အာဏာရှင်ငရဲမင်းကြီးနှင့် သူ၏အချစ်ကလေး (၁)

5. Clothes

Please scroll down for Zawgyi.

အပိုင်း ၅။ အဝတ်အစား

ကောင်လေးက သူ့လက်ကိုဆန့်ထုတ်လိုက်ပြီး ပြန်သိမ်းလိုက်တာကို ငရဲမင်းကြီးမြင်လိုက်၏။

အဲ့နောက် ဘုရင်ကြီးက ကောင်လေး ဖုံးဖို့ကြိုးစားနေတဲ့နေရာကိုတစ်လှည့် လက်ကိုမလှုပ်ရှားဝံ့ဘဲ ရှက်သွေးဖြာနေတဲ့ကောင်လေးမျက်နှာကိုတစ်လှည့် ငေးကြည့်လိုက်သည်။

ကောင်လေးက မျက်တောင်ပုတ်ခတ် ပုတ်ခတ် လုပ်လိုက်ပြီး ဘုရင်ကြီးကို ရုတ်ချည်း ကျောပေးလိုက်၏။

အဲ့နောက်မှာတော့ လှပချောမွတ်တဲ့သူ့ကျောဘက်ရော၊ ပြည့်စုံလုံးဝန်းနေတဲ့သူ့တင်သားနှစ်မွှာကပါဘုရင်ကြီးရှေ့ ပေါ်သွားတော့သည်။

ငရဲမင်းကြီးရဲ့အကြည့်အောက် ခြေထောက်ကိုတင်းတင်းစေ့လိုက်ပြီး သူ့ညာဖက်ကို တီကောင်လို တွန့်လိမ်တွန့်လိမ်နဲ့သွားလိုက်၏။

သူ ပုဝါမကူ ရေမရှူစတမ်းကြိုးစားပြီး ဘုရင်ကြီးရှေ့ လေးဘက်တွား တွားသွားလိုက်၏။

အဲ့နောက် ကောင်လေးဟာ သူ့နဖူးက မရှိတဲ့ချွေးစက် လက်နဲ့သုတ်လိုက်ရင်း ပျော့ခွေစွာထိုင်လိုက်တော့သည်။

"ကိုယ်တော့ကို ကြောက်နေတာလား?"

အသံသာသာတစ်ချက် ကောင်လေးနားစည်အတွင်း ထပ်မံဝင်ရောက်လာ၏။

ကောင်လေး ချက်ချင်းအံအားသင့်သွားပြီး သူ ခေါင်းလှည့်ကြည့်လိုက်တော့ ရုတ်တရက် သူမြင်လိုက်ရတာက နက်ရှိုင်းပြီး ကြယ်တစ်ခုလိုတောက်ပနေတဲ့ မျက်ဝန်းအစုံ။ အဆိုပါမျက်ဝန်းအစုံထဲက အကြည့်တို့ကတော့ သူ့ရဲ့အသံလိုပဲ ငြိမ်သက်နေစည်ပင်။

...

ကောင်လေး အစွမ်းကုန်ကြိုးစားအားထုတ်ခဲ့ရပေမယ့်လည်း အဆိုပါလူကတော့ တစ်ချက်လှည့်ကြည့်လိုက်ရုံနဲ့ အရာအားလုံး အစကို ပြန်ရောက်သွားသလိုပင်။

ကောင်လေးက သူ့ဦးခေါင်းကို ဘုရင်ကြီးဘက် မျက်နှာမူရင်း ခေါင်းငိုက်စိုက်လုပ်လိုက်တော့သည်။

သူ ခေါင်းငုံ့လိုက်စဥ်မှာပဲ လူကြီးရဲ့ လေပေါ်လွင့်နေတဲ့ အဖြူရောင်ဝတ်ရုံကို တွေ့လိုက်ရ၏။ ဝတ်ရုံက အရမ်းနူးညံ့မယ့်ပုံပေါ်တာပဲ။