☠ السفاح العاشق ☠
🔥 بارت 98 🔥
سنمار : و لحمار الي ولدك لاش جابدني أنا ... حتا فاش كنت كنطير مكنديرش داكشي الي كدير ... و نهار خطبت قلبت على چنس النسا
إلياس : حينت نتا بارد و رئبال قاليك ماعرفتي والو
سنمار : " ضحك بالجهد " منين كيغبر هاد الأخ ... فخبارك فين كيمشي
إلياس : كيدير اليوغا فجبل تبقال ههه
سنمار : هههه كيزهى على طريقتو ... غير هو مكيجيش يبلبل شنو دار و معامن ... محال واش حتا كيعقل على أساميهم
إلياس : شفتو مرة مع واحد الأوكرانية ههه ... راه عارفين مچالسش بلاش ... و لكن امتا كيقضي الغرض الله أعلم
رئبال : شنو بان ليك المرة الجاية نديك معيا تفرج
إلياس : لا شكرا ... من هادشي كولو بغيت شي حاجة جديدة ... عييت من نفس الصنف " سكت شوية و شاف فرئبال " المساعدة ديالك غتحضر
رئبال : " خنزر فيه " قرب ليها نشلضو ليك
إلياس : " حط يدو على حجرو " ضحكك باسل
رئبال : " بنبرة جدية " مكنضحكش
إلياس : شنو تماك ... علاش هادشي كولو ... شنو قصتك معها ؟
سنمار : تغدا و نوض تقاود ... زيد هبش غيقلب على جدمك هاد الطبلة
إلياس : بغيت نشوفو معصب غير مرة وحدة ... هادي أمنيتي هههه
كملو غداهم طلعو فسياراتهم و كلا رجع لدارو باش يستاعد للحفلة ... رئبال مر على المنزل الي فالغابة ... حل لباب و طلع ... كان غيحل باب غرفتو و هو يضور حل لمكتب و دخل ... تمشا بخطوات بطيئة ناحية الخزانة ... ظغط على لكتاب حتا تحيدات اللوحة ... بان ليه جابر چالس فوق المكتب الصغير الي وسط الغرفة و كيقرا فكتاب ...
دار شاف فرئبال واقف و هو ينوض قرب ...
جابر : ممولفاش ليك تجي فهاد الوقيتة
رئبال : منين كنشوفك هاكة كنرتاح ... كملتي داك الكتاب ؟
جابر : " قابل لكتاب مع رئبال " كنتمنى ذوقك ميكونش سيء فالنسا و حوايج أخرى بحال ذوقك فالكتب
رئبال : أحسن حاجة نسمع هي أن أذواقنا مختلفة
جابر : مزال مقررتي شنو غدير
رئبال : مزال الحال ... يالاه دوزنا 5 سنوات
جابر : كيفاش قادر تعيش حياتك بهاد الطريقة ... واش الناس الي ضايرين بيك عارفين آشمن وحش وسطهم
رئبال : " ابتاسم بجنب شفايفو " باغي تستافزتي باش نقتلك ... لا ماشي بهاد السهولة
جابر : عند بالك فاش كتقتل شي حد و كتقيد أسماءهم و تستفهم تماك كنحس بشي حاجة ... راك غالط ... هادشي كولو على عاتقك نتا ... نتا الي كتقتل بدون رحمة ... نتا المذنب ... حياتك المثيرة للشفقة ماعندي علاقة بيها ... الي بغيت نعرف هو علاش متردد تقتلني ... متقولش ليا حينت كتشوفني على أساس باك
جمع رئبال لكمة يدو و ضرب الزاجة الي كتفصل بيناتهم ... و لأن الزاج من النوع المضاد لحتا الرصاص موقع ليه والو ... بقا حاط يدو على الزاجة و كيشوف فجابر و عنيه مطرطقين فيهم عروق حمرين ... جابر رجع خطوة اللور لانو بالفعل خاف من ردة لفعل الي دار رئبال ...
يمكن تمادى هاد المرة فاستفزازو ... و لكان شي جانب خبيث فرئبال فهو فيقو بكلامو فهاد اللحظة ... حيد رئبال قبظة يدو الي رجعات حمرا ... بدون ميتحرك ظغط على زر جنب الخزانة ... بدا كيخرج دخان خفيف من نافذة صغيرة فالغرفة ... شاف جابر جهتها و عرف شنو غيوقع ... چلس فطرف السرير و بعد لحظات طاح فاقد الوعي ...
ظغط رئبال زر آخر و هي تحل الزاجة ... حط رجلو داخل الغرفة و دخل ... قرب جهة جابر و وقف كيشوف فيه ... مد يدو هز الكتاب الي مليوح فلرض ... زير عليه و خرج ... سد كلشي و خرج من المكتب ... دخل لغرفتو و اتاجه مباشرة للدوش ...
حيد حوايجو و خدم الرشاشة ... وقف تحتها و الما نازل مع ظهرو العريض ... صدرو كتوسطو وشمة كبيرة و دراعو حتا هي عامرة وشام ... غسل شعرو الأسود و رجعو اللور ... حل عنيه الزرقين و هز الفوطة لواها على خصرو ... خرج من الحمام و توجه للدريسينغ ...
لبس لبوكسر و تبعو سروال أسود بحزام جلد بني ... لبس تريكو بكول طالع فنفس اللون ... و دار من فوقو ڤيست ... خرج كيقاد ساعتو اليدوية الثمينة ... مشط شعرو اللور و رش عطرو الرجولي المميز ... هز الفون و الكونطاكت و هبط ...
🌸🌸🌸؛
فجناح الأوطيل المقامة فيه الحفلة ... چالسة سمارا قدام المرايا الي جوانبها ذهبية ... جوج مساعدات كيجهزوها ... وحدة كتقاد ليها شعرها و لاخرى خدامة ليها فوجها ... بعدما كملو ليها هزات فستانها الي كان مسرح فوق الناموسية ... لبساتو و تقابلات مع لمراية ...
كان فستان فالأسود بقماش فيه لبريو ... بسميطات رقاق كاشف نصف صدرها و نازل لاصق على جسدها الممشوق حتال لتحت ... فيه فتحة جانبية فالجهة ليسرى طالعة حتال لآخر فخضها ... كاشفة ساقها الطويلة ... لبسات معاه كعب عالي فالأحمر و هزات بوشيطة سوداء ...
تكلمات إحدى المساعدات و هي كتشوف فيها ...
المساعدة : جيتي كتحمقي ... الرجال فالحفل غطيري ليهم العقل
سمارا : خاص نبان زوينة فعنيه هو ... أما باقي الرجال مكيهمونيش
🍁 يتبع 🍁
أنت تقرأ
السفاح العاشق
Mystery / Thrillerرواية •• السفّاح العاشق •• 🌸 تأليف : موري 💄👑 " بغض النظر عن السبب ، الانتقام يؤدي إلى دورة مستمرة لا تنتهي أبدًا.. يسمم حياة كل من حولك ، و بالقرب منك.. السعي إلى الانتقام يصبح كل ما تريده، ولكن يأتي بثمن باهظ جداً.. " الرواية...
