☠ السفاح العاشق ☠
🔥 بارت 36 🔥
رئبال : " وقف "
سلوى : " قربات عندو " موسيو العثماني " مدات يدها ليه " أنا موضفة عندك فالشركة
رئبال : " هبط عنيه شاف فيدها و رجع شاف فيها " غادي تعطلي على السيد
سلوى : لا ماشي مشكيل ... بغيت غير نلقي عليك التحية ... ماشي كل نهار غتسنح ليا الفرصة نهضر معاك
رئبال : " كيشوف فيها " شنو تابعك ؟
سلوى : آا ... والو ... كنت مع واحد الصديق و دابة خارجة
رئبال : كيقولو ملهى 'بانيز' كيبغي رفقة
سلوى : " بابتسامة مغرية " شرف ليا
رئبال : ودعي ضيفك ... غتلقايني فالسيارة
مشا رئبال خارج و هي رجعات كتجري عند لاخر ... قالت ليه خاصها تمشي و ميمكنش ليها طلع معاه ... خرجات من الأوطيل كتقلب عليه ... لمحات سيارة سوداء واقفة بعيد على الأوطيل ... تمشات بخطوات مسرعة حتا وصلات لحدا اللوطو ... هبط الزاجة لأنها فيمي و مكيبانش الداخل ...
غير شافتو حلات لباب و طلعات ... ساق رئبال و مانطق بحتا كلمة ... شافت الطريق طويلة و كأنهم خارجين على لمدينة ... توثرات لكن ماقدراتش تكلم ... حتا توقفات السيارة و شافتو هبط ... حلات لباب و هزات راسها كتشوف فالدار ... على حسب معرفتها ماشي هادي هي دارو و ماشي الملهى هادا ... اذن فين جابها ... بغات تسولو و هو يدير ليها بيدو قربي ...
حط يدو من ورا خصرها و طلعو مع الدريجات ... حل لباب و طلعو لفوق ... دفعها لجهة لبيت و هي غير كضور فعنيها ... عرفات شنو غادي يوقع و معندهاش مانع ... نعسات مع لاخر الي غير مجرد موضف ... و هادا المدير بنفسو و من مصلحتها تلبي ليه رغباتو ... ضنات أن أبواب الجنة تفتحو ليها هاد الليلة ... و هي غافلة على شنو كيتسناها ...
حيد رئبال الڤيست لاحها فوق الناموسية ... بدا كيفك ازرار القاميجة و عنيه عليها ... بجرأة قربات ليه ... حطات يديها على صدرو العريض و بدات كتفك باقي الأزرار ... و عنيها غارقين فزرقة عنيه و نضرتهم الغامضة ... حط يدو على خصرها و دفعها جهة السرير ... طاحت فوقو كتفرنس و تأمل صدرو العاري ... هبط عندها حتا غطاها بظلو ...
طلع يديه مع كرشها لصدرها حتا استقرات فعنقها ... و عنيه فعنيها حكم الشدة على رقبتها و زير حتا خرجو عنيها ...
💎 #نهاية_لفلاش_باك 💎
خرج من الما و خدا نفس طويل ... صدرو كيطلع و يهبط و شعرو المبلل طايح على عنيه ... وقف و خدا فوطة لواها على خصرو ... خرج من الدوش و اتاجه للدريسينغ ... لبس حوايجو ... حل الخزنة الي فالدريسينغ و هز بواطة طويلة ... خرج لبالكون جلس فوق الفوطوي متكي اللور ...
بقا كيدور البواطة فيدو عاد فتحها ... جبد نضارات صغار من الطراز القديم و بقا كيتأمل فيهم ...
🍃🍃🍃🍃؛
جالس فأحد الطبالي VIP و مدور بيه جوج بنات ... كاس مشروب فيد و سيجارة فيد أخرى ... عنيه نايمين و حمرين ... صاط الدخان فوجه وحدة فيهم و خشا راسو فعنقها ...
وقف عليهم كيشوف فيه شنو داير ... شار لديك الي شفات فيه و دار ليها نوضي ... تسلات و ناضت فحالها ... إلياس و هو مزال خاشي وجهو فعنق لاخرى ...
إلياس : لاش نوضتيها ؟
سنمار : " جلس متكي على الفوطوي " قول لاخرى تنوض تقااود حتا هيا
إلياس : " ضار عندو " و معامن نلعب أنا ... معاك نتا ؟
سنمار : " خنزر فيه " غنقسم لمك راسك على جوج " وجه هضرتو لبنت " اييه نتي ... نوضي تمرضني فقنت آخر ... شحال كترثو تفووور
ناضت غادرات تبعها إلياس حتا مشات و ضار عندو ...
إلياس : منين مغاديش تقصر ... لاش جاي ... باش تحرمها عليا
سنمار : " خوا ليه كاس " نقصرو انا وياك ... آش بغينا شي قح***
إلياس : عمرك شتي شي قصارة بلا نسا هاا ... بنادم مكيتفهمش ليا ... الخير عطاه الله و نمشي نتعلق بكلبة متستاهلش
سنمار : " زير على لكاس حتا طرطق فيدو "
إلياس : " كيشوف فيه كيف ولى حمر ندم علاش هضر " سمحليااا ماقصدتش نفكرك فيها " حط يدو على كتف سنمار "
سنمار : " حيد ليه يدو و وقف " نوض الزبل نوصلك للدار ... لا تصدق خارج فشي حد عوتاني ... كن غا متي نتا و ميموتش الراجل مسكين الي ماليه ذنب
إلياس : ديك الساع خليوني فالحبس ... لاش خرجتوني نتا وياه آا لاااش !!
بقا كيدخل و يخرج فالهضرة ... جرو سنمار سندو عليه و خرجو من لبواط ... داه لدارو عاد توجه للدار حتا هو ...
🍁 يتبع 🍁
أنت تقرأ
السفاح العاشق
Mystery / Thrillerرواية •• السفّاح العاشق •• 🌸 تأليف : موري 💄👑 " بغض النظر عن السبب ، الانتقام يؤدي إلى دورة مستمرة لا تنتهي أبدًا.. يسمم حياة كل من حولك ، و بالقرب منك.. السعي إلى الانتقام يصبح كل ما تريده، ولكن يأتي بثمن باهظ جداً.. " الرواية...
