الكبيره ٢ بقلم / لولو_محمد

الحلقه ٧

((((((( الكبيره ٢)))))))
#لولو_محمد
الحلقه ٧
مغاورى / ايه اللى حصل يا منصور كلم نجاه حقيقي
منصور / كلمها بس ... مش عارفه اقولها ازاى  .. هو كلم اللى اسمه جوزيف اكتر و ... التانى ابن حرام مستفز ... هو عامل ايه
مختار / ضغطه على جدا و معلقينله محاليل و ربنا يستر و يعدى النهرده على خير
مغاورى / مش عارفين برده توصلوا للواد ده ايه خيبتوا جايين دلوقت و تخيبوا و تبقوا زى قلتكوا ... اعملوا حاجه اعملوا اى حاجه تحلل الملايين المصروفه على ام المخروبه اللى فاتحينهالكوا دى
منصور يبص فى الارض
مختار / اهدى يا مغاورى
مغاورى/ انت لو قولتلى اهدى تانى هولع فيك و فروحى و فى البلد باللى فيها انت فاهم و لا لا انا طهقت
مختار يسيب المكان و يمشي
مغاورى / لااااااا لا لا لا لا انا مش هقعد هنا مستني اما ربنا ينفخ فى صورتكوا و تعرفوا تعملوا حاجه انا هروحلها تركيا بنفسي و مش راجع غير و هى فى ايدى
امين / هتروح تعلم ايه بس يا مغاورى
مغاورى / هعمل اللى ربنا يقدرنى عليه انا طهقت
ممرضه تدخل
ممرضه / بعد اذنك يا سي مغاورى الصوت ... الناس اللى فى الاوض كلهم عيانين و محتاجين راحه
مغاورى يعتزر براسه و يسيب المكان و يمشي
امين / ما تضايقش نفسك يا منصور دا كلام فى لحظه زعل مش اكتر
منصور يهز راسه و يمشي
.......................
فى اوضه خديجه
خديجه تاخد حبايه و تفضل قاعده على السرير كارم يدخل
كارم / ممكن اجى
خديجه/ تعال يا كارم عاوز ايه يا حبيبي
كارم / جاى اطمن عليكي
خديجه / ابوك كويس و لا لسه تعبان
كارم / هو كويس هبط بس و علقوله محلول و هيجي على طول بإذن الله
خديجه / بيقولوا كلم نجاه ... ما تكدبش عليا
كارم / هى بخير طمنته عليها و هترجع باذن الله هو عرض عليهم فلوس و باذن الله ترجع على طول
خديجه / طب خليك جنبه يا كارم هو محتاجك اكتر منى
كارم / بس انا محتاج اخليني جنبك دلوقت ... ممكن ؟
خديجه تغمض عينها و تهز راسها كارم يروح ينام فى حضن امه تفضل تطبطب عليه و تدعك فى شعره
كارم / هو احنا ليه بيحصلنا كدا ياما ... اشمعن احنا اللى كدا
خديجه / عشان احنا الكبار يا ابنى
كارم / انا مش عاوز الكباره اللى بتجيبلنا وجع القلب دى لو عاوزينها ياخدوها
خديجه / الكباره دى حاجه فى دمك يا ضنايا من جد جد جد جدك اوعى تفتكر انك هتقدر تبقي واحد من باقي الناس ... دا لو فرضنا ان باقي الناس مرتاحه و فى امان ... اديك شوفت اللى حصل فى البلد ... الناس ماشيه فى امان الله لقوا النار بتنضرب عليهم ... و حتى فى باقي الدنيا ما حدش بيخلد فيها تمشي عادى تلاقى حرامى و لا بلطجى و لا حادثه قطر و لا عربيه و لا مريض نفسي ربنا سلطه عليك و لا حرب بين بلدين ما لكش دخل فيها الدنيا كلها بتعانى يا ضنايا الفرق اننا لما هنموت هنموت رجاله و شهدا و راسنا مرفوعه
كارم / و اللى حصل لنجاه ده هيخلى راسنا مرفوعه ياما ... هو مفيش غير نجاه اللى الدنيا عماله تشيل و تحط عليها و علينا فيها
خديجه / نصيبها كدا مهما تحاول و مهما هتاخد بالك نصيبك هيجيلك او هتروحله المهم انه نصيبك
كارم / هو انا كدا جبان
خديجه/ لا ... مش جبان ... مش عيب تسال و تتعب من حرب انت مش عارف سببها و لا عارف هتخلص امتى و لا ليك اى دخل بيها ... بس قدرك و هتعيشه ... يا تعيشه راجل و تحارب و تواجه يا ترضي بالذل و المطاطيه باقي عمرك ... و انت كبير كفايا انك تقرر
كارم / طب احارب مين انا مش عارف حتى مين عدونا و لا بيحاربنا ليه
خديجه / مش عارفه عشان جبان و عشان هو ضعيف لو جالك راجل لراجل هتسحقه و بيحاربك عشان طمعان فى ارضك و عرضك هتسيبهمله هتسيبهم لواحد جبان مش قادر يواجه
كارم / لا
خديجه تبتسم و تبوس راس كارم
خديجه / نام شويه و ارتاح و الصباح رباح ما حدش عارف الخير فين
كارم يهز راسه و يتنهد خديجه تبص لفوق و تغمض
.......................
فى الفيلا عند جابر
همام قاعد جابر ينزل من فوق جرى يسلم عليه و يحضنه
جابر / البقاء لله
همام / من امتى بناخد العزا فى اللى راحوا قبل ما نجيب حقهم
جابر يبص فى الارض و يعتزر براسه
همام / مفيش جديد عندكوا
جابر يتنهد و يشاورله يقعد صابر ينزل من فوق بهدوء همام يبصله
جابر / دا صابر ايه نسيته و لا ايه
همام يسلم على صابر
همام / لا فاكره طبعا بس ... ما اتقابلناش من سنين طويله اوى
صابر / اهلا يا همام ما كنتش اعرف ان التعليمات نتجمع كلنا فى مكان واحد
همام / ابو التعليمات ما جالناش حاجه عدله من يوم ما جينا و المهندسين راحوا و العباقره رجعوا اللى بيحصل ده زاد عن حده و انا مش لاقى اى خيط امشي وراه مش لاقى ليهم اى اثر احنا قلبنا البحر فوقانى تحتانى و طلعنا العربيه و برده ما دلتناش على حاجه ايه كمبيوترات ما بيغلطوش
جابر / مش جديد عليك عمايلهم يعني ما انت كنت معاهم فى عمليه نجاه الاولانيه
همام / و شكلى كان المفروض اكون معاك من الاول هنا كمان
صابر / كنت هتعمل ايه يعني اكتر من اللى عملناه بقولك ايه يا همام كل واحد فيه اللى مكفيه و طافح فاهدى على نفسك كدا
همام / طب ما تقوم تديني جوز اقلام احسن
جابر / مش وقته نرجع نجاه و ابقوا كلوا بعض
صابر / انا عندى فكره بس مش واثق فيها
همام / و يبقي فايده امها ايه
جابر / قول اى حاجه المهم اى حد يقول اى حاجه
صابر / احنا كلنا نرجع مصر
همام / انا غلطان انى جيت اساسا
صابر / مش هنرجع بجد ... او مش هنرجع كلنا ... بس هم مش هيرتاحوا و لا يخرجوا روسهم من الجحور الا اما يطمنوا اننا بطلنا ندور عليهم
همام يبص لجابر
صابر / لازم نرجع مصر لازم نتشاف فى مصر
همام / انا مش هقدر ادخل السرايا كدا هرجع بانهى وش هبص لاهلى و ناسي بانهى عين
جابر / عندى فكره بس هتحتاج وقت ... لا مش هتحتاج انا بس هعمل مكالمه تليفون ثوانى
همام / طب ايه هى طيب
جابر يقوم يتكلم فى التليفون
همام / فكره ايه اللى عنده
صابر / ما اعرفش بس يا خبر بفلوس بكره يبقي ببلاش اصبر
............................
فى اوضه جوزيف
امايا / انت بتلعب من ورايا
جوزيف / كنت هدخل فى الوقت المناسب
امايا / لو غدرت بيا مش هبقي عليك انت فاهم
جوزيف يبص لامايا الغضب ماليها
جوزيف / واضح ان الموازين باظت فخلينى اتاكد بس ... هى و لا انا
امايا / انا ... انا بسمع كلامك و انا مغمضه بعمل كل حاجه بتقول عليها انا طلبت منك حاجه واحده بس
جوزيف / و انا غيرت الخطه كلها عشانك و بضيع وقت و مجهود عشانك ... اوعى تفتكرى انى لو جرالى حاجه هيرحموكى ... انا لو فشلت كلنا هنموت و اولنا هى
امايا / لا هى مهمه عندهم بدليل انهم بعتوك انت ... اللى حصل النهرده ما يتكررش ابدا مفهوم
جوزيف / اللى حصل النهرده خلاها تعلم على بابلو لاول مره
امايا / دا على اساس انها عدت منها سليمه ما تبص راقده فى مكانها من ساعتها دا غير بابلو اللى ما نعرفش مكانه لحد دلوقت و يا عالم هيبوظ الخطه ازاى
جوزيف / بابلو دلوقت بيراقب فيلا جابر كلهم هناك بما فيهم همام
امايا / انا ما بحبش همام ده
جوزيف / بيبي انتى بتحبى مين
امايا / نجاه
جوزيف / طب و انا !!
امايا تسيب المكان و تمشي جوزيف يتابعها و يتنهد
جوزيف / هرمونات البنات دى حاجه تقصر العمر و انا مش فايقلها خالص دلوقت
جوزيف يتابع نجاه فى الكاميره مش باين فى الكدر غير رجلها نايمه فى الارض الباب يتفتح و امايا تدخل تروح تدخل الحمام و تطلع تبص للكاميره
.......................
فى اوضه نجاه
امايا تبص للكاميره
امايا / نايمه على الارض هنا
امايا توطى تحاول تصحى نجاه مش بتتحرك تجس حرارتها تتفزع و تروح قدام الكاميره
امايا / جوزيف اللحق نجاه مش بتتحرك و سخنه جدا
امايا تبل ايديها و تفضل تمسح على وش نجاه و تشيلها من تحت باطها و تسحبها بره الحمام و تزعق فى الكاميره
امايا / محتاجين دكتور بسرعه دكتور يا جو
امايا تحاول تفوق نجاه مش بتفوق امايا تجرى تجيب فوطه و تبلها و تحطها على راس نجاه و تمسك هدومها ناشفه و تحاول تفوق نجاه مش بتفوق تجرى على بره و تسيب الباب مفتوح و تقلب فى شنطه حد يضربها على راسها بالكرسي امايا تقع مغم عليها
جوزيف / دا جزاتها يعنى انها بتساعدك اخص عليكي اخص
نجاه واضح عليها العيا و مش قادره تشد امايا و تسحبها لحد الباب و تدحرجها و تقفل الباب جوزيف يدخل و لابس كمامه نجاه تسند على الحيطه و تبصله
نجاه / اهلا 
جوزيف / فينا من الحركات دى افتحى الاوضه و خشي بهدوء عشان ما تتعوريش و انتى شكلك تعبانه
نجاه / نسيت تجيب البينج معاك و لا ايه
جوزيف / جبت حاجه احلى بس مش هتعجبك
نجاه / ما عدتش باقيه على حاجه هات اخرك النهرده انا يا قاتل يا مقتول
جوزيف / دا جزاتى انى خليتك تكلمى ابوكى
نجاه تتف على جوزيف
جوزيف / خلينا نعمل اتفاق انا مش هاذيكي و لا هقتل ابوكى و فى المقابل هتدخلى جوه من غير فرهده ... صدقينى انا مش هقول لا لو كنتى سليمه بس انتى مش حمل قلم و انا عاوزك عايشه
نجاه / كان المفروض تفكر فى ده قبل اللى انت عملته ... النهرده يا هبات فى حضن اهلى يا هبات فى تربتى
جوزيف / طب ايه رايك تباتى فى تربتك مع اهلك
نجاه / do it
( نفذ )
جوزيف يبص فى الارض و يبصلها و يفرد فى ايده اسوره كهربا
جوزيف / اطخن منك و نزلوا على رجليا عشان ارحمهم شكلك فهمتى دلعى ليكي غلط
نجاه بتتعامل ببرود شديد 
نجاه / انت مخبى وشك ليه ما انت حرقتهم كلهم اشمعن انت
جوزيف / سسبنس
نجاه/ شكل فى حد مديهملك سبعات فى تمانيات فخايف لما اشوف المنظر استهفاك
جوزيف / انتى قادره تقفى اصلا
نجاه/ قادره ارعبك انك تفضل واقف بعيد و خايف تقرب يجرالك زى صاحبك
جوزيف / خايف عليكي
نجاه / خايف على نفسك عشان انت مش هتقدر تاذيني انت عاوزنى عايشه
جوزيف / انتى فاهمه عايشه غلط ... انتى ممكن تبقي بتتنفسي و تاكلى و تشربى و تنامى و تصحى عادى بس فى الحقيقه ميته من جوه ... صدقيني الموت مش ديما حاجه وحشه فى حاجات كتير اوى اقدر اعملها اسوء بكتير
نجاه / زى اللى عملتوه النهرده و اللى هدفعكوا تمنه ان شاء الله ...  انا ما عادش فارق معايا اعيش ... ما عادش فارق معايا غير انى اخرج من هنا حتى لو على قبرى هخرج يعني هخرج ... دا انا حتى كنت فاكره انى هلاقي جيش مستنيني ورا الباب طلعت بطولك
جوزيف / فى قنبله فى المستشفي و ابوكى هناك تحبى افجرها
نجاه / فجر الدنيا بحالها و انسف الكوكب ... انا مش فارق معايا ... و همشي يعني همشي
جوزيف / تمام ... انتى اللى اخترتى ... انا ما كنتش عاوز اعمل كدا خصوصا و انتى داخل عليكي عيا واضح انه شديد
نجاه واقفه مكانها سانده على الحيطه و عينها فى عين جوزيف بيقرب و الاسوره فى ايده و نجاه ثابته و واخده حزرها
جوزيف / عارف انكوا بتحبوا الشبكه دهب بس انتى اكيد عارفه جرام الدهب وصل لكام دلوقت و لا ايه
نجاه / اخلص بطل رغى
جوزيف / ما هو انتى بتجبريني على حاجات ما كنتش ابدا اتمنى انها تحصل فى علاقتنا يا نوجه
نجاه تتف عليه جوزيف يجي يضربها بالقلم تمسك ايده و تلف و تديله بكوع ايدها التانيه فى بطنه يلف ايدها اللى مسكاه حوالين رقبتها و هو ماسك ايدها تبقي فى حضنه يلبسها الاسوره فى ايدها التانيه
جوزيف / حركه غلط ... عيدي
جوزيف يزقها بعيد تبصله باستغراب و هى سانده بايدها على الحيطه
جوزيف / ايه !! انا جنتل مان اكيد هديكي فرصه تانيه ... جربى تانى يلا
نجاه / انت مجنون صح
جوزيف / بس لذيذ مش كدا ... استعملى رجليك و دايما حافظى على المسافه اللى بينك و بين الخصم ... غلطه بابلو معاكى انه قرب اوى و دا اداكى فرصه تعلمى عليه ... دايما دايما تدرسي كل خطوه قبل ما تنفذيها استخدمى عقلك و ما تعتمديش على قوتك العضليه مهما كنتى قويه الراجل هيكسب خصوصا لو على الاقل فى نفس مستوى التدريب بتاعك
نجاه / انت بتقول ايه !! انت بجد
جوزيف / انا كسبت خلاص الموضوع خلص ... خلينا ما دام اتواجهنا نستغل اللى حصل ده و اعلمك حاجه تنفعنا احنا الاتنين بعد كدا امال انتى هنا ليه ما عشان ادربك بنفسي و اطلع منك حاجه عدله ... تحبى اديكي حقنه مضاد حيوي و لما تتحسنى نعيد تانى
جوزيف يروح يفتح الباب لامايا نجاه تجرى عليه يكهربها تقع فى الارض ماسكه ايدها
جوزيف / قولتلك خلصت فاهدى و فكرى كويس
نجاه تقف و تبص للاسوره و تبص لجوزيف و تقوم خابطه ايدها بكل قوتها فى الحيطه تتكهرب تانى تقع على ايديها و ركبها و هى بتصرخ 
جوزيف / دى مش بلاستيك فوقى و ركزى عشان قلبك ما ينفجرش
نجاه / مش هيحصل... انت عاوزنى عايشه
نجاه تخبط ايدها تانى فى الحيطه تتكهرب
جوزيف / اى محاوله انك تقلعيها هتكهربك اى حركه غلط منك هتكهربك قلبك مش هيستحمل و هينفجر و ساعتها هتموتى و الخطه بتاعتى هتبوظ اه بس انا هفضل عايش و هرجع البلد و اعمل خطه تانيه اقوى و اسوء انا دايما بختار الحل السلمى بس لو عوزاها دم صدقيني هستمتع اكتر ففكرى فيها هتلاقى ان مصلحتك و مصلحه اهلك معايا انا
نجاه تسند على الحيطه و تقوم تقف و هى بتبصله و مش فارق معاها
نجاه / اشهد ان لا اله الا الله و ان محمدا رسول الله
نجاه تخبط ايدها فى الحيطه تتكهرب تقع مغم عليها جوزيف يجرى يجس نبضها و يضغط على كعب جزمته يتفتح جيب سرى فيه علبه صفيح يفتحها فيها حقنه صغيره يركبها و يضربها فى قلب نجاه و يضغط على صدرها و هو بيعمل سى بى ار و يفك الكمامه و يديها نفس و يرجع يعيد من الاول 
جوزيف / فوقى فوقى خليكي معايا بلاش جنان فوقى
جوزيف يديها نفس تفتح جوزيف يرجع بعيد نجاه تسحب نفسها و تقعد و تسند على الحيطه و تبصله بصدمه و هو عمال يلف حوالين نفسه و هو بيغلى و يزعق
جوزيف / انا مش مصدقك حقيقي مش مصدقك انتى مجنونه انتى حقيقي مجنونه
نجاه / رشيد
جوزيف يتشل مكانه و يبصلها بصدمه
نجاه / لا مستحيل ... مستحيل مستحيل ... انت مستحيل تكون عم رشيد ... دا فى سن ابويا انت صغير انت فى سن اولا... يونس
جوزيف يجرى عليها و يخنقها و هى مبرقه و مرعوبه من ملامحه اللى كلها غضب
جوزيف / انتى عرفتى الاسمين دول ازاى انطقى بدل اما ادفنك مكانك و عليا و على اعدائى
نجاه / يعني حقيقي ... انت يونس حقيقي ... انت يونس ابن عم رشيد حقيقي
جوزيف يسيبها و يقوم يقف بعيد و هو ماسك دماغه
جوزيف / ما حدش عايش يعرف اسم يونس ده الا بابلو امايا نفسها ما تعرفوش و رشيد ده ما حدش فى الدنيا يعرفه ... انا نفسي ما كنتش اعرف ان رشيد دا اسم راجل كنت فاكرها البلد... اللى بيحصل ده مستحيل  .. مستحيل تكونى بالذكاء ده و مستحيل تكونوا عرفتوا عنى حاجات ما فيش مخلوق غيركوا يعرفها
جوزيف يقرب منها و ينزل على الارض فى مستواها
جوزيف / اتكلمى ... قوليلى الحقيقه و انا مش هاذيكي ... مين رشيد و يونس دول
نجاه / انا مش مصدقه اصلا ... رشيد يبقي صاحب عمى مختار و مات فى حرب البى كاى من فوق العشرين سنه و مدفون عندنا فى البلد و له صور كتير فى الالبومات عندنا فى المكتب و يونس يبقي ابنه اللى اتخطف من عصابات البى كاى ... انا اهلى بيدوروا عليك من سنين
جوزيف / انتى كدابه
نجاه/ انا اقدر اثبتلك انا اقدر اثبتلك إنك يونس ابن رشيد ... صدقنى لو دى ملامحك الحقيقيه تبقي هو مستحيل الشبه ده يكون صدفه
جوزيف / لا ممكن عادى اكيد ما اختارونيش من فراغ
نجاه / ممكن ... بس اسم رشيد و يونس اتحطوا فى دماغك ازاى ليه وقفت لما سمعت الاسمين دول ليه بتعرق اوى كدا و متوتر ليه نسيت تسيب فرق المسافه بينك و بين الخصم ... عشان انت من جواك عارف انك يونس
جوزيف يروح ناحيه باب امايا و يشغل شاشه الكاميره اللى جوه يلاقيها واقفه بتبص على الكاميرا قدام الباب مستنياه يفتح نجاه تقف و هى بعيد جوزيف يبص لنجاه و عنيه كلها دموع و غضب و نفسه عالى و مش قادر يتحكم فيه
نجاه / جثه ابوك مدفونه عندنا فى البلد اعمل دى ان ايه و اتاكد بنفسك
جوزيف / انزل البلد عشان اندفن فيها قبل حتى ما رجلى تخطيها
نجاه / انا هحميك منهم ... كلمه شرف ... عهد قدام ربنا انك طول ما انت مش ناوى شر لاهلى مش هسمح لحد من اهلى ياذيك 
جوزيف / و انا اهبل هصدق
نجاه / اعمل اللى انت شايفه صح
جوزيف يبص على امايا جوه واقفه مستنيه حد يفتحلها و يبص لنجاه
جوزيف / بابلو دلوقت قدام بيت اهلك مستني فرصه يعني لو روحتى هناك هيقتلك و لو حاولوا يخرجوا لك هيقتلهم
نجاه / اديني تليفون و انا هكلمهم و هم هيتصرفوا صدقنى احنا عددنا هنا اكتر ما انت متخيل بكتير
جوزيف يبتسم بسخريه
جوزيف / انا هسيبك ترجعى بس هبقي قريب جدا منك و اى غدر اى حركه منك او منهم
نجاه / مش هيحصل
جوزيف / الاسوره فى ايدك كدا كدا انتى تحت رحمتى امشي قدامى
نجاه تمشي جوزيف يبص على الشاشه لاخر مره و يمشي وراها يطلعوا من المبنى جوزيف يروح ناحيه موتوسيكل ياخد خوزه و يدى لنجاه خوزه
جوزيف / اللبسي دى و نطى ورايا انا هوديكي لاقرب مكان يقدروا ياخدوكى منه
نجاه تلبس الخوزه و تركب و تسيب مسافه بينهم جوزيف يسوق بسرعه نجاه تمسك فى جوزيف
......................
فى عربيه بابلو
موبايله توصله رساله يفتحها يلاقي صور جوزيف و هو بياخد نجاه ورا ضهره على الموتوسيكل و يمشي
بابلو / يا ابن الكلب يا جو ... امايا !!
بابلو يسوق بسرعه و يجرى يرجع
.......................
فى الفيلا عند جابر
جابر / ها ايه رايكوا
صابر / تنفع بس لو احنا بنصور فيلم اجنبى
جابر / انا لسه قافل مع دياب و قايلى انها هتعدى من تقنيه التعرف على الوشوش
صابر / انت مش بتتعامل مع هواه ... اللى يقدر يعمل كل ده اكيد بيستخدم برامج تانيه خالص
همام / انا بقول نجرب خالت كان بها ما خالتش اكيد برده هيبقي ليهم اى رد فعل
صابر / تمام انا كدا كدا مش هقول لاى باب ممكن يوصلنا لاى حاجه بدل قعدتنا دى
همام / تمام يا جابر شوف هتنفذها ازاى بس حاول تنجز فى الوقت
تليفون جابر يرن
جابر / ثوانى ... السلام عليكم
نجاه / انا نجاه يا جابر انا بخير
جابر يتنفض يقف و ايده بترتعش صابر و همام ينتبهوا و يركزوا معاه و هم مش على بعضهم
جابر / نجاه !!
همام و صابر يقفوا
جابر / انتى فين انتى فين و انا اجيلك قوليلى بس انتى فين
نجاه / انا بخير بس الفيلا متراقبه و مش هقدر اقرب منها و لا انتوا ينفع تخرجوا بسهوله انا لازم اقابلك بره ... جابر انت لازم تثق فيا تمام
جابر / اكيد واثق فيكي
نجاه / تمام هبعتلك لوكايشن تقابلنى فيه ... جابر ... دا مش فخ باماره ما عيطت فى جيم و انت وعدتنى انك عمرك ما هتقول لحد فاكر انا نجاه بجد يا جابر
جابر / و الله و لو فيها فخ لاجيلك طاير ابعتى اللوكايشن
نجاه / خد بالك و انت خارج و خد بالك لحد يجي وراك
جابر / ما تخافيش ابعتى بس العنوان
.....................
قدام الشركه
مختار يفرمل العربيه بسرعه و ينزل بيجرى يطلع السلم جرى و يدخل يلاقي الشركه مقلوبه و الكل شغال زى النحل يجرى على المكتب
مختار / ايه اللى حصل طمنونى ايه اللى سمعته ده
دياب / نجاه كلمت جابر و ادته لوكايشن و هو فى الطريق ليها
مختار / متاكدين انها نجاه ... يكون حد لاعب فى صوتها
منصور / هى احنا متاكدين انها هى و حددنا مكانها من المكالمه و فعلا هى قريبه جدا من اللوكايشن اللى بعتته
مختار / حددتوا مكانها بسهوله
منصور / هم عاوزينا نوصلهم بس انا مش فاهم ليه
دياب / احنا كدا كدا غطينا البلد كلها بالدرونز و تقريبا دخلنا على سيستم كاميرات معظم المحلات اللى حوالين اللوكايشن يعني هنامنه على قد ما نقدر
وفاء / هو اصلا مش فارق معاه طاير بشكل جنونى
مختار / خليكوا وراه على ما اعمل تليفون
دياب / الكبير عامل ايه
مختار / ركز فى اللى فى ايدك و كل حاجه هتبقي تمام
دياب يبص لوفاء بحرج و يكمل شغل مختار يروح ناحيه الشباك بيتكلم فى التليفون
مختار / ايوه يا صابر انتوا فين
.......................
اوضه جوزيف مكان ما كان خاطف نجاه 
بابلو يدخل بيجرى يشوف الشاشه يلاقي امايا محبوسه فى اوضه نجاه يروح يجرى يفتح لها
امايا / اخيرا انتوا نسيتونى و لا ايه
بابلو / حبيبك اخد الحته و خلع لازم نسيب المكان و نمشي فورا اكيد زمانهم جايين يقبضوا علينا
امايا / انت بتتكلم عن مين ... جو !!! مستحيل يعمل كدا ابدا انت اكيد غلطان
بابلو / انتى لسه بتفضليه عنى بعد ما هرب مع نجاه و سابك محبوسه ... دا انا رجعتلك مخصوص ... بصي بنفسك يمكن تعرفى الحقيقه
بابلو يورى امايا الصور مش مصدقه عنيها
بابلو / كان بيستغلنا مش اكتر و دلوقت قرر ياكل التورته كلها لوحده و يرمينا بره بس انا مش هسكت هبوظها عليه
امايا / طب كلمته حاولت توصله و تعرف عمل كدا ليه
بابلو / مين بعت الصور دى هاه ... جوزيف خان المجلس و اكيد هيصفوه و لو المجلس اعلن الكلام ده انا اول واحد هصفيه بنفسي
امايا / مستحيل يعمل كدا اكيد فى حاجه يمكن جاتله تعليمات جديده دى مش اول مره يختفى صدقنى بتبقي تعليمات غصب عنه
بابلو / انتى غبيه بشكل مش طبيعي لو المجلس هو اللى امره ياخدها و يرجعها لاهلها ليه يبعتولى الصوره الحق امنعه
امايا / المجلس ما عندوش غيرك يلحقه يعني امال ايه ايديهم طايله و ليهم رجاله فى كل حته و بيراقبونا طول الوقت
بابلو يكتم نفس امايا
بابلو / اخرسي انا كلمت ابيك و هى اتحركت و احنا كمان لازم نتحرك حتى هيلجا بلغتها و اتحركت هى كمان
امايا / هيلجا مع جو اى كانت العواقب معاه بنتها
بابلو / هنشوف الموضوع ده ... اتحركى
امايا و بابلو يرجع اوضه جوزيف بابلو يزرع قنبله و يمشوا
......................
فى حاره سد
جابر ماشي لحد ما يوصل لاخرها و حاطت ايربود فى ودنه
نجاه / ادخل الباب على يمينك
جابر يفتح الباب و يدخل يلاقي سلم طالع و نازل
نجاه / انزل و امشي لحد ما تلاقى سلم تانى انا الناحيه التانيه منه
جابر ينزل و يمشي فى ممر طويل لحد ما يلاقى سلم تانى طالع اخره باب يفتح الباب ما يلاقيش حد يقف يبص حواليه نجاه تطلع من باب تانى جابر يجرى عليها و يقف قبلها بخطوه
جابر / انتى بخير ... الحمد لله انك بخير 
نجاه / هوريك حاجه ما تتخضش تمام ... ثق فيا 
جابر يهز راسه نجاه تروح تفتح الباب ضل راجل جوه جابر يجي يطلع مسدسه نجاه تجرى عليه تمنعه جوزيف يطلع جابر يتشل من المفاجاه
جابر / عم رشيد
نجاه / صدقتنى ... دا يونس يا جابر ... غيروا اسمه و خلوه جوزيف بس هو يونس بتاعنا ... كان معاهم طول الوقت ده
جابر / ازاى
نجاه / لازم نرجع بيه البلد و نعمله دى ان ايه و نتأكد ان هو
جابر يبص لجوزيف و مستغرب
جابر / دا منهم
نجاه / مننا ... احنا مش هنسيب لحمنا لعبه فى ايديهم اكتر من كدا احنا اولا باولادنا
جابر / فوقى دى ممكن تكون لعبه بينهم عشان يدخلوا وسطينا
نجاه / كانوا اقرب لينا مما تتخيل هيلين و اميره و بلال كلهم كانوا رجالته
جابر / اميره طلعت عايشه فعلا مش تهيات ... يعني ابتسام كانت
جوزيف/ ابيك ...  اسمها كان ابيك و اه كان فى اكتر بكتير من دول كمان
جابر يبصله و يبص لنجاه
نجاه / ثق فيا ... على فكره ما حدش لمسنى انا زى الفل خدنى اكشف عليا و اتاكد ... لو ما طلعتش زى ما قالوا اقتلنى و اقتله
جابر / ما يفرقش معايا اتاكد اى كان اللى حصل ما يفرقش معايا المهم انك رجعتى المهم انك بخير
نجاه / يفرق معايا انا لو ما طلعتش تقتلنى عشان ما تجبرنيش اموت نفسي... ابويا عامل ايه يا جابر 
جوزيف / احنا ما عندناش وقت للهبل ده كله بابلو هيقدر يوصلنا بسهوله لازم ننزل مصر فى اسرع وقت البلد هى أمن مكان ليكي دلوقت ... مع انى ما اعتقدش هيسكتوا على اللى حصل
جابر / احنا هنطلع على المينا و هناك هنركب كونتاينر على اول مركب راجعه مصر الطريق صعب شويه عليكي بس هتقدرى تمام
نجاه / هيجي معانا
جابر يوطى على نجاه
جابر / مش مرتاحله
نجاه / هيقتلوه ... هو اللى خرجنى من وسطهم... ليه حق عندنا ... ابوه ليه حق عندنا
جابر / دا جوزيف هاه
نجاه / ابويا اللى هيحكم دلوقت لازم نتحرك ... انت واثق فيا صح
جابر / على حياتى
نجاه تبتسم
نجاه / عاوزين نروح مستشفي نتطمن عليا الاول
جوزيف / زى ما استلمتك زى ما رجعتك كفايا صياح بقي
نجاه / نتاكد برده حتى لو طلعت يونس انت لحد اللحظه دى لسه جوزيف
جوزيف / ماشي whatever فى مستشفي قريبه ممكن نروحها بسرعه عشان الوقت
جابر / مش هنروح مكان تبعهم هننزل مصر و اول ما نوصل للمينا هاخدك لاقرب مستشفي و نطمن لكن هنا لا
جوزيف / بصوا بصوا انا دلوقت حوار رشيد و يونس ده مش مخليني مركز كويس بس كدا كدا نجاه لازم ترجع رسمي عشان ما تفتحوش على نفسكوا سين و جيم صورتها فى كل بلاد العالم هتقول انها فاقت لقت نفسها فى الشارع و ما شافتش اى حاجه و ما تعرفش اى حاجه و كل اللى دخل بطريقه لازم يرجع بيها و انا كدا كدا هظبطلكوا تسجيلات الكاميرات ... دى لعبتى اصلا
نجاه / و انت
جوزيف /  انا شبح لا ينفع اروح قسم و لا ترصدنى كاميرات المطارات ... هقابلك فى البلد لما تروحى بالسلامه ما تقلقيش عليا
جابر / ما تولع هى هتقلق عليك بتاع ايه اصلا
جوزيف يبتسم بسخريه و يفتح الباب و يمشي
نجاه / اهدى اهدى ... خدنى دلوقت لاقرب قسم هقول انى صحيت لقيت نفسي نايمه فى مكان غريب و كلمتك و اتقابلنا و جبتنى و جينا على القسم تمام
جابر / امرى لله ... حاضر
نجاه / ابويا عامل ايه يا جابر
جابر / تعبان يا نجاه اكيد تعبان يعني
نجاه عنيها تتملى دموع
جابر / خلينا نخلص و نروحله اكيد لما هيسمع صوتك هيطمن عليكي تمام يلا العربيه مستنياني يلا يا ست البنات يلا
نجاه تهز راسها و تمشي و جابر وراها
.............................
فى المستشفي
خديجه تدخل بتجرى تلاقى عباده واقف مع عبد الله بيهز راسه
عبد الله / الموضوع كدا ما يتسكتش عليه يا كبير العلاج ده لازم تلتزم بيه ... اهلا يا ام فارس تعالى بعد اذنك
خديجه / كلمت نجاه بصحيح لقوها و راجعه
عباده / ما كلمتكيش
خديجه / لا ما كلمتنيش عمران اللى كلمنى و قالى انهم راجعين باذن الله كلهم و همام و الرجاله معاها فى القسم و لما تخلص هتكلمنى بنفسها الكلام ده بجد و لا لا انا مش هستحمل
عباده/ باذن الله هتبات فى فرشتها النهرده
خديجه / احمدك و اشكر فضلك يا رب
عبد الله / طب ممكن بقي تركزى معايا دقيقه و تشوفى الدوا ده عشان خاطر جوزك كمان و لا ان جت نجاه خلاص نحلق لعباده مع احترامى يا كبير
عباده يضحك و باين عليه التعب
خديجه / و احنا لينا بركه غير ابو فارس وريني الروجته و انا ههتم بيه بنفسي
عبد الله / اتفضلى ... انا هروح ابص على باقي الناس
عباده / اتفضل
عباده يقعد على اقرب كرسي
خديجه / مالك مش المفروض تكون فرحان
عباده / فرحان يا خديجه ... الارض مش سيعانى بس جسمي خاينى مش قادر اعصابى كلها سايبه و عضمى بيوجعنى
خديجه / سلامتك يا خويا اللى حصل ما كانش شويه برده بس اهى كلها كام ساعه و تيجي تترمى فى حضنك دا احنا بنعمل ولايم فى السرايا عندنا
عباده / خديجه ... الناس منصابه فى عيالها و اللى وقعوا مننا كتير ... اهدوا شويه
خديجه / معاك حق فاتتنا دى يا خويا صح هقولهم هكلمهم و اقولهم... بس احنا برده معزورين ... دى كانت حاجه تانيه و انت فاهم
عباده يمسك ايد خديجه و يبوسها تاخده فى حضنها
خديجه / انا ما بطلتش صلاه و دعا و ربنا استجاب انا لازم ادبح و اكل الناس يا عباده دا الصدقه دى اللى حايشه عننا
عباده / بالاصول هنعمل كل ده بالاصول ترجع بالسلامه و باذن الله كل حاجه هتتصلح و تبقي احسن من الاول كمان
خديجه تنزل على ركبها قدامه
خديجه / طول ما حسك فى الدنيا كل حاجه هتبقي تمام
........................