အာဏာရှင်ငရဲမင်းကြီးနှင့် သူ၏အချစ်ကလေး (၁)

84. Asset

Please scroll down for Zawgyi.

အပိုင်း ၈၄။ ပိုင်ဆိုင်မှု

ထူးကဲလှပသော ပွင့်ဖတ်များက မိုးစက်များအလား ကောင်းကင်မှ လွင့်လာသည်။

ဆန္ဒပင်လယ်အလယ်ရှိ ဧရာမပန်းပွင့်ကြီးပေါ်တွင် ရွေရောင် ပုံပန်းသဏ္ဍာန်တစ်ခု ခြေချိတ်ကာ ထိုင်နေ၏။

ကောင်လေး၏ ကိုယ်ခန္ဓာမှ ရွှေရောင် စိတ်ဝိညာဉ်စွမ်းအင်များ စီးဆင်းနေသလို အစိမ်းရောင် အလင်းတိုက သူ့ထံမှ ဒီရေအလား ယိုစီးထွက်နေ၏။ အရောင် အလင်းတန်းနှစ်ခုသည် တစ်ခုနှင့်တစ်ခု ရောယှက်နေကာ ကောင်လေး၏ ကိုယ်ခန္ဓာကို ညင်သာစွာ ရစ်ပတ်ထားပြီး မျက်စိကျိန်းလောက်ဖွယ် အလင်းတို့ ထုတ်လွှတ်နေသည်။ အထပ်ထပ်အခါခါ ဖိချုံ့ထားသော စိတ်ဝိညာဉ်စွမ်းအင်တို့သည် လက်မအရွယ်ဖြစ်လာကာ နောက်ဆုံးတော့ ကောင်လေး၏ကိုယ်ခန္ဓာထဲသို့ ဝင်ရောက်သွားတော့၏။

စုစည်းထားသော စိတ်ဝိညာဉ်စွမ်းအင်တစ်စက်သည် ကောင်လေး၏ကိုယ်ထဲသို့ တစ်ကြိမ်ဝင်သွားတိုင်း ပျော့ပျောင်းသော သူ့အရိုးတို့သည် ပို၍ ခိုင်မာလာတော့သည်။ ကောင်လေး၏ သွေးကြောကျယ်ကျယ်ထဲသို့ အဆက်မပြတ် စီးဝင်စီးထွက်နေသော များပြားသော စိတ်ဝိညာဉ်စွမ်းအင်တို့က ကောင်လေး၏ အခြေခံကျင့်ကြံမှုကို တည်ငြိမ်လာစေ၏။ တချိန်တည်းတွင် အလွန်စုစည်းထားသော စိတ်ဝိညာဉ်စွမ်းအင်များ အရေပျော်လာသည်နှင့်အမျှ သူ့နှလုံးထဲရှိ စူးရှသော နဂါးငွေ့တန်းစီးကြောင်းမှ ကြယ်အရေအတွက်တို့ အလျင်အမြန် တိုးလာသည်။ အရေအတွက် တစ်ခုသို့ ရောက်သွားသောအခါ နဂါးငွေ့တန်းစီးကြော၏ ပိုင်ဆိုင်မှုတို့ တစ်ခုလုံး ပြောင်းလဲသွားမည်ဖြစ်သည်။

ခြေယှက်ပြီး ငြိမ်သက်စွာထိုင်နေသော ကောင်လေးဘေးတွင် နူးညံ့သိမ်မွေ့သည့် ပုံသဏ္ဍာန်တစ်ခုက ဖြောင့်မတ်စွာ ရပ်နေသည်။

ထိုလူ၏ ဆင်စွယ်ဖြူရောင် ဝတ်ရုံရှည်သည် လေတိုက်ခတ်ခြင်းမရှိဘဲ လေထဲတွင် လွင့်နေကာ သူ့နောက်ကျောတွင် ကွေးညွှတ်နေ၏။ လူသာမာန်တို့မူကား  သူ တောင်ထိပ်မှာ ရပ်နေသည့်အလား လေးစားမှုအပြည့်ဖြင့် ဖူးမျှော် မော့ကြည့်ရုံသာ တတ်နိုင်သည်။ လေထဲ လွင့်မြောနေသော ပွင့်ဖတ်တို့သည် ထိုလူ၏ကိုယ်ကို တနေရာမှ မထိဝံ့ပေ။ လေတိုက်လိုက်တိုင်းတွင် ပွင့်ဖတ်တို့သည်ကား ထိုလူအား ထိလုထိခင်တွင် ကွေ့ဝိုက်သွားတော့သည်။