အာဏာရှင်ငရဲမင်းကြီးနှင့် သူ၏အချစ်ကလေး (၁)

136. What Can I do About it?

အပိုင်း ၁၃၆။ ငါ အဲ့တာနဲ့ပတ်သက်ပြီး ဘာလုပ်နိုင်သလဲ?

သူ့ရဲ့ စိတ်မပါလက်မပါအသံက ကောင်းကင်အနားသတ်မြို့အနှံ့ နဲ့ အနီးအမား မိုင်ထောင်ချီတိုင်အောင် ပြေးထွက်ပျံ့နှံ့မသွားခင်မှာ တည်းခိုခန်းစားသောက်ဆိုင်ထဲ ပဲ့တင်ထပ်သွားတော့သည်။

ကောင်းကင်အနားသတ်မြို့တော်အတွင်းမှာရော အပြင်မှာပါ ပုန်းအောင်းနေကြတဲ့လူတွေ၊ ဒါမှမဟုတ် ကောင်းကင်အနားသတ်မြို့ဆီ အပြေးလာနေကြတဲ့ မိုင်ထောင်ချီအတွင်းက အင်အားစုတွေ ဘယ်သူမဆို ဒီအသံ မကြားနိုင်ဖွယ်မရှိပေ။ အသံက သိမ်မွေ့နူးညံ့ပေမဲ့ ကြောက်စရာ အရှိန်အဝါတစ်ခုကို ပေးစွမ်းနေ၏။

ကမ္ဘာကို တုန်လှုပ်သွားစေလောက်တဲ့ လှိုင်းနဲ့ အံ့ဩထိတ်လန့်ဖွယ် ခြိမ်းခြောက်မှုက ခုလေးတင် သတင်းရလိုက်လို့ မြို့တော်ကို အပြေးလာနေဆဲဖြစ်ဲ့ မိုင်ထောင်ချီအဝန်းအဝိုင်းအတွင်းရောက်နေကြတဲ့ ကျွမ်းကျင်ပညာရှင်တွေအပါအဝင် ကျင့်ကြံသူအားလုံးရဲ့ နှလုံးသားထဲ ရိုက်ခတ်သွားတော့သည်။

ဒီလောက် သေးငယ်တဲ့ ကောင်းကင်အနားသတ်မြို့တော်လေးမှာ ဒီလိုမျိုး အင်အားကြီးမားတဲ့ စွမ်းအားမြင့် ပညာရှင်တစ်ယောက် ပုန်းအောင်းနေလိမ့်မယ်လို့ ဘယ်သူမှ ထင်မထားမိခဲ့ကြ။ တကယ်လို့ သူ့အသံက မိုင်ထောင်ချီကို ဖြန့်ကျက်လွှမ်းခြုံနိုင်တဲ့ ဒီလိုမျိုး ခြိမ်းခြောက်နိုင်စွမ်းတွေ ရှိနေတယ်ဆိုရင် အသံပိုင်ရှင်က နတ်ဘုရားခေါင်ချုပ်နယ်ပယ်ပညာရှင်တစ်ယောက် ကျိန်းသေပေါက် မဟုတ်နိုင်ဘူး။ ဖြစ်နိုင်တာက သူဟာ ကောင်းကင်နတ်ဘုရားနယ်ပယ်ဆင့်ပညာရှင်တစ်ယောက် ဖြစ်လောက်မယ်။ တစ်ခုတည်းသောပြဿနာက သူက ဘယ်ဘက်ကလဲ? ဘယ်အင်အားစုက ဒီလိုမျိုး ကောင်းကင်နတ်ဘုရားနယ်ပယ်ဆင့်ပညာရှင်တစ်ယောက် လွှတ်ရလောက်အောင် ဒီလောက် စွမ်းအားကြီးလောက်သလဲ?

အလယ်ပိုင်းဒေသက ကောင်းကင်နတ်ဘုရားကိုးပါးမှာ ထူးခြားပြောင်မြောက်တဲ့ တိုက်ရည်ခိုက်ရည် စွမ်းအားရှိပေမဲ့လည်း အချင်းချင်းကြား ထားရှိထားခဲ့ကြဖူးတဲ့ ကတိကဝတ်တွေအရ လွယ်လွယ်တော့ ပါဝင်စွက်ဖက်ကြမှာမဟုတ်။