☠ السفاح العاشق ☠
🔥 بارت 14 🔥
مع هبطات رباب يدها دفعها جابر ... و جات الضربة فكتف ياسمين الي غوتات بالجهد ... جر جابر بعدها على ياسمين و ضرب ليها يدها حتا طلقات الزاجة ... دورها عندو و نزل عليها بصقلة لوجه حتا طاحت ... شاف فياسمين كتوجع فوق الناموسية ... مشا عندها طل على كتفها بان ليه غادي بالدم ...
على شوية كانت غتضرب ليها الوريد و تنحرها ... هز التيشورت ديالو حطو ليها على الجرحة و ورك ... ضار شاف فرباب بنضرة مرعبة و وجهو حمررر ...
جابر : نوضي تگعدي خرجي من هنا ... سيري للدار حتا نجي " شافها متحركاتش " نوضيييي
قفزات رباب و ناضت كلها كترجف ... شافت فيه كيف شاد فكتف لاخرى و كيقول ليها سيري ... هبطو دموعها بسرعة و دارت غادة لباب ... طالقة يدها الي كتنزف و الدم كيقطر فلرض ... لكن هي محاسة بوالو من هادشي ... من غير قلبها الي تمزق ببطء لقطع لا تعد و لا تحصى ...
و هي نازلة فالدرج شافت الخدامة واقفة شادة فراسها ... دازت من حداها بدون ماتكلم ... لاخرى كانت تبعاها تشدها ... لكن كيف سمعات صوت جابر كيعيط خلاتها و طلعات ...
خرجات من الڤيلا و بقات غادة جنب الطريق ... الليل و حس بنادم مكاينش فقط بعض السيارات الي كيمرو من حداها ... غادة حادرة راسها و كتشوف فلرض ... دموعها ملاقين عند ذقنها و شعرها طايح على وجها ... ضربات مسافة طويلة على رجليها ... و من حسن حظها ماتصادفات مع شي قطاطعية ...
أخيرا وصلات لوسط المدينة ... كيف تفكرات ولدها هرعات لجهة الشانطي و بدات تشير لطاكسيات ... وقف ليها واحد ركبات و قالت ليه المكان ... كيف وصلو بغات تجبد لفلوس من جيبها و هي تلمح يدها الي كلها دم ...
دارت لاخرى و هزات لفلوس مداتهم للسائق ... خرجات و توجهات لمنزل الجارة ... بدات كدق حتا حلات عليها المرا ...
الجارة : جيتي ابنتي ... ولدك بحرا نعس
رباب : غير جيبيه ليا اخالتي
الجارة : " كتشوف فوجها " ياك شي باس مكاين ... واش واقعة معاك شي حاجة ؟
رباب : عفاك اخالتي جيبي ليا ولدي
الجارة : واخة " لمحات يدها الي كلها دم " اويلي ... مالكي فيدك " شداتها كتقلب فيها " شكووون دار فيك هاد الحالة ؟
رباب : " نطراتها " حتا حد غير طحت ... جيبي ليا إيليا
الجارة : كيفاش طحتي ... كتفلاي عليا و لا شنو ... شوف كيف غارقة الجرحة باينة المضا هادا ... واش ابنتي تعرض ليك شي حد ... فيناهوا راجلك
رباب : " بنفاذ صبر " بغييييت ولدييي ... جيبيه ليااااا
الجارة تصدمات من رد فعلها ... عمرها رفعات عليها صوتها و لا قللات عليها الإحترام ... ديما كتشوفها ديك البنت المربية الهادئة ... لكن اليوم شافت فيها شخص آخر الي واقف قدامها ... ماشي رباب نفسها الي ساكنة جنبها ...
دخلات الجارة هزات إيليا و خرجاتو لرباب ... عطاتو ليها و بقات كتشوف فيها كيف مرفوعة ... حتا أنها مكتشوفش فيها فعنيها ... بحال الى غير الجثة الي حاضرة ...
كيف شدات رباب إيليا ضارت بلا كلمة بلا جوج ... حلات باب الدار دخلات و مشات حطاتو فوق الناموسية ... لمحات الدم فحوايجو و هي تفكر يدها ... مشات لكوزينة طلقات عليها الما ... شافت فالجرح العميق بدون مبالات ... و توجهات لبيت خدات زيف و لواتو على يدها باش يتوقف النزيف ... جلسات فلرض جنب السرير متكيا على الكادر كتشوف فنقطة وحدة ...
و المشهد الي شافت فاش حلات عليهم لباب كيتعاود قدام عنيها بكل تفاصيلو ... زيرات على يدها باغة تحس بالألم لعلا و عسى امشي داكشي من قدام عنيها ... الزيف عمر دم و هي مزال مزيرة ... بقات لساعات و هي چالسة على نفس الوضعية ...
قرب يصبح الحال تحل لباب و دخل جابر ... سد لباب بالجهد و دخل بخطوات مسرعة لبيت ... بانت ليه جالسة فلرض ... مشا ليها و هزها من الكول قابلها معاه ...
جابر : " بنبرة غضب " عرفتييييي شنوووو درتي ... واش تسطيتي و لاااا شنووو ... آش الي جااابك تممم ياك انا قلت لييييك ماتخرجيش من دارك
رباب : " شافت فيه بعنيها منفوخين و حمرين " تزوجتي بيها ؟
جابر : آاااه تزوجت بيهااااا و ولااات مراااتي
🍁 يتبع 🍁
أنت تقرأ
السفاح العاشق
Mystery / Thrillerرواية •• السفّاح العاشق •• 🌸 تأليف : موري 💄👑 " بغض النظر عن السبب ، الانتقام يؤدي إلى دورة مستمرة لا تنتهي أبدًا.. يسمم حياة كل من حولك ، و بالقرب منك.. السعي إلى الانتقام يصبح كل ما تريده، ولكن يأتي بثمن باهظ جداً.. " الرواية...
