☠ السفاح العاشق ☠
🔥 بارت 99 🔥
سمعات حفيضة الدقان و هي تمشي حلات لباب ... ابتاسمات فاش شافت زينب ... الي سلمات عليها و طلعات كتجري فالدروج ... دفعات لباب و دخلات ... بانت ليها جولان چالسة جنب النافذة و ساهية ... تلاحت عليها كيف الباطل معنقاها من اللور ...
زينب : ها الحب ديالك جااا
جولان : " ضارت عندها " شنو كديري هنا ... ماشي خاصك توجدي للحفلة
زينب : وي خاص نوجد راسي ... لكن ماعرفت منين نبدا ... كنخمم شنو نلبس شنو ندير وحلت ... و انا نجي عندك تعاونيني
جولان : أنا نعاونك !
زينب : آااه ... دابة غتنوضي تلبسي عليك باش نخرجو نتقداو شنو غنلبس ... يالاه نوضي دغيا ماعنديش الوقت
جولان : مانقدرش نخرج
زينب : علاش مالك ... نوضي باركة من لعگز
جولان : بابا مانع عليا نخرج
زينب : اممم ... لكن باباك مكاينش مشا لعند صاحبو لشي فيرمة ... و خالتي ماعندها حتا إعتراض تخرجي ... و قلبي ليا على شي عذر آخر
جولان : ماما !
زينب : هضرت معها فالفون و هي الي قالت ليا آجي خرجيها ... و نوضي اصاحبتي لبسي دغيا
جراتها زينب حتا وقفات ... بدلات جولان حوايجها و هبطو لتحت ... شافت جولان ماماها فالصالة ... مشات عندها عنقاتها بقوة ...
حفيضة : سيري فوجي و نساي الي وقع ... غدا و لا بعدو يتراجع على رأيو
جولان : " باستها فخدها " الله يخليك ليا
حفيضة : الله يرضي عليك " شافت فزينب الي واقفة عند لباب " تعطلو نعلقكم نتي وياها
زينب : متخافيش أخالتي داكشي غيسالي بكري " غمزاتها " ... يالاه العورة تحركي
جولان : العورة هي حناك
زينب : ها جولان الي كنعرف
خرجو لبنات و خداو طاكسي لوسط المدينة ... توجهو لمتاجر لحوايج ... بدات زينب كتقلب على شي حاجة مناسبة و جولان واقفة كتشوف فيها ... خذات جوج فساتين كوم و فايتين الركبة ... مناسبين للنهار و الليل ... مدات الي فاللون الأسود لجولان ...
زينب : قيسي هذا
جولان : علاش غنقيسو ... ياك نتي الي جاية تشري
زينب : أنا عجبني هادا و هادا غيجيك زوين
جولان : كتحماقي عليا
زينب : و الزمرة يحساب ليك مخرجاك باش نتقدا ليا بوحدي ... سيري قيسي هذا حينت غتحضري للإجتماع و غنجرك للحفلة معيا
جولان : كيفاش ... أنا مغادياش
زينب : غنزل عليك بهاد العلاقة ... بلاما تعصبيني قيسي الغوب ... باقي غنمشيو نقادو شعكاكتنا
جولان : زينب انا مغادة فين
زينب : أوكي ... سمحي ليا عذبتك و خرجتك من داركم " لاحت الفساتين فوق الفوطوي " كنعتاذر
تمات خارجة زينب كيف وصلات عند لباب و هي تسمع صوت جولان كتنادي عليها ...
جولان : زييينب ... زينب تسناي
تبسمات زينب بانتصار ... جمعات الإبتسامة و ضارت راجعة ... هزات لفستان و عطات لاخر لجولان ... دخلو قيسو و خرجو بجوج ... عجبوهم الفساتين حينت سامبل و مامعيقينش ... بقاو بيهم و دازو خلصو ... عاد مشاو لصالون ... قادو شعرهم و دارو مايكاپ خفيف ... خداو طاكسي و توجهو للأوطيل ...
هبطو و هو يبان ليهم السيارات مسافين امام الأوطيل ... الناس متأنقين و لابسين الرسمي ... دخلو لبنات و سولو على مكان الإجتماع ... كان فالطابق الثاني اما الحفل فكان فالصالة الكبرى فالطابق الأول ...
زينب : بعد ساعة غتلقايني كنتسناك هنا ... عرفتي و تسلتي غنغضب عليك طول حياتي
جولان : " بابتسامة " مزال ممتيقاش غنقابل كتاب كبار ... حاسة بالفراشات فمعدتي
زينب : حبك جا على الكتوبة ... انا بعدا معدتي كتفرفر غير لا شفت شي تيتيز ههه
جولان : هههه شكرا
زينب : " قلزات ليها " هاهواا ... و دابة طلعي ... يسالي الإجتماع نلقاك هنا
حركات ليها جولان راسها و توجهات للمصعد ... خرجات و توجهات للمكان الي قالو ليها ... بانو ليها الناس كيدخلو ... كيف وصلات عند لباب لمحاتو واقف بكل هيبة ... بقات كتشوف فيه ... متوقعاتش يكون هنا ... لمحها و شاف فيها بتمعن ... أول مرة يشوفها بهاد اللبس او بالأحرى بفستان ... و كانت لابسة حتا نظراتها الي شحال هادا مشافها بيهم ... قربات بهدوء و هي تلقي عليه التحية ...
جولان : موسيو العثماني
رئبال : غدا بغيت يكون عندي ملخص الإجتماع
جولان : " حدرات راسها "
رئبال : سمعتي شنو قلت
جولان : " حركات راسها بالإيجاب " كيف نرجع للدار غنسيفطو ليك فإيميل
رئبال : مزيان ... استمتعي بوقتك
جولان : شكرا موسيو
ضارت داخلة و هو يتبعها بعنيه ... خشا يدو فالجيب و توجه للمصعد ...
🍁 يتبع 🍁
أنت تقرأ
السفاح العاشق
Mystery / Thrillerرواية •• السفّاح العاشق •• 🌸 تأليف : موري 💄👑 " بغض النظر عن السبب ، الانتقام يؤدي إلى دورة مستمرة لا تنتهي أبدًا.. يسمم حياة كل من حولك ، و بالقرب منك.. السعي إلى الانتقام يصبح كل ما تريده، ولكن يأتي بثمن باهظ جداً.. " الرواية...
