှာ နှစ်တစ်ထောင်မှ တစ်ကောင်သာ ပေါ်လာနိုင်တာဖြစ်သည်။

ကပ်ဘေးဒုက္ခကြောင့် အဆင့်မြင့်မိစ္ဆာသားရဲအကုန်နီးပါး ပျောက်ကွယ်သွားခဲ့ရသည်။ ယနေ့ခေတ် အခြေအနေ၏ နောက်အကြောင်းပြချက် တစ်ချက်ကတော့ ဘုံ ၃ဘုံရှိ စိတ်ဝိညာဉ်လေထုသည် မိစ္ဆာသားရဲတို့ ကျင့်ကြံဖို့ရန် မသင့်တော်တော့ခြင်းကြောင့် ဖြစ်သည်။ အကျိုးဆက်အနေနှင့် လက်ရှိကာလတွင် မိစ္ဆာသားရဲများသည် အလွန်နှေးကွေးစွာသာ ကြီးထွားကြသည်။ အဆင့်မြင့်မိစ္ဆာသားရဲအချို့က အဆင့်နိမ့်သွားရသည့် အန္တရာယ်ကိုတောင် တွေ့ကြုံနေကြရသည်။

ထို့ကြောင့် အဆင့်မြင့်မိစ္ဆာသားရဲအများစုသည် သူတို့၏လက်ရှိအဆင့်တွင် နေနိုင်ဖို့ ဒါမှမဟုတ် ကျင့်ကြံမှုနှုန်း တိုးတက်စေဖို့ မှော်ဆေးလုံးများ စားရန် လိုအပ်လာသည်။

သူတို့ကိုယ်သူတို့ တိုးတက်စေဖို့ နောက်ထပ်နည်းလမ်းတစ်ခုကတော့ ကျင့်ကြံဖို့ရန် ပြီးပြည့်စုံသည့် နယ်မြေတစ်ခုကို ရှာဖို့ပဲဖြစ်သည်။

ဒါပေမဲ့လည်း ထိုပြင်းထန်ခက်ခဲသည့်အခြေအနေတို့သည် လူတွေ၏ မိစ္ဆာသားရဲမွေးမြူဖို့စိတ်ထက်သန်မှုအပေါ် တားဆီးနိုင်ခြင်း မရှိပေ။

ထို့ကြောင့်လည်း မိစ္ဆာသားရဲအရောင်းဆိုင်သည် အနားယူည မြို့တော်တွင် အကြီးဆုံးဆိုင် ဖြစ်နေခြင်းပဲဖြစ်သည်။ ပုံမှန် အခြားဆိုင်တွေထက် သုံးဆနီးပါး ကြီးသည်။ ပန်းပုထုထားပြီး ကျောက်စိမ်းစီခြယ်ထာသောတံခါးက အတော့်ကို ဆွဲဆောင်မှုရှိလှသည်။ အမျိုးစုံသည့် မိစ္ဆာသားရဲတွေကို စင်ပေါ်တွင် သေသေသပ်သပ်စီထားသည်မှာ လွယ်လင့်တကူ မြင်သာစေသည်။