🔱 السفاح العاشق 🔱
💥 الفصل الثاني : بارت 182 💥
بقات كتشوف فوجه مها الي كيبان ليها مضبب ... بسبب الدموع الي معمرين عنيها ... مزيرة بيدها على ليزار حتى بياضت ... قربو جوج مسعفين هازين الحمالة ... قبل مايقرب منها شي واحد فيهم ... تحدر رئبال الي كان واقف من وراها ... حط يديه على كتافها نوضها ... بغا يجرها و هي تنطر من يديه ...
بان ليها واحد من المسعفين رجع الغطاء على وجه حفيضة ... مشات ليه جولان صاعرة ...
جولان : علااااااش مغطي ليهاااا وجهاااا ... راااه غادي تخنق ... ماتجي فين توصل لسبيطااااار حتى تخنق
المسعف : كتجيك شي حاجة ؟
جولان : ماما هاديك ... يالاه هزوها دغيا ... خاص تسرعو بيها لسبيطار ... أنا غنطلع معها
المسعف : " بأسف " الواليدة ديالك توفات قبل مانوصلو
جولان : واش ماسمعتيش شنو قلت ... هزوها دغيا ... خاص الطبيب يشوفها
المسعف بقات فيه جولان ... عارفها تحت تأثير الصدمة ... ضار و رجع هزو حفيضة فوق الحمالة ... دخلوها لسيارة الإسعاف ... بغات طلع معها جولان و هو يجرها رئبال ...
جولان : " نطرات يدها " طلق مني ... بغيت نمشي مع ماما
رئبال : آجي ركبي معيا ... غنتبعوهم لسبيطار
جولان : لاااا ... بغيت نركب معها و نشد ليها فيدها ... لا حسات بيا جنبها غتقاوم أكثر
طلقات منو و مشات كتجري ... طلعات معاهم الإسعاف ماقدروش يحبسوها ... جلسات جنبها شافت فمها لقاتهم مغطينها كلها ثاني ... خنزرات فيهم و حيدات الغطا على راسها ... شدات فيد مها بيديها بجوج ... حسات بيها باردة و بدات كتحرك يديها باش تدفيها ... المسعفين غير كيشوفو فيها ...
وقفات سيارة الإسعاف أمام المستشفى ... هبطو المسعفين مدخلينها و جولان تابعاهم ... وقف السيارة و هبط ... تم داخل و هي تبان ليه تابعاهم ... ضرب بخطوات كبار وصل لعندها جرها ...
رئبال : خليهم يديرو خدمتهم ... غنتسناو حتى يخرج الطبيب
شافت فيه جولان و رجهات متبعاهم بعنيها حتى دخلو ... جبد رئبال الفون و بعد شوية كيهضر و عنيه عليها ... شوية خرج الطبيب و تم جاي عندهم ... تلقى ليه رئبال ...
الطبيب : موسيو العثماني
رئبال : " أومأ ليه براسو "
الطبيب : يمكن تبعوني
سبق الطبيب و تبعوه رئبال و جولان ... دخلو لغرفة بحال ديال العمليات لكن مافيهاش المعدات ... فقط بياص لوسط مستلقية فيه حفيضة ... ملبسينها رداء و منضفينها من الدماء ... دايرين عليها غطاء حد صدرها ... جولان كيف شافتها بقات واقفة عند لباب مزادتش تحركات ... كتقلب بعنيها على الآلة ديال القلب و الأجهزة الي كتكون ضايرة بالمريض ... مبانت ليها حتى حاجة من هادشي ...
الطبيب : " هاز ضوسي فيدو " ممكن تقربي
قربات بخطوات بطيئة و عنيها على مها ... وقفات جنب لبياص ...
الطبيب : الأم ديالك جاتها إصابة فالراس مما أدت لنزيف فالدماغ ... بعدما تضربات بثواني توفات فمكان الحادث ... " بتأسف " عارف صعيب عليك تستوعي الخبر مي خاصك تكوني قوية ... البراكة فراسك
و هو كيتكلم كانت كتشوف غير فوجه مها ... كتذكر حديثهم هاد الصباح ... فاش عنقاتها بالزربة و خرجات غير مدركة أنها غتكون آخر مرة تعنق فيها مها ... و تحس بدفئ صدرها الي كيعطيها القوة تواجه أي حاجة ... كتذكر الابتسامة ديالها و هي كتشقا فرحانة بمجيء نسيبها لعندهم ... و تذكرت آخر كلمات سمعات منها ... معقول هاديك آخر مرة تسمع صوتها ...
حركات راسها رافضة شنو سمعات من الطبيب ... تدفقو دموعها هابطين بغزارة ... دوزات يدها ماسحاهم بالنطير ... دارت و تمشات قاصدة الباب ... وقف رئبال فطريقها ... هزات عنيها الحمرين فيه ...
جولان : حيد من قدامي
رئبال : فين غادية ؟
جولان : غنمشي نشوف طبيب آخر يجي يفحص ماما ... هذا غير كيخرف معاااارف والووو ... " نعتات ليه بيدها جهتها " شووووف شوف فيهاااا ... واش كتباااان ليك نتا ميتة ... " كينزلو دموعها و كتمسحهم دغيا " يمكن تكووون دخلات فغيبوبة و من بعد غتفيييق ... شحال من مرة وقع خطأ طبي ... ماما ماماتتش ... ممكن تحيد من طريقي
رئبال : " حط يدو على كتفها " جولان ... ماماك ما
جولان : " ضربات ليه يدو " لااا لااااا ... متقولهاااااش ... شحال من مرة خاااااص نسمعهاااااا ... ماماااا مامتتش باااقة حية " مشات كتجري عندها و هزات يدها " هانتا قيس يدها كيفاش دافية ... واااش شي واحد ميت يدو كتكون دافية
زير على قبضة يدو و قرب عندها ... حط يدو على يدها و طراف صباعو لمسو يد حفيضة الي باااردة ... شد فيديها بجوج و هبط راسو عندها كيشوف فعنيها ...
رئبال : " عنيه مغرغرين " ماماك ماتت ... أسرع ماتقبلتيها كان أحسن ... باش تقدري تودعيها
جولان : الي كنتي غتعاود نفس الهضرة ... من الأحسن تخرج ... أنا مامحتجاش مساعدتك
رئبال : " حركها بيديه " جولااااان مك ماااااتت
جولان : " بغضب " بعد منيييي ... علااااااش كتقولهاااا حتي نتاااا ... كنكرهككككك ... خرررررج من هناااااا ... " كدوز يدها على عنيها " ااااااعععععع علااااااش كيهبطووو علاااااش " ضارت و تحنات عند مها " ماما فيقي عفاك " كضرب على خدها بشوية و كتهضر بصوت خافت " ماما حلي عنيك و شوفي فيا ... عفااك حلي عنيك و كذبيهم ... ماما أنا عندي غير نتيااا ... لا باغة تمشي ديني معاك ... مابغيتش نبقى بوحدي ... عفاااك حلي عنيك
حطات راسها على صدر مها و شادة فيدها ... كدخل و تخرج فالهضرة ... رجع رئبال خطوات اللور و هو كيشوف حالتها ... جمع قبضة يدو و ضربها مع الحيط بقوة ...
🌸 يتبع 🌸
أنت تقرأ
السفاح العاشق
Mystery / Thrillerرواية •• السفّاح العاشق •• 🌸 تأليف : موري 💄👑 " بغض النظر عن السبب ، الانتقام يؤدي إلى دورة مستمرة لا تنتهي أبدًا.. يسمم حياة كل من حولك ، و بالقرب منك.. السعي إلى الانتقام يصبح كل ما تريده، ولكن يأتي بثمن باهظ جداً.. " الرواية...
