အာဏာရှင်ငရဲမင်းကြီးနှင့် သူ၏အချစ်ကလေး (၁)

6. Touch it

အပိုင်း ၆။ ထိလိုက်မယ်

"မင်းဘာတွေတွေးနေတာလဲ"

လေးတွဲ့တွဲ့အသံ ထပ်ပေါ်လာ၏။ ဒါ ဘုရင်ကြီး တတိယအကြိမ်မြောက် စကားပြောခြင်းပင်"

ဘုံ ၃ဘုံမှာ သူ့ရဲ့အသံကိုကြားဖူးတဲ့အခွင့်အရေး ဘယ်သူမှ မရှိခဲ့ဖူးကြပေ။ ဒါပေမယ့် ဒီနေ့တော့ ကောင်လေးကြောင့် ဘုရင်ကြီး စကား ၃ကြိမ် ပြောလာခဲ့သည်။ ဒါ့အပြင် ဘုရင်ကြီးရဲ့စကားလုံးတွေဟာ ကောင်လေးရဲ့စိတ်ထဲကို အလိုအလျောက်စိမ့်ဝင်သွားစေတာဖြစ်သည်။

ငရဲမင်းကြီးမှာ သူ့အစွမ်းနဲ့ ကောင်လေးရဲ့အတွေးတွေကိုသိနိုင်တဲ့စွမ်းရည်ရှိ၏။

ဒါပေမယ့် ကောင်လေး သူ့စိတ်ကူး သူ့ဖာသာထုတ်ပြောတာကို သူ တနည်းနည်းနဲ့ပိုလိုလားသည်။

နဂါးငွေ့တန်းလို ဒီကမ္ဘာမှာရှိတဲ့အရာအားလုံး ထည့်သွင်းထားပုံရတဲ့ လူကြီးရဲ့နက်ရှိုင်းတဲ့မျက်လုံးအစုံဟာ သူရှင်သန်ခဲ့တဲ့ မရေမတွက်နိုင်တဲ့နှစ်ကာလတို့ကြောင့် ဘယ်အရာကိုမှအလေးမထား၊ ဂရုမစိုက်ဟန်အကြည့်တို့ ရှိခဲ့သည်။ အခုတော့ ကောင်လေးရဲ့သွင်ပြင်က သူ့အမြင်အာရုံထဲ ပထမဆုံးအနေနဲ့ ဖောက်ထွင်းဝင်ရောက်လာခဲ့တာဖြစ်သည်။

ဘုရင်ကြီးရဲ့စကား ကြားပြီးနောက် ကောင်လေးက သူရောက်နေတဲ့နေရာကို ချက်ချင်း ပြန်သတိပြုမိသွားပြီးတော့ ဘုရင်ကြီးအမေးကို နောက်တစ်ကြိမ်လျစ်လျူထပ်ရှုလိုက်ပြန်သည်။

သူအဆုံးမရှိတဲ့ပန်းပင်လယ်ထဲရောက်နေတယ်ဆိုတာ သိလိုက်ရသည်။ ဒီကမ္ဘာပေါ်မှာ သူနဲ့သူ့ရှေ့ကလူကြီးနဲ့ ၂ယောက်ထဲပဲ ရှိနေသလားလို့တောင် ထင်မှတ်မိ၏။

"ဒါ ဘယ်နေရာလဲ .... အရမ်းလှလိုက်တာ"

လေပေါ်မှာပဲဆိုတာ သူသတိမပြုမိခဲ့ချေ။ ခုန်ဆင်းဖို့ကြိုးစားလိုက်တော့မှ သူ့မြင်ကွင်းက ဘယ်လောက်တောင်အမြင့်ကြီးဖြစ်နေသလဲဆိုတာသတိထားမိသွားပြီး လန့်သွားတော့သည်။

အဲ့နောက် လေထဲ ဟန်ချက်မထိန်းနိုင်တော့ဘဲ အော်ရင်း မြေပြင်ပေါ် ပြုတ်ကျသွားတော့၏။ "အား!!!!" ကယ်ပါဦး။