☠ السفاح العاشق ☠
🔥 بارت 83 🔥
شافت فيها جولان مبلقة عنيها على وسعهم ... أويلي على لمدام ديالك هادي شنو كتخرف ... تلفتات عند رئبال بان ليها عادي ... ولات جولان شاكة فراسها واش سمعاتها غلط و لا هو الي ماسمعش شنو قالت ليه ...
رئبال : خليها هي تختار شنو بغات
الموضفة : أوكي ... مدام العثماني آجي معيا
جرات جولان الي مزال معجبة فشنو كتخرج هادي من فمها ... غير بعدو عليه و هي تنطق ...
جولان : ختي واش عاد قلتي ليه لمدام ديالك و لا تخايل ليا
الموضفة : وي قلتها ... علاش ماشي نتي مرات سي العثماني !
جولان : أويلي على مراتو واش نتي صاڤا ... أنا غير خدامة عندو
الموضفة : اسحاب ليا مراتو ههه ... و لكن علاش مقال والو
جولان : واقلة ماسمعكش ... حمدي الله و شكريه ... كن سمعك كن مشينا فيها أنا وياك
الموضفة : لعجب ... موضفة عندو ... و جابك بنفسو تقادي نضاضر
خنزرات فيها جولان حينت فهمات لشنو لمحات بكلامها ... شارت ليها على الشكل الي عجبها ... كان بسيط و قريب للشكل الي كان عندها ... ضارت لقات رئبال خارج ... هزات صاكها و خلطات عليه ... حلات باب السيارة كيف طلعات ديمارا ... بعد تردد نطقات ...
جولان : شكرا موسيو العثماني
تنفسات كأنها كانت كتجري بحرا مخرجاتها ... و ضارت جهة النافذة ... توجه رئبال للمطعم فين كاين الاجتماع ... دخل و جولان من وراه ... كانت طبلة معزولة فيها رجال و نساء ... كيف وصل لعندهم ناضو كيسلمو عليه ... كان كرسي فالوسط فارغ ... چلس فيه و هز عنيه فجولان الي واقفة بعيد ...
رئبال : " موجه هضرتو للنادل " جيب ليها كرسي
مشا النادل كيجري جاب كرسي ... يالاه كيفكر فين يحطو و هو يبان ليه رئبال تكلم مع الشخص الي چالس جنبو و ناض كحاز ... حطو النادل جنب كرسي رئبال ... الي شاف فجولان و شار ليها بعنيه تجي تچلس ... حدرات راسها و هي كتقرب لأن الانضار كلها كانت عليها ...
چلسات حاطة يديها عند فخاضها كتحك فيهم بتوثر ... مرتاحت حتا بداو فالإجتماع ... جبدات لبيسي كتكتب فالملاحظات المهمة ... من بعدما كملو جابو ليهم الغداء ... كلات جولان شوية لأن كلشي كيتصرف بالحساب ... حتا أكلهم فيه لبرتوكول ... كملو و ناضو ... رجعات هي و رئبال للشركة ...
دخل هو لمكتبو و هي توجهات لديالها ... سدات لباب و تمات غادة جاية و كتحاول تستوعب و تحلل شنو وقع هاد النهار ... كيف وصل وقت المغادرة رجعات للدار ... هبطات من الطاكسي غادة و هي تسمع شي حد كيعيط عليها ... تلفات بانت ليها زينب جاية كتجري ... غير وصلات عندها تلاحت عليها بتعنيقة ...
زينب : الحب نتي الحوووووب ... كنمووووت فيك اناااا
جولان : آععع قجتيني المسخوطة ... رخي راه غنموت ليك هنا
زينب : " بفرحة " شكرا بزاااف معرفاش شنو نقول ليك من غير شكرا
جولان : مالك يا هاد لبنت ... واش طلعات ليك السخانة
زينب : " شدات ليها فيديها " شركة ' ستورم ' اتاصلو بيا و قالو ليا نجي ندير أنتيرڤيو غدا
جولان : اتاصلو بيك من شركة ' ستورم ' !!
زينب : آه ... صافي غنخدم ... أخيراااا " رجعات عنقاتها " هههه مالك مصدومة ؟
جولان : هو أنا دفعت السيڤي ديالك للشركة شي شهر هاذا ... و منين معيطوش عليك صافي سكت و مقلت ليك والو
زينب : و هاهما عيطو عليا
جولان : و لكن علاش حتال دابة " خرجات عنيها " مايمكنش
زينب : شنو الي مايمكنش ؟!
جولان : يكون سمعني زعما ... لا لا كن سمعني كن ضار فيا ... أويلي واش سمعني فاش كنت كنهضر معاك و لا مسمعنيش
زينب : آش كتقولي ... شرحي ليا مالك
جولان : داك النهار فاش عيطتي عليا ... " عاودات ليها كلشي " زعما يكون سمعني ؟
زينب : " صغرات عنيها " باينة سمعك ... و هادشي الي وقع اليوم كيوضح كلشي
جولان : شنو كيوضح ... مالك على الألغاز حتا نتي
زينب : كاين تفسير واحد لهادشي
جولان : و هضري قبل ما نتفك
زينب : المدير الغامض ديالك ... كتعجبيه
جولان : " تفرشخات بالضحك " هههههههه ... واااااع شوية لباس ... هاداك كنعجبو أنا ... لا لا نتي صاط ليك لبرد فراسك مافيهاش
زينب : و مالكي احتمال كبير ... كيف قلتي اليوما داك تقادي نضاضر و منين سمع صاحبتك بطالية خدمها ... اححح دزت فوجهك المسخوطة
جولان : لا هادشي ما يمكنش ... باينة عاد احتاجو موضفين و شافو السيڤي ديالك ... حينت كن سمعني كنهضر عليه ... مغاديش نبقا دقيقة فالشركة ... و هادشي الي وقع اليوم ... غيكون غير بهاء قال ليه لحت ليها نضاضرها
زينب : علاش مستبعدة تكوني كتعجبيه
جولان : " ميقات فيها " واش نتي كتعرفيه كيف داير ... كن تلاقتيه مغاديش تقولي هاد لهضرة
زينب : لمهم أنا غنخدم فشركة العثماني ... و غنشوفو بعض بزاف ... كنت عارفة صحبتنا غادي تنفعني شي نهااار
جولان : " خبطاتها " ياااك لمك
واقفة سيارة فالباركينغ ... داخلها شخصان يتبادلان القبل بحرارة ... قاطعهم صوت الفون ... بعد عليها و هز لفون قرا لميساج ... شاف فيها كتسد صدافي القاميجة الفوقانيين و عض على شفتو ...
إلياس : ماعند جدبويا الزهر ... نأجلو سهرتنا لغدا !
وئام : " قربات قبلاتو من فمو " ماشي مشكيل ... عندنا غدا و بعدو و بعدو
🍁 يتبع 🍁
أنت تقرأ
السفاح العاشق
Mystery / Thrillerرواية •• السفّاح العاشق •• 🌸 تأليف : موري 💄👑 " بغض النظر عن السبب ، الانتقام يؤدي إلى دورة مستمرة لا تنتهي أبدًا.. يسمم حياة كل من حولك ، و بالقرب منك.. السعي إلى الانتقام يصبح كل ما تريده، ولكن يأتي بثمن باهظ جداً.. " الرواية...
