အပိုင်း ၁၆၃။ ပြဿနာကောင်တစ်ကောင်
ကျန်းယန်နှင့် သူ့အဖော်များ ဆယ့်ငါးမိနစ်ခန့် ကြောင်သွားကြတော့သည်။
လူငယ်၏ ခြေရင်းတွင် ကြယ်ငါးပွင့် နတ်ဘုရားခေါင်ချုပ်နယ်ပယ်ဆင့်ဖြစ်တဲ့ ထျန်းမားအပါအဝင် ရှန်းမားဂိုဏ်းရဲ့ အဖွဲ့ဝင်တွေက လဲလျောင်းကာ ငြီးတွားနေကြပြီး သွေးတွေ အန်နေကြ၏။
"အရမ်းအားနည်းတာပဲ။ ငါ အကောင်းဆုံးတိုက်ကွက်တောင် မကြိုးစားကြည့်ရသေးဘူး" ဖုန့်ရှီက သူတို့တွေ အဲ့လောက် အားနည်းကြလိမ့်မယ်လို့ ထင်မထားသည့်အတွက် ညီးညူလိုက်သည်။ သူ့လက်နက်တောင် မသုံးလိုက်ရဘဲ သူတို့ကို အလဲထိုးနိုင်ခဲ့တာဖြစ်ကာ သူတို့ ထတောင် မရပ်နိုင်ကြတော့ပေ။
"ကူညီမှုအတွက် ကျေးဇူးတင်ပါတယ်!"
ကျန်းယန်က အံ့အားတသင့်ဖြင့် ဖုန့်ရှီထံ လျှောက်သွားလိုက်ကာ သူ့မျက်နှာထက် အပျော်တွေ ဝေလို့နေ၏။ အသက် ဆယ့်ခုနှစ်၊ ဆယ့်ရှစ်နှစ်လောက်ပဲ ရှိလောက်ဦးမယ့် ဒီလူငယ်လေးက ထျန်းမားထက်တောင် ပိုအစွမ်းထက်နေမယ်လို့ သူ ထင်မထားခဲ့ပေ။ ထျန်းမားက ကြယ်ငါးပွင့် နတ်ဘုရားခေါင်ချုပ်နယ်ပယ်ဆင့် ဖြစ်ပြီး သူ့မိသားစုထဲမှာ ရာထူးမြင့် ရထားသူတစ်ယောက်ဖြစ်တာကို ကျန်းယန် သိသည့်အတွက် သူ ထျန်းမားကို အနည်းငယ်တောင် ကြောက်လန့်သည်။ ဒါပေမဲ့လည်း သူ့အတွက် အံ့အားသင့်သွားစေနိုင်သူကတော့ ထျန်းမားကို လက်သီးတစ်ချက်တည်းနှင့် အလဲထိုးလိုက်နိုင်ခဲ့တဲ့ လူငယ်ပဲဖြစ်သည်။ လူငယ်လေးဟာ ကြယ်ခြောက်ပွင့် နတ်ဘုရားခေါင်ချုပ်နယ်ပယ်ဆင့်ထက် ပိုပြီး စွမ်းအားကြီးနေလိမ့်မယ်ဆိုတာ သူ သေချာသွားသည်။
အဲ့အတွက်ကြောင့် အကယ်၍ ကျောက်စိမ်းပြာမိသားစုက ဒီလို အလားအလာရှိတဲ့ အားကြီးတဲ့သူနဲ့ မိတ်ဆွေဖွဲ့နိုင်မယ်ဆိုရင် အကျိုးအမြတ် အများကြီး ရမှာဖြစ်၏။
"တပ်မှူးကျန်း၊ မမလေးက ခေါ်နေပါတယ်" အစောင့်တစ်ယောက်က ရုတ်တရက် ရောက်လာ၏။
ကျန်းယန်က ဖုန့်ရှီကို ချက်ချင်း ပြောလိုက်သည်၊ "လူကြီးမင်း၊ ကျေးဇူးပြုပြီး ခဏလေး စောင့်ပေးပါနော်။ ကျွန်တော် ခဏအတွင်း ပြန်လာခဲ့ပါ့မယ်"
YOU ARE READING
အာဏာရှင်ငရဲမင်းကြီးနှင့် သူ၏အချစ်ကလေး (၁)
Fantasyစာသင်သားဖုန့်ရှီ -အပျော်တမ်းသူခိုး၊ ရည်မှန်းချက် -တစ်ကမ္ဘာလုံးရှိ ပစ္စည်းတွေခိုးဖို့၊ သေပြီးတာတောင် အငြိမ်မနေနိုင်တဲ့ဖုန့်ရှီ။ အကျိုးဆက်ကတော့ သူ ခိုးခဲ့တဲ့ပစ္စည်းတစ်ခုက နတ်ဘုရားတွေနဲ့ မိစ္ဆာတွေကြား စစ်ပွဲကြီးတစ်ခု အစပြုသွားစေခဲ့သည်။ ဤအမှန်တရား သိပြီ...
