🔱 السفاح العاشق 🔱
💥 الفصل الثاني : بارت 108 💥
سدات لباب و خرجات ... بانت ليها جولان توجهات لعندها ... شدات فيها و هبطو ... غادرو الشركة و رجعو للدار ... غاديين فالدرب و هي تسمع جولان صوت مألوف نادى بإسمها ... زينب تلفتات بان ليها رجل فالثلاثينيات لابس مونطو كحل ...
يزيد : جولان
جولان تلفتات جهة الصوت ... شاف فيها يزيد و حس بلي شي حاجة ماشي هي هاديك ...
يزيد : جولان هذا انا يزيد
جولان : الظابط يزيد !
يزيد : وي ... مشيت للشركة و عرفت بلي استاقلتي
جولان : آه استاقلت ... كيف كتشوف مع وضعي الحالي ... مابقيتش مؤهلة نبقا فديك الشركة
يزيد : شنو وقع ليك ؟
جولان : " ابتاسمات " درت حادثة
كيشوف فيها يزيد مامركزاش الشوفة ... و من زينب الي شادة فيها قدر يفهم الوضع ... كان باين عليه الإنزعاج منين شاف حالتها و كيف كتكلم ...
هاد الأيام كان مسافر و منين رجع قرر يتلاقى بيها ... حتى عرف بلي استاقلات ... لكن آخر حاجة تخيلها هي تكون فهاد الحالة ...
يزيد : " جبد كارط من جيبو و حطها ليها فيدها " لا احتاجيتي شي حاجة اتاصلي بيا ... و لا بغيتي معامن تهضري ... رغم الطريقة الي تعرفنا بيها ... بغيتك تعتابريني صديق
جولان : شكرا ... خاص نمشيو
يزيد : آه تفضلو
توجهو لبنات للدار و يزيد بقى واقف كيشفو فيهم ... حك على راسو و مشا طلع فسيارتو و هو مزال مامصدق شنو وقع ليها ... وصل للمركز حل باب المكتب دخل و خبطو ... تبعو أحد رجالو دخل من وراه ...
الشرطي : شنو ... مزال مالقتيها ؟
يزيد : " غادي جاي " مشيت لفين كتسكن و تلاقيتها " ضرب المكتب برجلو " فااااااك
الشرطي : صعيب التعامل معها و لا شنو ... حينت هي الوحيدة الي غتكون صلتنا بالشركة
يزيد : وقع ليها حادث و تعمات ... مابقاتش خدامة فالشركة
الشرطي : ناري على زهر مقود ... مبان ليها تعمى حتى محتاجينها
يزيد : " وقف و شاف فيه " عاود شنو قلتي ؟
الشرطي : لا ... زعما عنيت ... أننا كنا محتاجينها تكون داخل الشركة ... لكن دابة مابقا عندها نفع
قرب ليه يزيد بخطوات مسرعة و نزل عليه لوجهو رعفو ...
الشرطي : " شاد ففمو " عارفك معصب حينت فقدنا الخيط منين غنبداو التحقيق ... لكن هاد الدقة لاااش
يزيد : حينت اولد الق*** مكتفهمش ... يسحاب ليك معصب على هادشي
الشرطي : و شنو ؟؟
يزيد : خرج تقاااود حسن ... خررررج
الشرطي : سمحليا شاف ماقصدتش ... غنرجع عندك منين تهدا
🍁🍁🍁؛
تحلات البوابة و دخلو السيارات بجوج ... خرج إلياس دخل لڤيلا ... عاد هبط سنمار و ضار حل لباب و هي تنزل سمارا ... لابسة چيب قصيرة گرونة مع طوپ بيض و صندالة عالية ... شدات فدراع سنمار و دخلو ...
كيف وصلو للصالة بانت ليهم الطبلة عامرة مأكولات و لا حبيبة باقة كتحط هي و الخدامة ... سلمو عليها و چلسو مجموعين ... شافت سمارا بلي مكاينش و هي تسول ...
سمارا : فين هو رئبال ؟
لاحبيبة : لفوق فبيتو ... شوية و ينزل
سمارا : أنطلع نعيط عليه ... فيا لموت ديال الجوع
كحزات الكرسي و وقفات ... توجهات لدروج و سنمار متبعها بعنيه ... طلعات سمارا وصلات لغرفة رئبال ... يالاه بغات دق و هي تجمع يدها ... ابتاسمات حلات لباب و دخلات كتقلب عليه بعنيها ...
وقفات وسط الغرفة كتستنشق ريحتو الي مالية لبيت ... شافت جهة السرير كان مرتب و كل حاجة فمكانها ... عارفة هوسو بالنظافة و كيكره الفوضى ... و أعدى حاجة عندو الي يلمس ليه أغراضو ... مشات لجهة الدريسينغ ... دخلات كتشوف فالرفوف فين معلقين حوايجو ...
كانو الألوان الداكنة غالبة عليهم ... شافت واحد لباب مسدود و عكس لاخرين شفافين ... هذا كان لونو غامق مكيبينش شنو الي لداخل ... مدات يدها بغات تحلو و هي تقفز من صوتو ...
رئبال : آش كديري ؟
ضارت كتشوف فيه واقف لاوي على نصو فوطة كحلا ... شعرو طايح على عنيه فازگ كيقطر ...
بلاما تحس عظات على شفتها و تبسمات ...
سمارا : بالصحة
رئبال : شنو كديري هنا ؟
سمارا : كلشي كيتسناك ... راه حطو لعشا
رئبال : نزلي هاني جاي
سمارا : أوكي
تمات خارجة و عنيها عليه ... كتشوف فيه كينشف شعرو بفوطة آخرى ... هبطات لتحت و چلسات فبلاصتها ... بعد دقائق هبط رئبال لابس سروال و هودي فلكحل ... چلس و باشرو فالأكل ...
إلياس : آه رئبال ... كيف بقات جولان ... بغيت نمشي نشوفها و ماعرفتش فين كتسكن
سمارا : " بسخرية " الصراحة تصدمت فاش عرفت بلي ولات عمية ... مسكينة بقات فيا ... شكون توقع يطرا ل
رئبال : " تلفت شاف فيها و هي تجمع "
سنمار : ديك البنت ضريفة ... متستاهلش داكشي الي وقع ليها ... كن غير درنا شي حاجة نعاونوها
إلياس : شنو بان ليكم نعطيوها شوية ديال لفلوس
رئبال : " بنبرة حادة " بانت ليك كتسعى حدا الجامع و باغي تصدق عليها
إلياس : أنا عنيت غير نساعدوها
رئبال : ديها فراسك متساعدها ماطرف بيها
إلياس : مالك فينما نجبدها تهجم عليا ... ماعرفتك واش كتكرها و لا كتعجبك
كلشي شاف فإلياس بصدمة و ضارو شافو فرئبال ...
🌸 يتبع 🌸
أنت تقرأ
السفاح العاشق
Mystery / Thrillerرواية •• السفّاح العاشق •• 🌸 تأليف : موري 💄👑 " بغض النظر عن السبب ، الانتقام يؤدي إلى دورة مستمرة لا تنتهي أبدًا.. يسمم حياة كل من حولك ، و بالقرب منك.. السعي إلى الانتقام يصبح كل ما تريده، ولكن يأتي بثمن باهظ جداً.. " الرواية...
