ကမ္ဘာ့ပျက်ကပ်ကြားက ဆေးခန်းလေး [MM Translation] Completed

အခန်း (၄၅)

အခန်း (၄၅)

ဘေးကင်းရန်အတွက် ဝမ်ချင်းလင်သည် ကျိရုန်အား မိုင်တစ်ရာအကွာတွင် ကားရပ်ထားခိုင်းဖို့ ကြံစည်ထားခဲ့သော်လည်း ယခု အခြေအနေအရ လုံးဝ မလိုတော့ပေ။

ဝမ်ချင်းလင်၏ အသံက ရှောင်ဟန်နှင့် စုန့်ယို့ယွမ်တို့ နားထဲ ပျံ့လွှင့်လာကာ " ဝမ်ချန်အခြေစိုက်စခန်းက မတော်တဆ တစ်ခု ဖြစ်ထားတယ်။ မင်းတို့ စောင့်စရာ မလိုဘူး။ မြို့လယ်ကို သွားပြီး ဗိုလ်ချုပ်ရဲ့ အသိုက်ကို ဖောက်ခွဲပစ်လိုက်တော့ "

ဝမ်ချင်းလင်က ကျိရုန်အား နန်းချန်အပြင်ဘက်၌ ကားရပ်ဖို့ ပြောလိုက်ပြီး အထဲဝင်ခွင့် မပေးပေ။

ကျိရုန်က ခေါင်းကုတ်ကာ‌ အော်ပြောလိုက်သည် "ငါ ကူညီပေးနိုင်တယ် "

ဝမ်ချင်းလင် " မင်း ကားထဲမှာနေတာ အကူအညီအရဆုံးပဲ "

ဇွန်ဘီဒီရေနှင့် ယှဉ်နိုင်သည့် ဇွန်ဘီတပ်ကြီးအတွင်း လူသားတစ်ဦး ဝင်ရောနေလျှင် ပြန်တိုက်ဖို့ အချိန်ရှိလိုက်မည် မဟုတ်ပေ။

ကျိရုန် " .... "

ဝမ်ချင်းလင်က နန်းချန်ထဲ ရောက်လာသည့်အခါ ဇွန်ဘီအော်သံ ထုတ်လွှင့်လိုက်သည်။ ဇွန်ဘီယဉ် အခြေစိုက်စခန်းကို ဝိုင်းအမဲဖျက်နေကြသည့် ဇွန်ဘီများက ရပ်တန့်သွားကြ၏။ ဝမ်ချင်းလင်က မြို့တံတိုင်းထဲ ဝင်လာသည့်အခါ စုတ်ပြတ်နေသည့် စခန်းကို ကြည့်ပြီး ဒေါသက အဆုံးအစွန်အထိ မြင့်တက်သွားသည်။

ဝမ်ချင်းလင် " ဂါး ... "

ညီအစ်မနှစ်ယောက်နှင့် သွေးအလောင်းကောင်က ဝမ်ချင်းလင်နား ရောက်လာကြသည်။ သူတို့သုံးယောက်လုံးက မျက်နှာပူကာ ရှက်ရွံ့နေကြသည်။ သူတို့ကတိကို ဖြည့်ဆည်းနိုင်ရန် ဝမ်ချင်းလင်အတွက် စခန်းကို စောင့်ကြပ်ပေးခဲ့ကြသည်။ သူတို့လည်း အားများစွာ စိုက်ထုတ်ထားခဲ့ရ၏။

သွေးအလောင်းကောင်၏ အဝတ်များက စုတ်ပြဲနေကာ နဂိုအနေအထား ရောက်အောင် ရိုက်နှက်ခံထားရသည်။ ဗိုလ်ချုပ်က ရူးသွပ်လွန်းလှသည်။ သူတို့ ပြန်လာပြီး သိပ်မကြာခင် ဇွန်ဘီတပ်ကို လွှတ်ကာ ဝမ်ချန်အခြေစိုက်စခန်းကို ဖျက်စီးခိုင်းခဲ့သည်။