(((((( الكبيره ٢))))))))
#لولو_محمد
الحلقه ١١٣
أمير/ انا قولت لك اهم حاجه شهادتك ... خلصى اللى فاضل لك و تعالى اتعلمى انما عاوزه تبقي رئيسه مجلس اداره و آنتى معاكى ثانويه عامه و يا ريتك جايبه مجموع
بياتريس / ايه الكلام القديم اوى ده يا عمو و بعدين انا ما قولتش هبقي رئيس مجلس الإدارة و لا حاجه انا قولت ابقي جنب حضرتك و اساعدك
أمير/ و الجماعه اياهم وخدينك جنبهم و بيعلموكى
بياتريس / حاليا اه ... بس دا بشكل مؤقت ما تقلقش ... لحد ما حاتم شركس يتجوز مهره و ساعتها
أمير/ حاتم مين اللى هيتجوز مهره... مهره مين ؟ مهره مهره
بياتريس / هو فى كام مهره بس يا عمو مالك
أمير/ و دا هيتجوزها ازاى ده
بياتريس / دا جايب ليها حته كوليه الماظ انما ايه حكايه
أمير/ و الله !!
بياتريس / باذن الله لما ربنا يتم لهم على خير حاتم اكيد مش هيسيب اهل طليق مراته يدخلوا فى الشركه اكيد هيمشيهم و هيمسك مكانهم بس بصراحه مش متأكده اصل حاتم و عمران صحاب جدا
أمير/ ايه العك ده
بياتريس / انا عارفه ان الموضوع يبان ويرد من بره بس صدقنى لو شفتهم بيتمرنوا سوا فى النادى هتفهم كلامى كويس
أمير يتنهد
أمير/ عن اذنك عشان ورايا معاد مهم
أمير يمشي و بياتريس بتضحك
.......................
فى مخزن اكرم
الباب يتفتح و نجاه تدخل و وراها دياب اكرم يقوم يقف
نجاه / هتفضل مستخبى هنا لحد امتى
اكرم / انا عملت كل اللى طلبتوه منى
نجاه / انت بتضحك على مين انت لازم ترجع بيتك و سط مراتك و بناتك
اكرم / انا طلقتها
نجاه / بناتك محتاجين اب بناتك بيضيعوا و مراتك دى انا ما شوفتش كدا فى حياتى
اكرم / بقولك طلقتها
نجاه / انت لازم ترجع
اكرم / انا مش هقدر أواجه الناس بعد اللى عملته لا هقدر ابص فى وش بناتى و لا وش مهره و لا حتى قادر ابص لنفسى فى المرايه
نجاه / و ايه اللى ممكن يتغير بقعدتك دى بقي ان شاء الله
اكرم / و ايه اللى ممكن يتغير برجوعى
نجاه / هتفضل هنا العمر كله يعني
اكرم / حتى لو مشيت مش هقدر ارجع
نجاه / حتى لو قولتلك ان بناتك مش طبيعين السنه راحت عليهم و تصرفاتهم مريبه و مش مدروسه خصوصا صوفيا دى ... تعرف واحد اسمه حاتم شركس
اكرم/ حاتم !! اه اعرفه ماله
نجاه / تعرف عنه ايه
اكرم / كل حاجه ... اعرفه من و هو عيل صغير و اعرف عيلته كلها بس هو مش فى مصر دا مهاجر بره خير بتسالى عنه ليه
نجاه / لا ما هو رجع ... و متقدم لمهره
اكرم عنيه توسع و يرتبك و نجاه متابعاه مختار يدخل و معاه جوزيف
مختار / السلام عليكم
الكل يبص على مختار نجاه عنيها تيجي فى عنين جوزيف ترتبك و تفضل تتلفت و تحاول تلم نفسها مش قادره
........................
فى اوضه كارمن
كارمن بتضحك مع بياتريس و صوفيا
كارمن / و بعدين عمل ايه
بياتريس/ وشه احمر و كان فاضل يطلع دخان من ودانه
الكل يضحك
صوفيا / بس انا برده مش فاهمه احنا ليه بنستفز عمو بالشكل ده
كارمن/ عشان يتحرك يا حبيبتي
صوفيا / بابا مش مخطوف يا ماما بابا لو كان عاوز يرجع كان رجع بدليل التوكيل اللى عمله لاسمه ايه ده اللى عمران جايبه
بياتريس / حبيبتي عمران بتاعك ده هو اللى خاطف ابوكى هو و اهله الغجر دول
صوفيا / مش حقيقي عمران ما يعملش كدا ابدا
بياتريس / مفيش فايده فيها ابدا
صوفيا / ماشي هو ممكن تقوليلى احنا ساكتين ليه ليه ما روحناش نبلغ او نعمل اى اكشن فى الموضوع
كارمن / عشان سلامه ابوكى اولا و عشان سمعتنا ثانيا
صوفيا / سمعتنا !!
كارمن/ خليكي انتى بره الموضوع ده و صدقيني عمران ده مش زى ما انتى فاكره خالص
صوفيا / يا مامى صدقيني حضرتك ظلماه عمران طيب جدا و خدوم اوى ... ما تقولى حاجه يا باتى ... يا مامى لما حضرتك تعبتى هو الوحيد اللى كان واقف جنبنا و لما طلبت منه يساعدنا قصاد عمو ما اتاخرش و الناس بتوعه ما لهمش اى مصلحه فى كل ... حصل و لا لا يا باتى
كارمن / و انتى من امتى بتسمعى لحد غير نفسك
صوفيا / طب ممكن نغير الموضوع و نشوف هنعمل ايه فى ست مهره دى كمان
بياتريس / واو هى بقت ست مهره مش كانت اختنا و الكلام ده و لا ايه الدنيا معاكى
كارمن / هنعمل اى حاجه عشان نقنعها بحاتم
بياتريس / بس كلنا عارفينه كويس دا مجنون و مش طبيعي يعني لو هبت منه مره واحده بس باظت
صوفيا / عشان كدا لازم نتحرك باسرع ما يمكن
بياتريس/ انا اصلا مش فاهمه برده انتى ازاى قدرتى تقنعيه بيها
صوفيا / هو اصلا كان بيدور على عروسه و خصوصا بعد الاسكوندال الاخيره اللى فسخ بسببها خطوبته
بياتريس / ماشي بس كان سهل يلاقي الف واحده احسن من مهره بكتير
كارمن / مش هيقبل الرفض عشان كدا اختار واحده مستحيل ترفض
بياتريس / دا على اساس انها موافقه … دا ممكن يتجنن بجد لو عرف انه بعد ما اتنازل و اتكرم و قبل بيها هى رفضته
كارمن / ما هو اكيد مش هيعرف حاجه زى دى مش عاوزين غباء و بعدين مالها مهره بتتكلمى عنها كأنها جربه كدا هو يطول يناسبنا اصلا
صوفيا / ما دى الميزه الوحيده اللى فيها اصلا لا لبس و لا شكل و خرسه و كانت مدمنه و ابوها راميها دى ما فيهاش حاجه عدله اساسا مش فاهمه عجبه فيها ايه اساسا
بياتريس / انا مش فاهماكى انتى عاوزه الموضوع يكمل و لا لا
صوفيا / النهرده قبل بكره
كارمن / لا بجد فى ايه يا صوفيا ايه اللى غير موقفك من ناحيتها اوى كدا بالسرعه دى دا انتى اللى جبتيها
صوفيا / زهقت كنت فكراها هتكون اخت و كدا طلعت زى ما انتوا شايفين كدا بجد لولا انى خايفه على شكلنا قدام الناس كنت طردتها
كارمن / متاكده ان ما فيش حاجه تانيه
صوفيا / اذا كنتى حضرتك مامتها و مش بتحبيها انا هحبها
كارمن / ايه !!! لا ما انا بحبها عادى ... اكيد مش زيكوا بس ... بحبها برده ما هى بنتى
بياتريس/ لو كدا حضرتك بتحبيها يبقي الله يعينه اللى بتكرهيه بقي
بياتريس و صوفيا يضحكوا و كارمن مرتبكه و بتحاول تدارى
………………….........
فى المخزن
مختار / و هى كارمن عارفه عنه كل ده و قابله
اكرم / مهما كان ليه وضعه فى البلد هو و اهله و الا كان الكلام ده انتشر انما القريبين بس اللى يعرفوا الكلام ده
نجاه / هى دى ام اصلا دى حيوانه ... انا لازم اكلم مهره و اقول لها كل الكلام ده
جوزيف / عرفت خلاص
نجاه تبص له
جوزيف / زمانها عرفت ... السؤال اللى بجد هتقدر تعمل ايه فى الموضوع
اكرم / هترفض طبعا
نجاه / يونس انا محتاجه اتكلم مع امايا
جوزيف / افندم !!
نجاه / انت مش قولت انها بتحاول تنضف الكون ... تورينا شطارتها
جوزيف / دا سايكو مش متحرش فى فرق
مختار / يونس هو انت مش قولت انه كان فى مركز تأهيل فى أمريكا... مفيش اى امل يكون اتغير بجد
نجاه / بجد يا عمى هتجازف بمهره مع واحد زى ده
مختار / اكيد لا بس بحاول ادرس خطوره الموقف قبل ما ادخل
نجاه / ليفل الوحش خلصنا
جوزيف / انا عارف انك بتحبى مهره بس انتى مش شايفه انك
نجاه / انا مش هكرر غلطه ياسمينا تانى احنا بناتنا مش حقل تجارب للمتخلفين عقليا و بعدين هى مش بتحبه و لا هو اكيد لحق يحبها دا ايه العته ده اوووووف
نجاه تسيب المكان و تروح تقف بره
مختار/ بعد كل العك ده لسه شايف ان ما ينفعش ترجع تصلح الوضع و تنقذ اللى اتبقي من عيلتك ... هتتحاسب عليهم على فكره
جوزيف / كلنا عارفين انه مش هيلحق يوصل مصر حتى
نجاه تدخل
نجاه / لو خليتني اكلم امايا هقنعها انها تسيبه عايش
جوزيف / على فكره مفيش أسهل من انك تكلميها و هتقنعيها بس انتى مش الاول تشوفى ابوكى رأيه ايه فى النوع ده من التواصل
نجاه / دى مكالمه تليفون
جوزيف / اممممم مش بالبساطه دى
نجاه/ تقصد ايه ؟!!
………………………..
فى اوضه كارمن
مهره واقفه مع كارمن و البنات
كارمن / سيبونا لوحدنا ثوانى
صوفيا و بياتريس يبصوا لبعض و يطلعوا بره و يقفلوا الباب مهره تورى امها الموبايل
كارمن / دا على اساس انى ما اعرفش حاتم .. يا بنتى دا انا اللى مربياه
مهره تكتب / بس انا جايبه الكلام ده من مصدر موثوق
كارمن / و يا ترى المصدر ده هو نفس المصدر اللى قدر يزور ورق حكومى و يتجوزك بتاريخ قديم و قدر يرعب ابوكى و يخطفه و يجبره يعمله توكيل عام دا لو كان عمله فعلا مش مجرد ورقه مزوره بحرفنه زى قسيمتك كدا ؟
مهره تكتب / عمران ما يعملش كدا
كارمن/ عرفاه اوى انتى مش كدا
مهره تهز راسها اه
كارمن / تفتكرى لو حاتم زى ما مكتوب كدا البنات دى هتسكت ... واحد غنى و معاه فلوس بالهبل مفيش و لا واحده منهم هتحاول ترفع قضيه واحده ترد بيها اعتبارها او حتى تبتذه و تلهف من وراه قرشين
مهره تفكر فى الكلام
كارمن/ انتى لما اتعاملتى معاه شوفتى منه اى حاجه تقول انه كدا ؟!
مهره تهز راسها لا
كارمن/ لو هو كدا كنت هدخله بيتي و اخليه يتعامل مع بناتى و يخرجوا سوا و انا مطمنه كدا ؟!
مهره تهز راسها لا
كارمن / شكرا مفيش كلام يتقال بعد كدا
مهره تكتب / امال الورق ده ايه ؟!!
كارمن / ما اعرفش اساليه ... و لا مش محتاجه سؤال ... هو مش كان بيتعامل باين مع حاتم ده كويس على ما اذكر ... ايه اللى اتغير و خلاه يقلب عليه اوى كدا ... هو عمران عرف انكوا اتخطبتوا ؟!
مهره تكتب / احنا ما اتخطبناش اصلا
كارمن / يوووووووه بقي هنسيب الموضوع الأساسي و نركز بقي على الكلمه مش كدا
مهره تبص فى الارض
كارمن / انا عارفه ان كان فى بينكو قسيمه جواز بس انتى عارفه انها كانت مزوره و مش حقيقيه صح
مهره تهز راسها اه
كارمن / يعني ما فيش اى حاجه حصلت بينكوا فى الفتره دى مش كدا
مهره تهز راسها لا بزعر
كارمن / اهدى اهدى انا بطمن بس ... اصل موقفه غريب جدا و بعدين هو مش كان اولى يبعت لى انا الحاجات دى باعتبار انى امك و لا هو ... ليه مصلحه تانيه من الموضوع
مهره تفكر فى الكلام
كارمن / انا ما اعرفش عمران و لا اهله انتى اللى تعرفيهم بس اعرف حاتم كويس جدا و اقدر اقول لك ان حاتم ده اتمناه لاى واحده من بناتى انما عمران ده غريب دا انا لسه كنت بقول لصوفيا تبعد عنه و تخرجه من حياتنا
مهره بتفرك فى ايديها
كارمن / انا ما اعرفش بيقعدوا يتكلموا فى ايه بالساعات بالليل بجد الواد ده مريب جدا
مهره عنيها توسع و تبص فى الارض و تتوتر و مش مستوعبه
كارمن / انا محتاجه اتكلم معاه و اعرف هو عمل كدا ليه و ايه الكلام السخيف اللى باعته ده … ابقي ابعتيلى رقمه و لا مش لازم هبقي اخده من صوفيا و انتى يا ريت تعملى له بلوك و تقطعي معاه خالص انا ما بحبش الواد ده و بعد الهبل ده ما عدتش بطيقه
………………….
قصاد المخزن
مختار/ مش هيحصل مش مستنين ست امايا اصلا نقدر نعمل اضعاف اللى هتعمله انسي
نجاه/ بس اكرم لازم يروح من هنا بيته بيدمر
جوزيف/ هو مدمر خلقه و الجدع ده لا بيحل و لا بيربط زى قلته فى بيته على فكره دا يمكن بص لمهره لأنها الوحيده اللى كانت عملاله قيمه
نجاه / انا مروحه
مختار / استنى اوصلك
مختار يبص لجوزيف
جوزيف / تمام روحها و انا هتكلم مع اكرم شويه و هروح لو حبيت ترجع لى يعني
مختار يهز راسه و يفتح الباب نجاه تركب جوزيف يجى يدخل يلاقى دياب راكب عربيته و متابعه يروح يخبط على ازاز العربيه دياب يفتح الباب جوزيف يركب
جوزيف / ما تقولش مستنى تروحنى
دياب / انت اللى بعت الورق ده لعمران ؟!
جوزيف يتنهد
دياب / عمران يبان عاقل بس انت كدا بتاذيه
جوزيف / انا ما عملتش حاجه على فكره
دياب / انت متخيل ان الموضوع هينتهى هنا ... انت طيب اوى
جوزيف / ما فيش حاجه هتحصل لعمران ما تقلقش
دياب / بس دا مش معناه ان عمران مش هيعمل مصيبه … عمران مش كدا
جوزيف / انا حافظه صم بدليل انى توقعت مرواحه للديلر و سبقته على هناك و رجعته و دا اللى انا عامله دلوقت باعت ناس ثقه وراه لو فكر يكررها هيمنعوه
دياب / كان المفروض ترجع لعمى مختار كان المفروض تمشيها بالاصول
جوزيف/ الأصول ما بتاكلش عيش ... انا داخل اتكلم مع اكرم ... روح
دياب/ تمام
دياب يمشي و جوزيف متابعه
…………………..
فى اوضه مهره
مهره قاعده تفكر صوفيا تفتح الباب
صوفيا / اجى
مهره تهز راسها اه
صوفيا / هو ايه اللى حصل مامى كلمت حاتم و شكل فى حوار جامد
مهره تتعدل فى قعدتها
صوفيا / هو انتوا اتخانقتوا
مهره تطلع الموبايل و تورى صوفيا الكلام
صوفيا / ايه ده !! ايه الهبل ده ... هو عمران اصلا عرف الكلام ده منين
مهره تهز كتفها ما اعرفش
صوفيا / تعرفى ان حاتم من حقه يرفع قضيه على عمران بالكلام ده
مهره تنتبه
صوفيا / دا تشهير رسمي
مهره تتوتر
صوفيا / انا بجد مصدومه فى عمران جدا
مهره تكتب / بس عمران ما بيكدبش
صوفيا / ماشي حتى لو حد ضحك عليه المفروض يتأكد مش يجرى ينشر الكلام كدا من غير دليل و بعدين الحادثه دى بالذات احنا عارفينها كويس و ما كانتش كدا خالص
مهره تشاور لها ازاى
صوفيا / انا هحكيلك ... فى كافيه جنب الشركه كدا كان هادى و ما حدش بيروحه ما اعرفش ليه فحاتم كان بيستغل الموضوع ده انه يروح يشرب هناك كوفى فى هدوء بعيد عن ضغط الشغل و الهبل ده و هناك اتعرف على بنت شغاله فيه و مره فى مره اتعرفوا و اتعلقوا ببعض بس واضح انها كانت جولد ديجر عارفه يعني ايه ؟
مهره تهز راسها لا
صوفيا / يعني بتاعه فلوس بتستغل الرجاله الاغنيه خصوصا الشباب و ترسم الحب بقي و كدا عشان تسحب منهم فلوس ... المهم هو كان فعلا مغرقها هدايا و حاجه اخر دلع و جابها وسطينا و عرفها على الجروب كله و مش هتصدقى اللى حصل
مهره تنتبه
صوفيا / اكتشف انها بتخونه مع واحد من صحابنا ... كان طبعا من صحابنا ... بتخونه as like بتخونه بجد مش حب و كلام تليفونات و كدا لا دا اللى هو
مهره تمسك ايد صوفيا و تهز راسها فهمت
صوفيا / المهم يعني لما واجها بقي طلعت و قالت كان بيضربها و يجبرها تعمل حاجات و اى كلام عبيط كدا بس المقلب بقي لما اكتشفت ان الحيوان ده اللى كانت بتخون حاتم معاه سابها و راح يتمحلس لحاتم عشان هو اكيد مش غبى عشان يخسر حاتم بس شكله كان عبيط او شارب حاجه وقتها ... حاجه فى منتهى السذاجه بصراحه
مهره تبص الناحيه التانيه
صوفيا / و اه بخصوص مركز اعاده التأهيل دا هناك مش زى هنا دا مش مصحه زى اللى كنتى انتى فيها كدا
مهره تبص لصوفيا
صوفيا / دا بيبقي جلسه جماعيه كدا لناس من نفس الظروف و كل واحد بيحكى تجربته على اساس يساعدوا بعض و كدا
مهره تهز راسها
صوفيا / اكيد اللى وصل لعمران الكلام ده ما شرحلوش الموقف كويس انا عارفه ان عمران كويس بس هو ألمرادى غلطان و يا رب يا رب ماما ما تكونش قالت لحاتم الحوار ده ... لان بجد حاتم مستحيل يسكت على اهانه زى دى و عمران بجد مش قده
مهره تتنهد و تقوم تروح ناحيه الباب
صوفيا / رايحه فين
مهره تطلع بره
.........................
فى شقه عمران
عمران و حاتم واقفين قصاد بعض و هند واقفه بتابع الكلام
حاتم / انا جيت لك لحد بيتك عشان اثبت لك ان الهبل اللى انت عملته ده و لا يفرق معايا و اقول لك حاجه اكبر انا هطلع من عندك على عندها عشان هنخرج نتغدى سوا دلوقت لان لا هى و لا اهلها صدقوك
عمران / بس انا عندى الدليل و بدل الواحد اتنين و تلاته
حاتم / أعلى ما فى خيلك اركبه و افتكر انى احترمتك و جيت لك مع ان انت فى الحقيقه ما لكش تلاته لازمه فى الموضوع ... لتكون صدقت انك جوزها بجد ... انا عارف كل حاجه
هند تمسك ايد عمران و تتك عليها
هند / حتى لو ... احنا اهلها و هى تهمنا و مش هنسيب حد يمس منها شعره
حاتم يبص لهند و يبتسم
حاتم / ممتاز استمروا ... اعملوا كل اللى تقدروا عليه دا انا جاى لحد بيتكوا ... و لوحدى ... باين انى خايف منكوا او حاجه يا طنط
هند / ربنا يديله الصحه عمك مختار كان دايما يقول جمله واحده ... احنا مش بتوع مشاكل بس لو المشاكل جت لنا ... يا مراحب
حاتم / مشاكل ايه بس يا طنط دا انا هخطبها هو انا لا سمح الله هخليها تدمن و لا اغتصبها زى غيرى ... بص يا عمران من الاخر كدا لو ليك شوق فيها استرجل و روح اتكلم مع مامتها و بلاش شغل النسوان بتاعك ده
هند / النسوان هم اللى بيتشطروا على الحريم
حاتم / و الرجاله ما بيجيبوش أمهاتهم يردوا مكانهم يا طنط
هند / صحيح خيرا تعمل شرا تلقى كلو بعض بس ما توسخوش الدنيا
هند تروح ناحيه الاوضه
عمران / ما تقلقيش يا ست الكل هو جايلى البيت عشان عارف اننا صعايده و ما دام دخل بيتي جاب الحق عليا
حاتم يبتسم و يبص فى الساعه
حاتم/ انا اللى عندى قولته ... عن اذنك عشان ورايا معاد مهم
عمران يبتسم حاتم يمشي اول ما يقفل الباب عمران يروح عشان يفتح الباب هند تطلع من الاوضه
هند / عندك و لا خطوه واحده وراه
عمران يبص لها
هند / الجدع ده ما جاش هنا عشان قلبه ميت دا جاى عشان يستفزك و يغلطك
عمران / على فكره كنت هقدر ارد عليه بنفسي
هند / صغرتك!! حقك عليا ... بس انت مهما كبرت هتفضل ابنى الصغير
عمران يهز راسه و هو كاتم جواه
هند / سيب الطلعه دى على غيرك النتيجه واحده.. بس خليها بعيد عنك انت وراك امتحان الصبح خلينا نخلص
عمران يبص الناحيه التانيه و يدخل اوضته و يرزع الباب
.......................
فى مكتب عباده
عباده / بتتصرفى من دماغك و من ورايا
نجاه / فى حدود المسموح لى بيه
عباده / اه طبعا
نجاه / انا لازم اسافر مصر لمهره صدقنى هى محتاجانى اوى دلوقت
عباده / هبعت رجاله كفايا
نجاه / تمام يعنى هروح بحراسه كفايا
عباده / يونس مسافر معاهم هو طلب قبلك
نجاه / امتى
عباده / كلمنى فى التليفون و بلغنى انه مسافر مع الرجاله
نجاه / بس هو تعبان و مش هيقدر
عباده / و هو انا اللى قولت له يسافر هو اللى طلب
نجاه / بس هى محتاجانى انا مش هو
عباده / هو مش رايح عشانها رايح لعمران ... ما هو واضح ان الكل فى العيله دى بقي بيتصرف من دماغه و انا نايم على وداني و لا ايه يا مختار ... مش اخدته فى ايدك و انت عارف انها هناك
مختار يبص الناحيه التانيه
نجاه / ممكن تخلينا فيا انا
عباده / مفيش سفر
نجاه / جابر هيجى معايا
عباده/ جابر وراه شغل مهم جدا هنا
نجاه / هاخد كارم و فارس
عباده / لو رجاله البلد كلها سافرت انتى لا و خلصت بقي اسمعى الكلام و قولى حاضر
نجاه عنيها تتملى دموع و تجرى بره
مختار / كانت صدفه ... اكيد مش هعمل حاجه تضايقك
عباده / انت هتستعبط
مختار / دى الحقيقه... لما دياب كلمنى كنت معاه بيحكيلى اللى حصل بينه و بين عمران فخدته معايا
عباده / كنت عارف انها هناك
مختار / انا كنت موجود
عباده / انت عمرك ما هتفهم و لا هتحس لأنك ما عندكش بنات ... انا خايف عليها
مختار/ نجاه ما يتخافش عليها صدقنى
عباده يسند على المكتب بتعب
عباده / عمرك ما هتفهم
مختار / طب اهدى ... اقسم بالله نجاه عندى اغلى من عيالى و انت عارف و انت كمان غالي و اخسر الدنيا و لا اخسركش يا عباده اهدى و اطمن انا جنبك
عباده / و هو كمان يا مختار ... هو كمان مش بعيد ... جنبنا و وسطنا ... دا انت فى نعمه
مختار / تبدلها باربع صبيان يعني يا ابن الزيني
عباده / و لا يسوا ضافرها انت عبيط و لا ايه
مختار/ امال بقي
مختار يطبطب على كتف عباده عباده يبتسم له بتعب
....................
فى فيلا كارمن
كارمن/ خير يا على اؤمر
على / اكرم اتصل بيا
كارمن / خير ؟!
على / انتى بتحاولى تجوزى مهره لحاتم شركس
كارمن / ايه علاقه ده بمكالمة اكرم ليك
على / اكرم اللى قالى و قالى انك اتجنيتي خلاص
كارمن / انا مش فاهمه انت ايه مشكلتك بصراحه... بقولك ايه اناديها لك تاخدها معاك و انت ماشي
على / انتى عارفه انى ما اقدرش اعمل كدا
كارمن / و انا كمان مش عوزاها هنا يعني لا انا عوزاها و لا انت عاوزها بس حاتم عاوزها
على / دا مجنون يا كارمن مش طبيعي و انتى عارفه
كارمن / و اتعالج و رجع من امريكا واحد تانى خالص
على / و هى عارفه الكلام ده
كارمن / عارفه و موافقه ... رضيت بظروفه زى ما رضي هو بظروفها و لا انت فاكر بنتك عدله اوى ... دا كفايا انها بنتك ... صحيح نسب يشرف ... اخوها مقبوض عليه فى قضيه مخدرات ... الا صحيح عدموه و لا لسه
على يبص فى الارض و يسكت
كارمن / ياااااااه معقول ربنا بيحبنى للدرجه دى و اشوف عينك فى الارض بالشكل ده ياااااه معقول عشت و شوفتك موجوع يا على يا دسوقى
على يبص لها
كارمن / تحب اناديهالك يا على تسلم عليها ؟
على يسيب المكان و يمشي كارمن تضحك
كارمن / انا قولت كدا برده
......................
فى اوضه عمران
هند تدخل تلاقى عمران نايم فى السرير و مديها ضهره
هند / انت مش بتزاكر
عمران / بحاول انام
هند / مش هتعرف ... حاولت و ما عرفتش
عمران ينطر الغطا و يقعد
هند / انا جايه اعتزر لك و اشكرك
عمران يبص لها محروجه
عمران / مفيش حاجه فى الدنيا ممكن تعتزرى عليها و انا ما عملتش حاجه تشكريني عليها
هند تقعد جنبه على السرير
هند / ما صغرتنيش و لا فقدت أعصابك باستفزاز الحيوان ده
عمران/ اكيد ما اجرؤش اعمل كدا
هند / انا عارفه نوعيه الواد ده كويس ... دا كان جاى يستفزك صدقنى هو بيعمل كل ده عشان يستفزك انت
عمران / ليه انا بيني و بينه ايه اصلا
هند / ما اعرفش ... ما كانش جالك قبل كدا و لا جالك المرادى هو واخدها عند معاك اقسم بالله
عمران يبص الناحيه التانيه و يهز راسه
هند / ابوك بيتعامل و صدقنى هيحلوا الموضوع ده بعيد عنك خالص فاضل ليك مادتين خلاص هانت
عمران يهز راسه
هند/ مش زعلان منى
عمران / اكيد لا يا امى يعني
هند / طب قولى ... بتحبها مش كدا
عمران يبتسم
هند / خلاص اول ما ربنا يكرم و تخلص المادتين هاخدك و نروح على ابوها... انا ما بطيقش امها و نتكلم معاه و نطلب ايدها منه
عمران / احنا ضاربين ابوها قبل كدا
هند / و الله ... طب خلاص استحمل انا امها بقي
عمران يضحك هند تحضنه يبوس ايدها
..........................
فى فيلا حاتم
حاتم / خير يا بابا جيت جرى زى ما حضرتك طلبت خير فى ايه
الراجل / انت ايه علاقتك بمهره بنت على الدسوقي
حاتم / ايه يا بابا هو ده الموضوع الخطير و لازم اجى انا قولت مصيبه
الراجل / ما دى مصيبه فى حد ذاتها ... اسمع يا حاتم انا مش عاوز مشاكل مع الناس دول فاهم و لا لا و اوعى تكون فاكر انى مش فاهمك ... انا قولت كبر و عقل انت عاوز تموتنى ناقص عمر هفضل الم وراك لحد امتى
حاتم / بابا حضرتك مش فاهم حاجه انا حبيت مهره
الراجل / حبك برص حبيت مين انت تعرفها اصلا ... قولى بقي المرادى رهان و لا جر شكل زى اخر مره
حاتم يتنهد
الراجل / مع مين ... مع الزنايته ... مع ملوك الصعيد انت اتجنيت رسمى
حاتم / هتفضل مستصغرنى لحد امتى
الراجل / انا طول عمرى فى ضهرك بس احنا يا حبيبي مش قدهم الناس دى اللى بيقع معاهم ما بيقومش و آخرهم اكرم
حاتم / انا روحت و كلمت طنط كارمن و هى موافقه و كلمت عمران و قولت له انى ناوى اتجوزها يعنى عدانى العيب و ازح و ماشي رسمى... اقول لحضرتك حاجه ... انا هطلع من هنا على اونكل على و اطلبها من ايده رسمي
الراجل / دا على اساس انه هيوافق
حاتم/ و هو يستجرى يرفض حاتم شركس و لا ايه
الراجل يضرب كف على كف
حاتم / اهدى بس حضرتك و بعدين مهره دى بنت جميله جدا و من النوع اللى حضرتك تحبه عاقله و ملتزمه و ذكيه و هاديه جدا
الراجل / يا حبيبي انت ابنى الوحيد مش هقدر استحمل يجرا لك حاجه
حاتم / و انا ما بعملش حاجه غلط و الله اهدى بس حضرتك و هتشوف بنفسك
الراجل / يعني ما فيش فايده
حاتم / فى ايه بس ... انا لو بعمل حاجه غلط هقول عشان تساعدني هو انا برده عمرى خبيت عن حضرتك حاجه
الراجل / و انت عمرك قولتلى حاجه الا لما نلبس فى الحيط
حاتم / الله امال مكبرها ليه بقي المرادى
الراجل يتصدم و حاتم عينه توسع و يسيب ابوه و يمشي
.....................
قدام كليه عمران
عمران ينزل من عربيه فيها رجاله
السواق / هنستناك هنا
عمران / انا مش فاهم ليه الأوفر ده المرادى
السواق / اللى اتقال لنا بنفذه هم ادرى بمصلحتك
عمران يهز راسه و ينزل يتمشي و هو بيحط الايربود فى ودنه عربيه تتحرك بسرعه ناحيته ينط و يدحرج فى الارض العربيه تفرمل و ينزل منها رجاله يروحوا ناحيه عمران اللى قام وقف لهم و قبل ما يتخانقوا معاه عربيه عمران تخبط العربيه اللى نزل منها الرجاله جامد و السواق يفضل دايس بنزين
السواق / ادخل انت لجنتك و ما لكش دعوه
الرجاله يتخانقوا مع بعض و عمران يعدى فى هدوء و يدخل اللجنه يبص وراه و يتنهد
عمران / أصطبحنا و اصطبح الملك لله
......................
فى البلد
جابر واقف مع عمال فى وسط شارع ماسكين خريطه احمد يدخل
احمد / صباح الخير يا رجاله
جابر / اهلااااا ازى حضرتك ايه الاخبار
احمد / خير فى ايه هنا
جابر / تصليحات عاديه ما تشغلش بالك بيها و خلينا فى المفيد
احمد / تصليحات ايه مش فاهم
جابر / بص يا باشا احنا ما بنحبش نشغل الحكومه بالشكليات دى اللى يبوظ بنصلحه بأيدينا و ننجز لا بنستنى تصاريح بقي و لا موافقه و لا ميزانيه و لا بنكلف البلد جنيه اصل يوم الحكومه ما تاخذنيش بسنه
احمد / بس فى حاجه اسمها نظام و لا ايه
جابر / ما هو ده نظامنا من قبل حتى ما انا و حضرتك نتولد يروح محافظ و يجى محافظ يروح باشا كبره كدا زى جنابك و يجي غيره فى الاول و الاخر النظام ماشي ... و بعدين هو حد اشتكالك من اللى بنعمله
احمد / انا بكلمك بصوره وديه مش اكتر
جابر / غريبه امال يعني لما جيت اعزمك على فرح اختى من شويه كبرت لى ليه ... بقي بالله يا باشا فرح اختى و لا شويه تصليحات فى الشارع مين المفيد فيهم
احمد / فرح اختك طبعا اكيد ما اخدتش بالى ان ده كان قصدك
جابر / اوعى يا باشا ما تجيش يمين بالله ازعل اوى
احمد / لا ازاى هاجى طبعا ...قولى بقي ايه نوع الإصلاحات اللى بتعملوها فى الشارع و ليه عربيه الخرسانه دى
....................
فى اللجنه عند عمران
ظابط و اتنين عساكر يدخلوا
الظابط / عمران مختار الزيني فى اللجنه دى
عمران يحط القلم و ياخد نفس و ينفخ و يقوم يقف
الظابط / اتفضل معانا
عمران / عيني حاضر
عمران يروح معاهم و المراقب ياخد الورقه عمران و هو ماشي يشوف على مصدوم عمران يبتسم و يكمل مشي
.................................
أنت تقرأ
الكبيره ٢ بقلم / لولو_محمد
Humorالحرب لسه مستمره و الحقيقه مسيرها فى يوم تظهر النور و كل واحد لازم يختار طريقه
