☠ السفاح العاشق ☠
🔥 بارت 55 🔥
كل واحد فيهم كيشوف فالآخر ... الصمت ... فقط كيتبادلو النضرات ... جولان مصدومة من كونو هو المدير ... كيف قال ليها بهاء غدخل عند لمدير ... تلقائيا استنتجات غيكون شخص كبير فالسن ... حتا كتفاجأ بيه غييير الصورة الي تخايلات ...
أما رئبال فكان مركز الشوفة فعنيها ... هادا لقاءهم الثالث لكن أول مرة يشوفو فبعض مباشرة ... هو عارف فين شافها أول مرة ... عكسها هي الي كظن أن هادا هو أول لقاء ليهم ...
حسات بعدم الراحة و بعدات عنيها عليه ... حدرات راسها و مزيرة على الصاك الي بين يديها ... رجعات هزاتو فاش سمعات صوتو ...
رئبال : " بصوت رجولي " چلسي
جولان : شكرا
بعدما چلسات حتا هو جر الكرسي و جلس ... هز الكتاب الي محطوط فوق المكتب و دفعو عندها ...
رئبال : هاد الرواية هي الي هضرتي عليها لبارح ؟
جولان : " شافت فالغلاف " آه هي
رئبال : قلتي للكاتبة بلي ماشي هي الي كتباها
جولان : آه ماشي هي
رئبال : و شكون كتبها ؟
جولان : " بثقة شافت فيه " أناا
رئبال : نتي ؟؟
جولان : آه انا هي الكاتبة
رئبال : و كيفاش وقع حتا ولات بين يدين الكاتبة و خرجات باسمها ؟
جولان : قصة طويلة ... و حتا لا شرحت ليك مغاديش ثيقني
رئبال : جربي ... لكن تذكري أني غنتحقق من كل كلمة قلتيها ... و لا كان ادعائك كذب ... غتندمي علاش حطيتي رجلك فهاد الشركة
جولان : " بلعات ريقها من نبرة صوتو " مكنكذبش ... الرواية عامين هادي باش بديت فكتابتها و.....
بدات جولان كتعاود ليه ... حتا أنها ذكرات السبب وراء كتابتها للرواية و الأشخاص الي ألهموها و قصصهم ... فالأول مكانتش مرتاحة لأنها كتعاود لشخص غريب ... لكن فور مارجعات للذكريات فاش بدات الكتابة و داك الحماس ... تكلمات بثقة ... رئبال كان مراقب كل حركاتها و ملامح وجها إلي كيتغيرو ... و حتا اللمعان الي بان فعنيها ...
الي فجأة تحول لشعلة غضب و هي كتحكي على كيفاش الناس الي كتعرف غدروها ... مافرزاتش شنو نوع العلاقة الي كانت بينها و بين زهير ... فقط ذكرات أنو شخص كتعرفو من لافاك ...و علاقتو الحالية بصديقة طفولتها ...
خلاها كتعاود واخة استغرقات مدة طويلة ... و محاولش يقاطعها ...
جولان : ... و لأن الدليل الوحيد الي كان عندي مشا ... حتا واحد مابغا يثيقني
سالات و بقات مترقبة شنو غيقول ليها ... واش حتا هو غيكذبها و لا غيكون استثناء و يصدق كلامها ...
رئبال : شحال بغيتي ؟
جولان : " شافت فيه و وقفات " أنا مابغيت فلوس ... كنظن غير ضيعت وقتي و وقتك
رئبال : چلسي
هزات صاكها و تمات غادة ناحية لباب ... بغات تحط يدها على لبواني ... و هي تحس بيد شدات فيها و دوراتها ... هزات عنيها فيه و هو واقف قريب ليها ... شافت فلون عنيه و سهات للحظة ...
رئبال : كوني تسمعي لهضرة
جولان : هاا ؟
رئبال : غدا غيجي عندك بهاء ... جي معاه و جيبي معاك لبيسي ديالك ... سمعتي ؟
جولان : " كترمش عنيها بسرعة " شكون بهاء ؟
رئبال : الي جيتي معاه " طلق من يدها " دابة ممكن تمشي
تحل لباب كان داخل سنمار و إلياس و بهاء تابعهم من اللور ...
إلياس : شكون عندو ... گاع هادا اجتماع " شاف فرئبال و جولان واقفين قراب لبعضياتهم " احمم ... سموحات ... واقلة كان علينا ندقو هههه
سنمار : " كيحك فراسو " قاطعنا شي حاجة ؟
جولان شافت فيهم و رجعات شافت فرئبال الي بينها و بينو مسافة صغيرة ... رجعات خطوة اللور و وجها ولى مطيشة ...
بهاء : قلت ليهم مشغول و مكيسمعوش
آلياش : ديك الساع شرح لينا باش نفهمو أكث.. " شاف فيه رئبال و هو يجمع "
رئبال : بهاء ... وصلها لدارهم
بهاء : اوكي موسيو
عنقات جولان صاكها و تمات خارجة ... شافت فرئبال و فالدراري ... تلفات مابقات عرفات فين تشد ... خرجو من المكتب و الدراري تجبدو فوق لي فوطوي ...
سنمار : شكون هادي ؟
إلياس : ماركة جديدة ... بغا يبدل هههه
رئبال : " چلس مقابل معاهم " ماتمشيوش بعيد
إلياس : إنا بعدا مشيت ... أول مرة نشوف وحدة عندك فالمكتب ... و كنتو " قرب يديه عند بعضياتهم " بحال هاكة ... واش خسرنا ليك اللقطة
سنمار : ممكن تسكت ... خليه يهضر ... شكون هاد لبنت ؟
رئبال : ضروري تعرف ؟
سنمار : فهمت
إلياس : فين عمرو عاود لينا على حياتو الشخصية ... موالفين نشوفو نماذج ليلية ... هادي جاتني ماشي من ديك الفئة ... شتي دابة ضرني راسي و بغيت نتعرف عليها
رئبال : دوز جهتها ... ديك الساع غتشوف
إلياس : " تگعد " أواااه ... ههههه بديت نشك شي حاجة تما ... و لكن متخافش ماشي من نوعي " غمزو "
سنمار : " بغا يبدل لموضوع " امتا غادي يبدا التصوير ؟
رئبال : مغاديش يبدا
سنمار : علاش ... أجلتوه ؟؟
رئبال : الفيلم تلغى
🍁 يتبع 🍁
أنت تقرأ
السفاح العاشق
Mystery / Thrillerرواية •• السفّاح العاشق •• 🌸 تأليف : موري 💄👑 " بغض النظر عن السبب ، الانتقام يؤدي إلى دورة مستمرة لا تنتهي أبدًا.. يسمم حياة كل من حولك ، و بالقرب منك.. السعي إلى الانتقام يصبح كل ما تريده، ولكن يأتي بثمن باهظ جداً.. " الرواية...
