အပိုင်း ၁၈၈။ စိတ်အားထက်သန်သည့်ည ပြီးသွားပြီးနောက်
ခေါင်းဆောင်နှင့် အနမ်းမပေးရတာ ရက်တွေအတော်ကြာနေပြီမို့ ဖုန့်ရှီ သည်လို သက်တောင့်သက်သာရှိသည့် ခံစားချက်ကို အလွန် လွမ်းဆွတ်နေခဲ့တာဖြစ်သည်။
သူ နမ်းလိုက်လိုက်ခြင်းမှာပဲ ငရဲမင်းကြီး၏ လျှာကို တိုက်ပွဲဝင်နေသည့်အလား မက်မက်မောမော စုပ်ယူလိုက်ပြီး တစ်ဖက်သူက ပြန်တုံ့ပြန်လာချိန်မှာတော့ သူ နောက်ပြန်ဆုတ်လိုက်ပြန်သည်၊ အဲ့လိုနှင့် တွန်းလိုက် ထိုးလိုက်နှင့် အကြိမ်အနည်းငယ် လုပ်နေလိုက်ပြီး သူ့ကိုယ်သူ ပျော်ရွှင်နေကာ သူ့ပါးစပ်ထောင့်ကနေ တံတွေးတွေ စီးကျလာသည်ကိုတောင် သတိမထားမိလိုက်တော့ပေ။ သလင်းလို ကြည်နေသော တံတွေးတို့က အဖြူရောင်စောင်အပေါ် ကျလာကာ ရေအိုင်ငယ်လို ဖွဲ့တည်လာ၏။
ငရဲမင်းကြီး၏ မျက်လုံးတို့ နက်မှောင်သွားရကာ သူ့နားထဲသို့ တီးတိုးစကားဆိုလိုက်သည်၊ "ညစ်ညစ်ညူးညူး မညစ်ပုပ်နဲ့။"
ဖုန့်ရှီက ချက်ချင်းပဲ တစ်ခစ်ခစ် ရီလိုက်ပြီး 'ကျွန်တော်က ညစ်ပုပ်ချင်တာလေ' ဟု ဆိုနေသည့်အလား ငရဲမင်းကြီးကို မျက်စိမှိတ်ပြလိုက်၏။
ငရဲမင်းကြီးက သူ့နှာခေါင်းကို မလွတ်တမ်း ဆွဲညှစ်လိုက်လေတော့သည်။
ဖုန့်ရှီ၏ နှာခေါင်းက အညှစ်ခံလိုက်ရသည့်အတွက် အသက်မရှုနိုင်ဖြစ်နေကာ ချက်ချင်းပဲ မသိစိတ်ဖြင့် ပါးစပ်ဟလိုက်တော့သည်။ သူ့လျှာကို ငရဲမင်းကြီးက အလွတ်မပေးဘဲ ဖု့န်ရှီ ခွန်အားတွေ ဆုတ်လျော့သွားသည်အထိ စုပ်ယူနေလိုက်သည်။
သူ့နှာခေါင်းနှင့် ပါးစပ်တို့ အနားရသွားသည်နှင့် ဖုန့်ရှီက ချက်ချင်းပဲ အသက်လုရှုလိုက်ကာ သူ့မျက်နှာတို့က နီမြန်းနေပြီး၊ "ကျွန်တော် သေလုမတတ်ဖြစ်သွားရတယ်။" ဟု ပြောလိုက်သည်။
"နောက်ကို အခုလိုမျိုး ညစ်ပုပ်ချင်သေးလား?" ငရဲမင်းကြီးက သူ၏ ဆွဲညှစ်ခံထားရ၍ နီရဲနေသော နှာခေါင်းကို ညွှန်ပြလိုက်ကာ ပြောလိုက်သည်။
ဖုန့်ရှီက ချက်ချင်းပဲ ခေါင်းခါယမ်းလိုက်ကာ၊ "မလုပ်ရဲတော့ဘူး။"
YOU ARE READING
အာဏာရှင်ငရဲမင်းကြီးနှင့် သူ၏အချစ်ကလေး (၁)
Fantasyစာသင်သားဖုန့်ရှီ -အပျော်တမ်းသူခိုး၊ ရည်မှန်းချက် -တစ်ကမ္ဘာလုံးရှိ ပစ္စည်းတွေခိုးဖို့၊ သေပြီးတာတောင် အငြိမ်မနေနိုင်တဲ့ဖုန့်ရှီ။ အကျိုးဆက်ကတော့ သူ ခိုးခဲ့တဲ့ပစ္စည်းတစ်ခုက နတ်ဘုရားတွေနဲ့ မိစ္ဆာတွေကြား စစ်ပွဲကြီးတစ်ခု အစပြုသွားစေခဲ့သည်။ ဤအမှန်တရား သိပြီ...
