အာဏာရှင်ငရဲမင်းကြီးနှင့် သူ၏အချစ်ကလေး (၁)

99. Making a Vow and the Weapon Palace

အပိုင်း ၉၉။ ကတိသစ္စာပြုခြင်းနှင့် လက်နက်နန်းတော်

"အရိုးစုတစ်ခုပဲကျန်တယ်။ သူ့အသွေးအသားတွေအကုန်လုံးက အမြိုခံလိုက်ရတယ်။" Carendra (ကာလွမ်သလာ*) က ပုံမှန်မဟုတ်တဲ့ လေးနက်တဲ့အမူအယာနဲ့ ပြောလိုက်သည်။
(အခုကစပြီး သူ့ကို ကာလွမ်သလာလို့ မြန်မာလို ရေးခေါ်ပါမယ်။ English နာမည်ဖြစ်နေရင် တချို့က ဖတ်ရတာ ဇိမ်ပျက်တတ်လို့ပါ။)

သလင်းနက်ထဲ ကြည့်ခဲ့လိုက်တုန်းက ကောင်းကင်က ပင်လယ်နက်လို အနက်ရောင်မြူထူထူတွေနဲ့ နက်မှောင်နေတာကို သူ မြင်ခဲ့ရသည်။ တလိပ်လိပ်ထနေတဲ့ နက်မှောင်တဲ့မြူထူထူတွေက ထူးထူးဆန်းဆန်းကို စိတ်ညစ်ညူးစရာဖြစ်နေပြီး သူ အဲ့တာကို သလင်းနက်ကနေတဆင့် မြင်နေခဲ့ရတာဖြစ်ပေမဲ့ မကောင်းတဲ့ခံစားချက်တွေ သူ့ကို ပေးနေခဲ့သည်။

အပြစ်ကျူးလွန်တဲ့ ကျင့်ကြံသူက သာမာန်ပညာရှင်တစ်ယောက်မဟုတ်ပဲ မကောင်းဆိုးဝါးပညာရပ်တစ်မျိုးမျိုး ကျင့်ကြံခဲ့သူ ဖြစ်လောက်တယ်လို့ သူ ပြောနိုင်သည်။ နတ်ဘုရားနဲ့မိစ္ဆာနိုင်ငံတော်မှာ မကောင်းဆိုးဝါးမျိုးနွယ်စုလို့ခေါ်တဲ့ စုစည်းရေးသားထားတဲ့ သမိုင်းစာအုပ်တစ်အုပ်ထဲမှာ အဲ့လိုပုံစံမျိုး ကျင့်ကြံသူတွေအကြောင်းကို ရေးသားထားသည်။

အဲ့တာကြောင့် ကာလွမ်သလာ က နတ်ဘုရားဥဿျောင်နယ်ပယ်ပညာအဆင့် ရောက်နေတဲ့ အဲ့ဒီ့ပညာရှင်ဟာ မြောက်ဘက်ပိုင်းကိုပဲ လွှမ်းမိုးချင်တာဟုတ်ရဲ့လားလို့ သံသယရှိသည်။

"ဟမ်?" ဖုန့်ရှီ မမေးဘဲ မနေနိုင်တော့ပေ၊ "အဲ့တာ တစ္ဆေလောကက ထွက်ပြေးလွတ်မြောက်လာတဲ့ ဝိညာဉ်နက်တွေလား?"

ဖုန့်ရှီ ခရမ်းရောင်ကျောက်စိမ်းဖြတ်ပိုင်းထဲက သတင်းအချက်အလက်တွေ အကုန်လုံးကို ရရှိထားခဲ့တာဖြစ်တဲ့အတွက် အဲ့ဒီ့ဝိညာဉ်နက်တွေဟာ အရင်ဘဝတုန်းက မကောင်းဆိုးဝါးပညာရပ်ကို ကျင့်ကြံခဲ့ကြသူတွေဆိုတာ သူ သိခဲ့ရသည်။ သူတို့ပညာရပ်ရဲ့ အကြီးမားဆုံး ကြံအင်လက္ခဏာက အခြားကျင့်ကြံသူတွေရဲ့ အသွေးအသားတွေကို ဝါးမြိုတာဖြစ်သည်။ အဲ့တာပြီးတော့ သူတို့တွေက အဲ့ဒီ့ကျင့်ကြံသူတွေရဲ့ စွမ်းအင်တွေကို ယူပြီး သူတို့ကိုယ်ပိုင်စွမ်းအင်တွေအဖြစ်ပြောင်းလိုက်ကာ သူတို့ရဲ့ ကျင့်ကြံဆင့်ကို တိုးမြှင့်ကြတာဖြစ်သည်။ သေဆုံးမှုအကြောင်း ကာလွမ်သလာ ပြောတာ ကြားတုန်းက ဖုန့်ရှီ အဲ့တာကို ချက်ချင်းပဲ သတိရလိုက်တာဖြစ်သည်ပင်။