အပိုင်း ၁၈၀။ ပုံမှန်ဖောက်သည်
"ငါ နောက်ယောက်ခံ အလိုက်ခံရတယ်?" ဖုန့်ရှိက ထခုန်လိုက်၏။
လူကြီးက သူ့အပြုအမူကြောင့် ထိတ်လန့်သွားရကာ သူ့ကို အစွမ်းကုန်သော အာရုံစူးစိုက်မှုတို့ဖြင့် ကြောင်တောင်တောင်ကြည့်လိုက်ပြီး၊ "ဘာ... ဘာများ မှားနေလို့လဲဟင်?"
"အဆင်ပြေပါတယ်။ ခဏနေဦး၊" ဖုန့်ရှီက ကြောက်လန့်နေတဲ့ လူကြီးကို နှစ်သိမ့်ပေးလိုက်ပြီး ရေခဲချီလင်ထံသို့ စိတ်ထဲမှတဆင့် မက်ဆေ့ချ်ပို့လိုက်သည်၊ "ငါ့နောက်ကို နောက်ယောင်ခံလိုက်လာတာ အဲ့ဒီအမျိုးသမီးနဲ့ သူ့အဖော်လို့ မင်းထင်လား။"
"သူတို့ကလွဲလို့ ဘယ်သူဖြစ်မလဲ" Ice Qilin က ဒေါသတကြီး ပြောလိုက်သည်။
"သူတို့က ငါ့ကို သံသယဝင်နေလား? ငါက သူတို့ပစ္စည်းတွေကို ခိုးသွားတယ်ဆိုတာကို သူတို့သိသွားကြလား" ဖုန့်ရှိ က သိချင်စိတ်ပြင်းပျစွာ မေးလိုက်သည်။
ရေခဲချီလင်က "ထင်တာပဲ။ မင်းက မင်းကိုယ်မင်း မဖော်ပြခဲ့တဲ့အတွက် မင်းလုပ်ခဲ့တယ်လို့တော့ သူတို့ကျိန်းသေပေါက်တော့ မသိနိုင်ဘူး။ မင်းကို သံသယဝင်နေရုံလောက်ပဲလို့ ငါထင်တယ်။ အဲ့အပြင် သူတို့တွေက အရေးကြီးတဲ့ပစ္စည်းတွေ ဆုံးရှုံးသွားခဲ့တာ။ သူတို့တွေ တကယ်ကို စိုးရိမ်ပူပန်နေကြလိမ့်မယ်။ မင်းတို့နှစ်ယောက်က တစ်ယောက်နဲ့တစ်ယောက် ရန်ငြိုးဖွဲ့ထားတာဆိုတော့ ပြေးတွေးစရာမလိုဘဲ မင်းကိုပဲ သံသယဝင်လိုက်ကြတာဖြစ်မယ်။ ဒါပေမယ့် နေရာလွတ်လက်စွပ်နှစ်ခုက ဘယ်မှာရှိတယ်ဆိုတာ သူတို့သိလိုက်ရရင်တော့ မင်းကို သူတို့ သံသယဝင်တော့မှာမဟုတ်ဘူး။"
"မင်း အဓိကအချက်ကို ထောက်ပြလိုက်တာပဲ။ ဒါဆိုရင်တော့ သူတို့အကြောင်း တွေးပူနေစရာ မလိုတော့ဘူး။ သူတို့ လိုက်ပါစေ။" ဖုန့်ရှီသည်လည်း ဒါဟာ ပြဿနာကြီးကြီးမားမားမဟုတ်ဟု ခံစားမိလိုက်သည်။
ရေခဲချီလင်က မျက်လုံးလိမ့်လိုက်သည်။ "သူတို့က မင်းရဲ့နောက်ကို အမြဲလိုက်နေတာကောင်းပါတယ်။ မင်းဘာပဲလုပ်လုပ် မင်းကို စောင့်ကြည့်နေလိမ့်မယ်။"
YOU ARE READING
အာဏာရှင်ငရဲမင်းကြီးနှင့် သူ၏အချစ်ကလေး (၁)
Fantasyစာသင်သားဖုန့်ရှီ -အပျော်တမ်းသူခိုး၊ ရည်မှန်းချက် -တစ်ကမ္ဘာလုံးရှိ ပစ္စည်းတွေခိုးဖို့၊ သေပြီးတာတောင် အငြိမ်မနေနိုင်တဲ့ဖုန့်ရှီ။ အကျိုးဆက်ကတော့ သူ ခိုးခဲ့တဲ့ပစ္စည်းတစ်ခုက နတ်ဘုရားတွေနဲ့ မိစ္ဆာတွေကြား စစ်ပွဲကြီးတစ်ခု အစပြုသွားစေခဲ့သည်။ ဤအမှန်တရား သိပြီ...
