الكبيره ٢ بقلم / لولو_محمد

عدنا مين مستني

فى الحمام
نجاه تطلع من الحمام تقف قدام مرايه و تفك الطرحه و مهره بتعدل طرحتها
مهره / باذن الله لما افوز و يجوا يعملوا معايا مداخله هحكى قصه اميره و اخلى الكل يترحم عليها
نجاه / دا لو سبتك تفوزى
مهره / ايوه بقي وريني احلى ما عندك
نجاه تفتح الحنفيه مفيش مايه
مهره / الحوض اللى قدامى فيه مايه انا لسه متوضيه
مهره توسع من قدام الحوض اول ما نجاه تقف السيراميك يتفتح و تقع مهره تحاول تلحقها ما تلحقش الا الطرحه فى ايدها و السيراميك يرجع مكانه و يتقفل و مهره تصرخ و تضرب على السيراميك جابر يدخل يجرى توصله رسايل كتير استغاثه من نجاه
مهره / الارض اتشقت و بلعتها الارض اتشقت و بلعتها
جابر يفضل يحاول يفتح الارض و يقوم يبعد مهره و يضرب الارض بالنار مفيش فايده عمران و صابر يدخلوا جابر قاعد على الارض عمران ماسك الموبايل و متابع اشاره
عمران/ مش هتقدر تفتحها خلينا ورا الاشاره
جابر يطلع موبايله و يطلع يجرى عمران يجرى وراه و صابر مصر يحاول يفتح الارض اكرم يدخل يجرى يحضن مهره
اكرم / حبيبتي انتى بخير
مهره / الارض اتشقت و بلعتها الارض اتشقت و بلعتها
........................
تحت الارض
نجاه تنزل فى انبوب معدنى منحنى طويل تقوم تقف و تستعد و تفضل تتك على السلسله بسرعه بسرعه امايا تظهر لنجاه نجاه تتفزع
امايا / ما تخافيش انا مش جايه ائذيكي
نجاه / انتى !! انتى عايشه بجد !! اميره ... اميره ازاى ... طب
امايا تمسك ايد نجاه و نجاه مش مستوعبه جوزيف يدخل من وراها يحقنها فى رقبتها نجاه ما تلحقش تقاوم امايا ماسكه ايديها
امايا / ما تخافيش ما تخافيش ما حدش هياذيكي ما تخافيش اهدى اهدى انا معاكى
نجاه تفقد الوعى عربيتين صغيرين يدخلوا سايق واحده فيليب و التانيه ماريا امايا و جوزيف يركبوا نجاه واحده منهم ماريا تنزل تجرى تركب جنب فيليب و جوزيف يسوق و امايا تشد السلسله و تركب جنب نجاه و ترمى السلسله من الشباك و العربيات تطير فى ظلام تام بيكسره نور الكشافات الخلفيه للعربيات
......................
فى الحمام
صابر بيحاول يفتح الارض عمران يدخل شايل عتله صابر يحشرها بكل قوته بين السيراميك و يتنى عمران يساعده يفتحوا الباب يكسروه
صابر / خليك مع مهره ما تسيبهمش
صابر ينط ورا نجاه فى  و فجاه يلاقي نفسه فى نفق مضلم يصرخ بعلو صوته
صابر / نجاه !! نجاه انتى فين
صابر يطلع الموبايل يشغل الكشاف و يفتح  تتبع الاشاره و يجرى وراها يلاقي نفسه واقف فى مكان الاشاره و مفيش حد يبص فى الارض يلاقى السلسله
صابر / نجااااااااااه
.............................
فى الشركه
دياب / حول الاشاره لتتبع الحلق بسرعه
منصور / تم و بعتها لموبايلاتهم كلهم
وفاء/ فتحت كل الكاميرات حوالين الاشاره بس بتحرك بحاول اوصل لرقم العربيه اللى هى فيها اتتبعها بس العربيات كتير اوى
دياب / حد دخل لنظام التحكم بتاع اشاره المرور
مهندس ١ / كل العربيات بتتحرك بنفس السرعه
منصور / الدرونز اتحركت و هوقف المنطقه كلها ثوانى بس
وفاء / اوعى لتاذيها
دياب / اقتلها و لا ياخدوهاش
وفاء تبص لدياب الغضب باين عليه و شغال بكل طاقته الخوف يملا وشها تبص فى الشاشه تلاقى كل عربيه مشيت اى اتجاه و كل مفترق العربيات تتفرق اكتر
منصور / الاشاره وقفت و مفيش ولا عربيه  فى المكان
دياب / قلعوها الحلق كمان
شلل فى المكان و تبادل نظرات ياس وفاء تقوم تجرى تزق منصور و تشد جهاز تحكم الدرون منه
وفاء / ورا العربيات كلها كل واحد يمسك واحده ما تسيبوهمش
منصور و دياب و كل المهندسين يطلعوا اجهزه التحكم
منصور / كل درون مع نفسه يستلم عربيه لو مش هتحصلها فجرها
الكل يشتغل وفاء بتقرا قران فى سرها و الرعب باين عليها
............................
فى الشارع
جابر بيجرى و وراه رجاله كتير يشوف الحلق فى الارض و هدوم نجاه متنطوره يفضل يجرى يلم فيها و هو بينهار و يصرخ
جابر / نجااااه نجااااااه
عربيات تدخل بسرعه تفرمل جابر يركب و يطيروا
راجل ١ / هو عمران و صابر فين
جابر يحط اير بيس فى ودانه
جابر / راحوا فين ... يعني ايه مش عارف انهى عربيه يعنى ايه ... قولهم يتفرقوا ورا الدرونز
راجل ٢ / بس كدا هيصطادونا بسهوله
جابر / ما نولع نجاه معاهم يا متخلف ... اشتغل من عندك يا دياب العربيات كلها على الجى بى اس وجهم من عندك... اسرع شويه دوس بنزين ... كنت سقت انا كنت سقت ... احود يمين
راجل ١ / الجى بى اس طوالى
راجل ٢ / اكيد فى عربيه تانيه مننا هتحود
جابر / لعبوها صح ولاد الكلب لعبوها صح اوى
جابر يبص ورا يشوف عربيه تبعه بتحود يمين يمد ايده تحت الكرسي و يطلع مسدس و يتاكد ان الخزنه مليانه
جابر / بقولك اسرع اسرع
...........................
فى الحمام
مهره واقفه تعيط و اكرم حاضنها و بيطبطب عليها و عمران واقف مع رجاله امن و شرطه صابر يدخل و عينه فى الارض عمران يبصله صابر يهز راسه لا عمران يبص فى الارض مهره تجرى على صابر
مهره / لحقتها ؟ و فين جابر ما رجعش ليه هو كمان
صابر ساكت و باصص فى الارض
مهره / انا كنت واقفه مكانها بالظبط انا كنت واقفه فوق الحفره و وسعتلها تتوضي عشان الحنفيه التانيه كانت بايظه
صابر يطلع يقف بره مهره تيجي تروح وراه
اكرم / مهره تعالى هنا جنبى
مهره تروحله
مهره / نجاه هترجع مش كدا
اكرم / باذن الله يا حبيبتي باذن الله
مهره تعيط اكرم ياخدها فى حضنه عمران متابع و الحزن و الخوف ماليه
........................
فى الكليه عند ناصر
ناصر سايق و بيتكلم فى التليفون
ناصر / يعني ايه ارجع البلد دا بدل ما تقولى اطلع على تركيا
مختار / تطلع على المطار و تركب اول طياره و تيجي على البلد احنا محتاجين كل الرجاله هنا
ناصر / و نجاه ؟؟
مختار / الرجاله اللى هناك كفايا
ناصر / ما اتخطفت من وسطهم هم فلحوا يعني
مختار / و عشان نضمن ان ما حدش تانى يروح هترجع تحمى باقي الحريم مش عاوز نقاش
ناصر يقفل السكه و يعصر الدركسيون بغل و يكمل سواقه
.........................
فى اوضه من غير شبابيك و فيها كاميرتين فى السقف و سرير عمدان
جوزيف يدخل يحط نجاه على السرير لابسه فستان قصير احمر امايا تغطيها جوزيف يربط ايد من ايديها بكلبش فى عمود سرير بابلو يدخل و يبصلها و يبتسم و جوزيف بيجهز كاميره
امايا / انت بتعمل ايه هنا اطلع بره
بابلو / بتاكد انك ما نسيتيش حاجه
امايا تزقه
امايا / اطلع بره دا مش مكانك
بابلو / انا اللى هتصور جنبها
امايا / ما حدش هيدخل هنا و لا يلمسها فاهمين
فيليب يدخل
فيليب/ بس دى الخطه هنبعت الصور لأهلها هتتصور فى حضنك يعني
امايا تطلع سكنتين صغيرين و تلفهم بين صوابعها
امايا / اللى مستغنى عن عمره يلمس السرير ده مش هتردد ثانيه و اللى يحصل يحصل
بابلو / دا احنا اتقدمنا اوى
امايا تحدف واحده تعدى من جنب وش بابلو بالظبط ما يلحقش يفاديها ترشق فى الحيطه
بابلو / انتى اتجننتى
امايا / فوق ما تتخيل
جوزيف / خلاص ... الخطه لسه ما انتهتش كل واحد عارف هيعمل ايه و خلوا ماريا ترجع النادى تتاكد اننا ما سبناش ورانا اى اثر و تتابع اللى بيحصل ... امايا اللى هتصور و انا اللى هتصور معاها
بابلو / كنت فاكر ان وشك مهم لانه لسه ما اتحرقش
جوزيف / شخصيه بلال دورها ما انتهاش ممكن نحتاجها خليك بعيد المرادى ... هبقي اعوضك بحاجه احلى
بابلو / قال يعني واقف عليك
بابلو يمشي
جوزيف / خليك معاه و اتاكد انه مش هيضيع تعبنا فى لحظه هبل
فيليب يهز راسه و يمشي جوزيف متابعهم 
جوزيف / انتى عارفه الخطه
امايا / ما قدرتش ... كانت خايفه اوى
جوزيف / ركزى فى الخطه لو عوزاها تعيش
امايا تروح تمسك الكاميره و جوزيف يقفل الباب
...........................
فى سرايا الجوارحه
اتوبيس يقف و ينزل منه عيال و بنات يجروا كلهم على جوه السرايا ماجده تطلع تجرى تقابل مغاورى
ماجده / اللى سمعناه ده حقيقي يا مغاورى
مغاورى / اهدى يا ماجده دى اجراءات امان مش اكتر
ماجده / انا بتكلم عن نجاه ... نجاه اتخطفت منهم هناك
مغاورى/ قولتلك اهدى .. ان شاء الله هترجع سليمه ... فى جيش بحاله هناك بيدور عليها
ماجده / و كان فين الجيش ده لما راحت
مغاورى/ ما اعرفش ما اعرفش ما اعرفش انا مش ناقص
مغاورى يروح يركب عربيته و يبص للغفير
مغاورى / باب السرايا يتقفل و مفيش حرمه و لا عيل يطلع الجنينه حتى
غفير ١ / امرك يا كبير
مغاورى يسوق العربيه و يمشي و ماجده واقفه مصدومه بتابع الغفر يدخلوا العيال
غفير ٢ / يلا يا ام دياب على جوه و اقفلوا الباب عليكم من جوه
ماجده تبص فى الارض و تهز راسها و تدخل و تقفل الباب و الستات فوق بيقفلوا الشبابيك
............................
فى سرايا الزنايته
شاكر بينزل العيال و البنات من الاوتوبيس يدخلوا السرايا يجروا مختار واقف جنب خديجه منهاره على كرسي
خديجه / زنيتي زنيتي و مشيتي كلامك سافرتى و مثلتى مصر يا بنت الجزمه ... ماشي ماشي يا نجاه ماشي دا انا ... دا انا هنتف راسك دا انا مش هسيب فيكى حته سليمه ... ماشي يا نجاه ماشي... توجعى قلبي كدا تقهريني كدا ... يا رب ... يا رب ما ليش غيرك يا رب
هند / اهدى يا خديجه ان شاء الله هترجع
خديجه / خدوا البت يا نجاه خدوا البت اللى حلتى يا نجاه ... البت اللى بتطير و تنط و تتشقلب راحت فى ثوانى امال كل التمرين ده لزمته ايه ... تتخطف كدا ... تروح كدا ... جابر فين صابر فين همام و عمران و الرجاله كلهم فين... راحوا فين
احلام تدخل مختار ياخدها فى جنب
احلام / انا اتصلت ببدر و اعتزرتله قال انه جاى برده عشان يقف معانا لو احتاجنا حاجه
مختار / يانس و ينور اطمنى على العيال و شوفى لو فى اى حاجه ناقصه فى الخزين الرجاله تجيبها ما حدش عارف اللى احنا فيه هيخلص امتى او ازاى
احلام/ حاضر يا خالى
احلام تروح المطبخ هند تروح لمختار
هند / كلم عبد الله خليه يجيب حقنه مهدئه الست هتموت مننا
مختار يهز راسه و التعب و الكسره باينه عليه
هند / هترجع باذن الله هترجع ما تخافش ... نجاه مش ضعيفه مش هتروح بالساهل ما تخافش
مختار / خليكي مع خديجه هطلع اتاكد ان الرجاله فى اماكنهم
هند تهز راسها مختار يطلع بره
..........................
فى الشركه
الكل شغال و فى تبادل نظرات ياس و عباده واقف بيبص من شباك توصله رساله
دياب/ ما تفتحهاش استنى هعملها اسكان ممكن تكون فايرس
منصور / اختها وصلت لجابر
عباده يبصلهم و يفضل باصص للموبايل فى ايده
دياب / امان ... هتتبع المكان اللى جايه منه
عباده يفتحها يلاقيها ملف فيديو على وش نجاه بشعرها نايمه على صدر جوزيف و صوت جوزيف واضح عباده يتهز منصور يقوم يجرى يقعده على اقرب كرسي عباده ماسك فى الموبايل بكل طاقته 
جوزيف / هى بخير ما تقلقش ... اشبع منها عشان دى اخر مره تشوفها فيها ... بس اوعدك انى هبقي ابعتلك صوره لابننا اللى جاى ... قول لحبايبك ما يتعبوش نفسهم مش هيوصلوا لحاجه او هتشحطتوا نفسكوا اكتر على الفاضي... الموضوع انتهى انا اخدت اللى انا عاوزه خلاص جايم اوفر ... بس انا ممكن ابقي كريم معاكوا و ارجع نجاه لحضن امها تانى ... عرض مغرى صح بس اكيد مفيش حاجه ببلاش ... عباده و جابر فى خلال ساعه واحده يموتوا ... اسحب سلاحك و اضرب طلقه فى دماغك بس كدا منتهى البساطه ... خلصنا من جابر و عباده تليفون عمران هيرن باللوكايشن اللى فيه نجاه يقدر يروح ياخدها بالسلامه على البيت ... ساعه واحده و نجاه هتفوق يا تفوق تلاقى عمران يا تفوق تلاقي نفسها فى حضنى القرار قرارك يا عباده ... القرار بايدك يا جابر ... و اكيد مسموح الاستعانه بصديق
جوزيف يغطى وش نجاه بشعرها الفيديو ينتهى الموبايل يقع من ايد عباده منصور يبص لدياب دياب يهز راسه لا منصور يبص فى الارض و يسند على كرسي عباده اللى فى دنيا تانيه راسه تميل و لسه هيقع منصور يلحقه و دياب يقوم يعدله عباده فاقد الوعى
....................
فى تركيا
شرطه و صحابه ماليه النادى و عمران و صابر قاعدين باصين فى الارض مهره و اكرم يدخلوا كل واحد فى ايده كبايه شاى
مهره / باذن الله هترجع ... اتفضلوا
اكرم / جابر ما رجعش لحد دلوقت انا بدات اقلق عليه هو كمان
مهره / طب حد كلمه ؟ ليكون جراله حاجه ... انتوا ساكتين ليه
عمران / المفروض نقول ايه يعني
اكرم / بيقولوا ان فى شركه اجنبيه جددت الاستاد الفتره اللى فاتت و هيحققوا معاهم بخصوص النفق العامله اللى بتنضف بتقول ان ما فيش اى حاجه غريبه فى الحمام من يوم التجديد و انها بتنضف الحمام و تمسح الارض بشكل مكثف و عمرها ما اخدت بالها ان فى نفق تحت رجليها
صمت
مهره / لو طلبوا فيديه احنا مش هنسيبكوا ... مش كدا؟
اكرم / طبعا طبعا احنا اهل
صابر يقوم و هو بيبرطم
صابر / يا ريتها تيجي على قد فديه
مهره / ان شاء الله هترجع
عمران يبصلها و يبص فى موبايله و يتنهد
......................
فى شقه فى منطقه فاضيه
جابر مربوط فى كرسي و فى راجل واقف قدامه
الراجل / انا مالى انا مالى مش سمعت سي مختار
جابر / يعني هتقف تتفرج عليا لحد ما الساعه تخلص و الله ما هرحمك و الله ما هعتقك فكنى بقولك فكنى يا ابن الكلب
الراجل / لو كان موتك هيرجعها بصحيح كنت قتلتك بس مش هيرجعوها دول كفره ولاد كلب ما لهمش كلمه
جابر / تمام فكنى فكنى ادور عليها
الراجل / الرجاله قالبه البلد حته حته و الحكومه و كل الناس بتدور عليها
جابر / هو عاوزنى انا يا متخلف فكنى
الراجل / لما سي مختار يؤمر
جابر يفضل يحاول يفرك و يفك نفسه مش عارف يصرخ فى الراجل
.......................
فى المستشفي 
عباده نايم فى سرير و لابس ماسك اكسجين و متوصل بجهاز مراقبه القلب و مختار واقف جنبه
مختار / اجمد هى محتاجلك واقف اجمد مش بالسهوله دى اجمد
مفيش غير صوت الجهاز بيب .. بيب ..بيب
دياب يفتح الباب فجاه مختار يرفع المسدس يشوف دياب ينزله
دياب / فاضل دقيقتين
مختار / و جابر
دياب / زى ما امرت مربوط و عليه حراسه
مختار / صابر و عمران ؟
دياب/ لسه التحقيق شغال فى النادى
مختار / يعمل اللى يعمله مش هياخد مننا حد تانى 
دياب / هى نجاه
مختار يبص لدياب يسكت فجاه صوت انفجار شديد و الدنيا تترج مختار يسند على سرير عباده و يجرى يبص من الشباك يلاقى درونز كتير طايره مختار 
مختار / منصور فين
دياب / فى الشركه هروحله
دياب يجرى مختار يبص على عباده و يطلع يجرى ورا دياب
.............................
فى اول البلد
الناس بتجرى تحاول تهرب من الدرونز طايره و فجاه تنزل تهاجم الناس و تنفجر بينهم تنطرهم بعيد و الغفر بيحاولوا يدخلوا الناس البيوت محمد يطلع على سطح بيت و يصطاد الدرونز فى السما برشاش درون يهجم من ورا يخبطه يفقد توازنه يقع من على السطح على تنده تخفق من سقوطه الدرون ينزل بكل سرعته ناحيه محمد و فجاه ينفجر فى السما محمد يغطى وشه يلاقي شاكر فوقيه بيقومه من الارض و يزقه جوا مدخل و محمد مش قادر يقف على رجله
شاكر / خليك هنا
محمد / انا اقدر اساعد
شاكر / خليك ...هنا
شاكر يطلع يجرى يساعد باقي الناس محمد ما يسمعش الكلام و يطلع وراه
..........................
فى اسكندريه
لنشات جايه  بسرعه فى البحر رايحه ناحيه سرايا زنايته بحرى و درونز كتير سبقاهم راجل على السطح بيراقب يشوفهم يجرى و هو بيصرخ للناحيه التانيه
الراجل / هجوم غاره غاره جايين من البحر دخلوا الحريم و العيال اللحقوا الحريم و العيال
الدرون يخبط فى الراجل و ينفجر فيه و العيال و البنات بيجروا يدخلوا جوه شافعى يطلع من السرايا معاه رشاش و يصطادهم و الرجاله تتجمع راجل يطلع من جوه هو و زياد زياد يقعد فى مكان مدارى و الراجل يفتح صندوق ضخم درونز كتير تطير و تبدا تهاجم مع الزنايته و تفجر الدرونز فى الهوا اللنشات توصل و ينزل منها رجاله لابسين اسود و ملثمين يجروا ناحيه السرايا و يشتبكوا مع رجاله الزنايته و يقع رجاله من الناحيتين
...........................
على اول البلد
عربيات نقل تدخل بسرعه ورا بعض ورا بعض محمله رجاله العربيات بتجرى بسرعه و الرجاله بتنط منها و تضرب فى الناس امين يدخل فيهم بعربيته المصفحه يشيلهم زى البولينج و يدخل يجرى وراه فارس و كارم ماسكين رشاشات و بيصطادوا اى حد من الرجاله او الدرونز تقع عينهم عليه امين يحود بالعربيه و يروح ورا واحده من العربيات النص نقل واحد من اللى عليها يطلع ار بى جاى و يضرب عجله عربيه امين العربيه تتنطر و تتقلب شاكر يدخل بيجرى يفتح الباب و يساعد امين يطلع و بمجرد ما يبعدوا العربيه تنفجر و الاتنين يتنطروا يتسحلوا على الارض
...........................
فى وسط البلد
مختار بيجرى وسط الرجاله يوقع اللى يقدر عليه و يسمع ضرب نار من وراه يبص يلاقي محمد انقذه من واحد ما كانش شايفه
مختار / ادارى انت
محمد / ما تخافش عليا دا انا لسه واقع من فوق عماره و لسانى زى الاكس
درون ينزل فجاه ينفجر فى مختار و محمد ينطرهم فى الارض ما بيتحركوش
............................
دياب يطلع من الشركه بيجرى يضرب نار على قفل صندوق كهربا موجود جاهز يطلع شرر دياب يغطى وشه و فجاه البلد كلها تضلم و الدرونز كلها تقع فى الارض و اللى فيه قنابل ينفجر بمجرد ما يخبط فى الارض و دياب حامة راسه بايده و باب الصندوق من الشظايا و النار ثوانى و دياب يرفع الأيد تانى الكهربا ترجع يبص حواليه مفيش حد يقفل الصندوق و لسه بيلف واحد يضرب بالنار يتنطر يخبط فى الصندوق و ينزل على وشه فى الارض
..........................
فى المستشفي
عباده يفتح فجاه و يقوم الكهربا مش منتظمه يقلع الماسك و يستجمع قوته و يقعد و الضعف مسيطر عليه يمد ايده ياخد مسدس من جنبه يتاكد ان فى طلقات و يدخل الخزنه تانى عبد الله يدخل بيجرى يحاول يسحب منه المسدس
عبد الله / انت بتعمل ايه انت لسه تعبان
عباده / سيب يا عبد الله سيب
عبد الله / مش هسمحلك تاذى نفسك مش هسمحلك
عباده / سيب هتتاذى هتاذى نفسك يا متخلف سيب
عبد الله يسيب
عبد الله / براحتك عاوز تموت نفسك موت خليهم ينتصروا
عباده / عباده الزيني ما بيموتش موته رخيصه زى دى انا لما اموت موتى يهز الدنيا باللى فيها
عبد الله / طب انت رايح فين دلوقت
عباده / هروح اندمهم على اليوم اللى اتحدونا فيه
......................
يتبع بكره باذن الله الساعه ٨ م مع اولى حلقات الجزء التانى من الكبيره