ကျောင်းလူဆိုးလေးနဲ့ကျွန်တော်(ဘာသာပြန်) [Completed]

Extra 7 (Lin❤️Hao)

Unicode

What Should I Do if the School Bully is Interested in Me

Ch126 - Extra 7 – I’m a Pure Zero, Seme (Lin Che x Hao Meng) [End]

"ဒီနေ့အတွက်တော့ ဒီလောက်ပါပဲ"

ဟောင့်မုန်က အချိန်တိကျစွာ သင်ခန်းစာကို ရပ်နားလိုက်ရင်း ပုံမှန်လိုပဲမေးလိုက်တယ်။

"နားမလည်တဲ့နေရာ ရှိသေးလား"

သူက အခုဆိုရင် တက္ကသိုလ်A ရဲ့ ဆရာတစ်ယောက်ဖြစ်ပြီးတော့ ရှေးဟောင်းသုတေသနရဲ့ အထွေထွေသီအိုရီဆိုင်ရာတွေကို သင်ကြားပို့ချပေးရတယ်။ သူက အရမ်းနူးညံ့ပြီး ချစ်စရာကောင်းတာကြောင့် ကျောင်းသား ကျောင်းသူတွေကြားမှာ အတော်လေး ရေပန်းစားတယ်။

"ဆရာဟောင့်!"

ကျောင်းသူတစ်ယောက်က လက်တစ်ဖက်ကိုမြင့်မြင့်မြှောက်ကာ စပ်စုလိုတဲ့အမူအရာနဲ့ စိတ်လှုပ်ရှားစွာမေးလိုက်တယ်။

"ကျွန်မမေးချင်တာက ဆရာ့ရဲ့အမျိုးသားက ဒီနေ့လာကြိုမှာလားဟင်"

ဟောင့်မုန်က ပုံမှန်ဆိုရင် ဘာကိုမှ ထုတ်ပြောလေ့မရှိဘူး။ ဒီကျောင်းသူတွေကတော့ သူနဲ့တအားကြီးကို ရင်းနှီးတယ်။သူတို့တွေက ဟောင့်မုန်ရဲ့ လိင်ပိုင်းဆိုင်ရာခံယူချက်ကို သိထားတဲ့အပြင် ချောမောတဲ့ဆဲမဲကြီးတစ်ယောက်ရှိတယ်ဆိုတာပါ သိကြတယ်။

"သူငယ်မတို့ ..ခင်ဗျားတို့က ကျုပ်အမျိုးသား လာကြိုမကြို ကိစ္စကိုတောင်မှ လာထိန်းချုပ်နေချင်ကြတာလား!"

ဟောင့်မုန်က ခပ်ပြတ်ပြတ်ဆိုလိုက်တယ်။ ဒီကျောင်းသူတွေက သူ့အတန်းသာ လာတက်တာ။ သူ့ဆဲမဲကြီးအကြောင်းချည်း စဥ်းစားနေကြတော့တာပဲ။ဒင်းတို့က ဘယ်လိုတောင် စာနာစိတ်တွေ ကင်းမဲ့နေကြတာတုန်း။

"အီး....ရှာလကာတွေ အရမ်းချဥ်တာပဲ"

စာသင်ခန်းထဲမှာ ရယ်မောသံတစ်အုံးအုံးက ရိုက်ခတ်သွားတယ်။

သမိုင်းမေဂျာမှာက ကျောင်းသူတွေ ပိုများပြီးတော့ လူတိုင်းက ဟောင့်မုန်ကို သဘောကျကြတယ်။ ဒီဆရာက အရပ်ရှည်ပြီး လူကောင်ထွားပေမယ့်လည်း တကယ်တမ်းကျ သူဟာ နူးညံ့ပြီး ချစ်စရာကောင်းလှတယ်။သူတို့တွေက ကလေးဆန်ဆန်ဂျီကျပြလိုက်ရင်ကို သူ့ဆီကနေ စာမေးပွဲအတွက်အရေးကြီးတဲ့အချက်တွေ ထွက်လာတာချည်းပဲ။