အာဏာရှင်ငရဲမင်းကြီးနှင့် သူ၏အချစ်ကလေး (၁)

28. The Origin of the Three Worlds

အပိုင်း ၂၈။ ဘုံ ၃ဘုံ၏ ကနဦးအစ

စာကြည့်တိုက်က အလွန် တိတ်ဆိတ်နေတာကြောင့် ဖုန့်ရှီရဲ့အသံဟာ အရင်ကထက် အနည်းငယ် ပိုကျယ်နေသလို ဖြစ်နေတယ်။

သူက ဘာ့ကြောင့် လူအသေးလေးရဲ့ ခြေထောက်အောက် အဖိနှိပ်ခံရမှာလဲ? ကောင်းပြီ၊ သူ အပစားပေးမယ့် တစ်ဦးတည်းသော သူဟာ ဒီကမ္ဘာမှာ သူ့ခေါင်းဆောင်တစ်ယောက်တည်းပဲ။ အခြားသူတွေကိုတော့ သူ အဖက်တောင် လုပ်မှာမဟုတ်ဘူး!

ဖုန့်ရှီက လူအသေးလေးရဲ့ ကျေနပ်အားရပြီး မောက်မာနေတဲ့ပုံကို တွေ့ရတော့ လူသေးလေးဟာ အလွန် လူပါးဝတဲ့သူ တစ်ယောက်ပဲလို့ မှတ်ယူလိုက်တယ်။ အခြားသူတွေရှေ့ ဟန်ရေးပြ ကြွားဝါတတ်လွန်းတဲ့သူတွေကို ဖုန့်ရှီ အရင်ဘဝကတည်းက အရမ်းမုန်းခဲ့တယ်။ အဲ့လိုလူမျိုးတွေ အများကြီးကို သူ ကြုံခဲ့ဖူးတယ်။ အကျိုးဆက်အနေနဲ့ လူအသေးလေးပေါ် သူ့ရဲ့ အလိုအလျောက်တုန့်ပြန်မှုအနေနဲ့ တက်နင်းချလိုက်တယ်။

ကံဆိုးတာက ရွှေရောင် မာနတံခွန်လူသေးလေးဟာ ဖုန့်ရှီရဲ့ အနာပေါ် ကို တုတ်ကျသွားအောင် လုပ်မိလိုက်တာ ဖြစ်သွားတယ်။ အဲ့ဒါကြောင့် အခု လူသေးလေးဟာ ဖုန့်ရှီရဲ့ ခြေထောက်အောက် ရောက်သွားရခြင်း ဖြစ်တယ်။

စာအုပ်နတ်ဘုရားလို့ခေါ်တဲ့ လူသေးလေးဟာ စစ်နတ်ဘုရားတို့လို စွမ်းအားမကြီးပေမဲ့ သူ့မှာ သန်မာတဲ့ ကျင့်ကြံမှုအခြေခံရှိပြီး လူသားရဲ့ တိုက်ခိုက်မှုကို ရှောင်နိုင်စွမ်းလည်း ရှိတယ်။ တကယ်တမ်းတော့ လူသေးလေးဟာ ဖုန့်ရှီ သူ့ရဲ့ခြေထောက်ကို မြှောက်လိုက်ကတည်းက တစ်ခုခု အာရုံခံစားမိပြီး ဖြစ်တယ်။ သူ တိုက်ခိုက်ခံရမှာကို ရှောင်ခါနီးမှာပဲ လူသေးလေးဟာ ရုတ်တရက် အေးခဲတောင့်တင်းမှု ခံစားလိုက်ရပြီး အနည်းငယ်တောင် ရွှေ့မရ၊ လျုပ်မရ ဖြစ်သွားရတယ်။

ထိတ်လန့််တကြားနဲ့ သူ့မျက်လုံးကို အကျယ်ကြီး ပြူးလိုက်မိတဲ့အခါမှာပဲ ဖုန့်ရှီက သူ့ခေါင်းပေါ် တက်နင်းပြီးသား ဖြစ်နေပြီ။

"ဘမ်း" လူသေးလေးဟာ စာအုပ်အဖုံးဆီ ပြန်ပြီး နောက်ပြန်ဆုတ်လိုက်တယ်။