☠ السفاح العاشق ☠
🔥 بارت 40 🔥
الخدامة ولات غير كتفتف ... خافت يكون سمعها ... قربات لاحبيبة عند رئبال ... تحنا باس ليها على راسها ...
رئبال : راه جاو الدراري ... و كيسولو عليك
لاحبيبة : واخة اولدي غير سير ... انا نوقف عليها حتا تحط لعشا و نجي لعندكم
رئبال : واخة
مشا و هي ضور لاحبيبة لقات الخدامة مشا منها اللون و واقفة مكوانسية ...
لاحبيبة : فااااطمة ... و فاطمة نتي سربي راسك
فاطمة : " قفزات " و واش سمعني ؟
لاحبيبة : كملي داكشي و خرجي لعشا ... تخافي ماتحشمي
قادات فاطمة الصحون و بدات كتحط فطبلة العشا ... مشات الجدة للصالة لقات رئبال و سنمار و إلياس چالسين ... ناضو الدراري سلمو عليها و جلسوها وسطهم ... بالنسبة ليهم بثلاثة فهي الأم و الأب ... الحب و الإحترام الي كيكنوه لاحبيبة لا يوصف ... و حتا هي عندها كتعزهم كيف معزة رئبال ...
علماتهم الخدامة بلي لعشا تحط ... ناضو و اتاجهو للطبلة ... چلس رئبال فمكانو على رأس الطبلة و جنبو الجدة ... إلياس جنبها و سنمار مقابل معاه ... تعشاو فجو هادئ ... كيف سالاو توجهات لاحبيبة لبيتها تنعس بعدما تمناو ليها ليلة طيبة ... و خرجو الدراري للجردة چالسين فلي فوطوي ...
سنمار : مشيت اليوم للمركز
إلياس : علاش ؟
سنمار : دانا مختافية و مزال ملقاوها
إلياس : و مالك حمار ... لاش غادي للمركز ... تختافي و لا تموت گاع
سنمار : مها الي جات كطلب فيا ... قالت ليك مكاينش الي يوقف معها تلقى بنتها و البوليس ناعسين ... رئبال
رئبال : " شاف فيه "
سنمار : بغيت نعاونها تلقاها ... باش تفوتني عليها
إلياس : و لا هي مبغاش تلقاوها ... ماتعرف هربات مع قوادها الي دارت هي وياه ڤيديو ديال لبورنو ... گاع لبشار شافوه ... و مرمدات بصورتك لرض ... كن ما رئبال تصرف تلقا باقي الشمايت كيتفرجو فيها ... أنا منك نحرها قدام مها ... ماشي نقلب عليها ... بعد لمرات غير كتخرا
سنمار : نتا غا سد فمك ... حتا واحد ماسولك
رئبال : باغي تلقاها على ود مها و لا على قبلك نتا ؟
سنمار : أنا مابقات كتعني ليا حتا حاجة
إلياس : و تكمش
سنمار : " خنزر فيه " نوض تقاود ... خليني نهضر معاه ترونكيل
إلياس : حتا تكون دار باك
رئبال : " وقف " منك أنا مغاديش نضيع وقتي بالتقلاب ... حينت مغاديش تلقاها " تم داخل لڤيلا "
إلياس : هانتا خسرتي علينا الجلسة " جبد سيجارة شعلها " الله ينعل بو الحب لا كان هاكة
سنمار : غنفرع مك مافيهااااش لما سكتي
إلياس : " كيكمي " هاهو ساكت
دخل رئبال للڤيلا طالع مع الدروج و كيحل فصدايف القاميجة بيدو ... دفع لباب و دخل ... حيد القاميجة لاحها بقا غير بالسروال ... مشا لبلاكار الي جنب المكتب ... حل الزاجة و خدا قرعة مشروب ... عمر لكاس و حطها فوق المكتب ...
توجه ناحية لبالكون و وقف خاشي يد فالجيب و لاخرة هاز بيها الكاس ... رشف من الكاس و عنيه على الدراري الي باقي چالسين فالجردة ... شوية وقفو الدراري باغيين يغادرو ... هزو عنيهم فالبالكون بان ليهم واقف ... شيرو ليه بيديهم و طلعو فسياراتهم و خرجو واحد من ورا لاخر ...
🌸 يوم جديد 🌸
فاق رئبال بكري ... لبس سيرڤيت فالأسود مع سبرديلة فنفس اللون و هبط ... ركب فإحدى سياراتو و خرج من لڤيلا ... بعد دقائق وقف جنب الطريق ... حط السيارة و خرج كيجري ... كانت طريق وسط غابة فيها سياج على طول الطريق ... و مخصصة للأشخاص الي كيمارسو الرياضة ...
جرا لمدة ساعة و نصف ... رجع لڤيلا طلع خدا دوش ... لبس سروال توب كحل مع تريكو بيض و دار فوقو ڤيست كحلا ... وقف قدام لمرايا مشط شعرو اللور و رش من رحتو الفاخرة ... لبس الساعة فيدو هز لكونطاكت و خرج ... هبط لقا الجدة كتفطر سلم عليها شرب قهوتو و خرج متاجه للشركة ...
كيف وصل لقا بهاء كيتسناه خارج الشركة ... تم داخل و بهاء تابعو من اللور و كيعطيه جدول اليوم ... دخلو بجوج للمصعد و طلعو للطابق الأخير ... دخل رئبال للمكتب جلس فوق الكرسي ... و هز راسو فبهاء ...
رئبال : درتي داكشي الي قلت ليك داك النهار ؟
🍁 يتبع 🍁
أنت تقرأ
السفاح العاشق
Mystery / Thrillerرواية •• السفّاح العاشق •• 🌸 تأليف : موري 💄👑 " بغض النظر عن السبب ، الانتقام يؤدي إلى دورة مستمرة لا تنتهي أبدًا.. يسمم حياة كل من حولك ، و بالقرب منك.. السعي إلى الانتقام يصبح كل ما تريده، ولكن يأتي بثمن باهظ جداً.. " الرواية...
