((((((( الكبيره ٢ ))))))
#لولو_محمد
الحلقه ١٢٨
فى المطبخ
نجاه بتطلع طبق محشي من الميكرويف
نجاه / و بتاكلونى انا شوربه و تستغربوا هفتانه ليه دا انتوا عيله ظالمه
نجاه تاخد الطبق و تطلع ناحيه اوضتها و هى بتلقط من الطبق جوزيف ينزل يشوفها مش واخده بالها منه خالص يفضل واقف متابعها و مبتسم لحد ما تقرب منه و هى لسه بتاكل
جوزيف / و لما نطلع على الميزان بنعيط
نجاه ترفع عينها تشوفه تتفزع و تيجى ترجع لورا رجلها تفلت و الطبق يقع جوزيف ياخد خطوه بسرعه و يمسكها و يشدها عليه قبل ما تتقلب على ضهرها و هى لسه مفزوعه
........................
قدام اوضه احلام
احلام / انتوا بجد هتسافروا دلوقت
امين / مفيش سبب يخلينا نستنى و بعدين انتى عارفه البلد ياما بيحصل فيها لازم نبقي هناك
احلام / مش مرتاحه انى ابقي لوحدى
ام احلام/ و احنا يعني قاعدين جنبك ما انتى مع جوزك و بعدين احنا على بعد رنه منك انتى عارفه اخواتك
احلام / طب طمنونى عليكوا لما توصلوا
امين / ما تقلقيش علينا ركزى انتى فى نفسك
امين يوطى على احلام و يوشوشها
امين / ما تسمحيش لحد يستفزك انتى بنت أصول و متربيه
احلام / مش محتاجه ما تقلقش
امين / عارف ... يلا فتك بعافيه ... خد بالك منها يا قاسم
قاسم واقف بعيد بيتكلم فى التليفون يقفل بسرعه و يروح لهم
قاسم / فى عيني ما تقلقش عليها .. العربيات جاهزه تحت و همام و الرجاله مستنينكوا
ام احلام / مش هوصيك دى الغاليه
قاسم / فى قلبي و الله ما تخافى
ام احلام / استودعتكم الله الذى لا تضيع ودائعه
قاسم / هاجى اوصلكم
امين / خليك يا عم دا مسافه السلم اهدى كدا
امين يقفل الباب احلام تبص لقاسم
احلام / مالك شكل فى حاجه
قاسم / مفيش الحمد لله كلو خير
احلام / انتوا بتخبوا عنى حاجه و بما انك عارف انى كدا كدا بعرف كل حاجه فليه بقي
قاسم / هو مش انا قولت كله خير ... انتى ليه مصره تتكندى و تجيبي القلق ... خلينا ننبسط بقي باليومين اللى هنقعدهم هنا دا احنا غلابه و الله مش كفايا لغينا الفرح
احلام / و الله ما كان فارق معايا... بصراحه كدا احسن
قاسم / ازاى يعني ؟
احلام / كنت هبقي واقفه لوحدى
قاسم / و انا ؟!
احلام/ انت فاهم قصدى
قاسم/ طب ايه رايك فى فرح اكون انا و انتى فيه لوحدنا
احلام / ما بتشبعش أفراح انت يا لئيم
احلام تمسك قاسم من خدوده
قاسم / دى نقره و دى نقره .. انا كنت بتكلم عن حاجه تانيه بس دا ما يمنعش انى ما اقولش للنقره اياها لا ابداااااااا
احلام / و الله انا ما فاهمه منك حاجه
قاسم / اوضتنا فى الفندق لسه محجوزه ايه رايك نروح نقضي فيها
احلام / يا ابنى عدى اليومين دول على خير مامتك عوزاك جنبها افهم بقي
قاسم/ لماح انت يا وحش
احلام / بص انا عذراها خصوصا بعد حوار اخوك هى ما عادلهاش غيرك انا فاهمه ده خلينا نثبت لها انك هتفضل جنبها
قاسم / بس انا عاوز انبسط معاكى انا من حقى
احلام / ما احنا ممكن ننبسط هنا برده و بكره هنروح نقضي اليوم كله سوا فى المطعم زى ما كنا مرتبين فكبر دماغك بقي
قاسم / المطعم دا شغل مش فسحه
احلام / و ماله اشتغل معاك
قاسم / ما عندناش حريم بتشتغل
احلام / ما انا مش هشتغل عند حد ... انا هشتغلك انت
احلام و قاسم يضحكوا
قاسم/ سبيني افكر فيها
احلام / كدا كدا انا جايه معاك فما تحاولش
قاسم / يعني هنقضي الليله هنا يعني
احلام / استمتع هنا أو هناك استمتع و انبسط
قاسم / للصبح ... كفايا تؤمري بس
احلام تضحك قاسم يحضنها
.......................
على السلم
جوزيف / ايه يا مجنونه شوفتى عفريت
نجاه تبعد جوزيف عنها
نجاه / انا اللى مجنونه !!! هيقتلوك يا متخلف
نجاه تبص يمين و شمال و تمسك ايده و تشده و تنزل تجرى و هو بيجرى معاها و بيضحك تروح ناحيه البوابه
نجاه / انت ايه اللى جابك هنا اصلا
جوزيف / انا اصلا
نجاه / ششششش وطى صوتك انت عاوزهم يقتلونا وطى صوتك
جوزيف يهز راسه نجاه تفتح البوابه بالراحه و تبص تلاقي شاكر واقف بيضحك و يتكلم مع رجاله
نجاه / الطريق من هنا مش أمان
جوزيف / ممكن نطلع السطح و ننط من على المواسير من فوق
نجاه تبص له مبتسم اوى
نجاه / مش وقت استفزاز انا بحاول انقذ حياتك هنا
جوزيف / ليه ؟
نجاه / شششش دا انت ... انت عارف من هنا للسطح هتعدى على كام اوضه و كام باب متخيل لو باب واحد اتفتح و شافوك هيجرا ايه... اسكت و سبنى انا اتصرف
جوزيف يتنهد نجاه تبص تانى
نجاه / اكيد هيفضلوا طول الليل رايحين جايين كدا طول الليل طول الليل
حد من الرجاله يبص على البوابه جوزيف يشدها و يقفل البوابه
جوزيف / حاسبي كانوا هيشوفوكى
نجاه / تعال
نجاه تشده يروح معاها ينزل الجيم توقفه عند الباب و تزنقه بايدها على الحيطه و تبص مفيش حد تشده و تدخل يشوف مفيش حد يشدها يوقفها
جوزيف / احنا جايين هنا ليه ؟ اننا نتقفش على السلم اهون بكتير من هنا
نجاه / هتستنانى هنا و انا هطلع السطح اتأكد أن الطريق فاضي و انزل اجيبك من هنا
جوزيف / و ان حد جه و انتى فوق اعمل ايه ؟
نجاه تتنهد و تفكر ثوانى
نجاه / اقفل الباب عليك و ما تفتحش و هم هيفتكروا ان انا اللى جوه و هيتصلوا على الموبايل بتاعى ساعتها هنزل و اقول لهم اى حاجه اهم حاجه مهما حصل مهما حصل سامعني ما حدش يشوفك
جوزيف / ليه طيب
نجاه تتعصب / عشان ما اقتلكش مش قادره لك
جوزيف / طب حاضر طيب اهدى هيسمعوكى هم كدا
نجاه / تمام ... استنى هنا
جوزيف يهز راسه و هو مبتسم جدا
نجاه / ما تضحكش
جوزيف يغطى بقه بايده نجاه تمشي و تروح ناحيه السلم الطبق واقع و المحشي تلمهم مختار ينزل يشوفها
مختار / نجاه ؟! خير ايه اللى مصحيكى السعادى
نجاه / عمى !! مفيش ... مفيش ... جوعت بس ... مفيش
مختار/ طب ما ناديتيش اى حد ليه و ارتحتى يا بنتى ... عنك عنك انا هلمهم انا
نجاه / لا لا خلاص لميتهم خلاص ما تتعبش نفسك انا لميتهم خلاص ... هو حضرتك كنت رايح فين ؟
مختار / مش عارف انام دماغى عماله تودى و تجيب فى اللى بيحصل فى البلد
مختار يقعد على السلم قرب نجاه و هى عماله تعرق من التوتر
مختار / مش عارف اخرتها ايه بجد
نجاه / ايوه بس الموضوع ده مش هينفع تفكر فيه و حضرتك مرهق دا بالعكس المفروض ترتاح كدا و تنام عشان تفوق الصبح بدرى كدا و فايق
مختار / هو انتى كويسه ؟
نجاه / اه كويسه مالى انا كويسه اهو
مختار / مش عارف وشك عمال يعرق لتكون عندك حراره داخليه و لا حاجه يا بنتى قيسي حرارتك و لا خبطى على مريم تبص عليكي
نجاه / لا لا لا انا زى الفل .. هو الجو بس حر شويه هنا ... بفكر اطلع على السطح اشم شويه هوا
مختار / تمام تعالى هطلع معاكى
نجاه / لا لا ما لوش لازمه اتعب حضرتك على الفاضي انا اساسا يعني كنت بصراحه محتاجه اقعد لوحدى شويه
مختار / تمام زى ما تحبى ... على العموم لو احتاجتى حاجه انا هبقي فى الجيم تحت
نجاه / ايه !!! ... لا ... الوقت متأخر دلوقت على الجيم
مختار / ايه الجديد ما معظمنا بنحب ناخد راحتنا فى الجيم و البيت نايم
نجاه / اه صح !!
نجاه تبص لمختار و هى متوتره و باين عليها التوتر
مختار / انتى كويسه ؟ عاوزه تقوليلى حاجه ؟!
نجاه متردده
نجاه / انا قابلت يونس على السلم هنا و اتخضيت و حاولت اهربه لقيت الرجاله بره خبيته فى الجيم
مختار ياخد نفس و يبتسم
مختار / خبيتيه من مين
نجاه / منكم ... انا اسفه بس انا خفت يحصل حوار
مختار / هو انتى ينفع ما تتصرفيش من دماغك تانى و ترجعي لينا مره فى حياتك لو مش هيضرك يعني ؟
نجاه/ ابويا لو شافه مش هيسيبه
مختار / لو هو غلطان يبقي يستاهل
نجاه / ما اعرفش هو عمل كدا ليه اصلا بس انا متاكده ان له سبب بس بابا مش هيسمعه ما حدش هيسمعه حضرتك الوحيد اللى بتحبه عشان كدا اتشجعت و قولت لك
مختار/ يعني لو حد غيرى كنتى هتكملى فى الكدب لحد ما تقدرى تهربيه ؟
نجاه تبص فى الارض
مختار / طب ايه رايك بقي ان يونس كان هنا بعلمى و كان بايت فى سرير شاكر بعلمى و كان ممكن يخرج من الباب ده عادى و لا حد هيكلمه بس انتى بقي عشان بتتصرفى من دماغك عملتى حوار كان ممكن يحطك انتى بس فى مشكله ... تخيلى لو ابوكى كان هو اللى نزل و شافك و انتى بتهربيه كان مصيرك انتى ايه دلوقت يا نجاه
نجاه تبص لمختار و ترجع تبص فى الارض
مختار / هو السؤال ليه ما قالكيش اصلا ... اطلعى نامى و انا هنزل الجيم اطلعه و اتكلم معاه انا متاكد انك اتعلمتى حاجه من اللى حصل و باذن الله يكون هو كمان اتعلم
نجاه / انا اسفه
مختار/ لو جعانه روحى اغرفى لك طبق تانى بدل اللى وقع ... و ما تفكريش فى اللى حصل و خليه سر بينا اتفقنا
نجاه تهز راسها ماشي و تقف بالطبق مختار يقف و يروح ناحيه الجيم و هى متابعاه ثوانى و يطلع لها
مختار/ ما هواش جوه
نجاه/ ازاى؟!!
نجاه تنزل جرى من فوق
....................
فى اوضه احلام فى سرايا الزنايته
جابر قاعد على السرير و فى ايده شيكولاته يطلع موبايله و يصورها و يبعت رساله
جابر / كنت راجع من بره و جايب شيكولاته و نسيت انك مشيتي احساس صعب اوى لما دخلت اديهالك و ما لقيتكيش
جابر يبعت ثوانى و تليفونه يرن فيديو كول احلام يرد
احلام / و لما اعيط دلوقت هتبقي مبسوط يعني
جابر / عامله ايه
احلام / واحشنى جدا
جابر / و انتى اكتر ... الواد اللى معاكى ده بيعاملك حلو
قاسم يظهر فى الفيديو
قاسم / تعال شوف بنفسك ... طمنى عليك عامل ايه
جابر / مش طايقك
قاسم / حقك مش هقدر اللومك و بعدين ما انا سايب لك رهن يعني
احلام / الشيكولاته تتعان لى لحد ما ارجع فاهم
جابر / ما اوعدكيش بصراحه انا كل يوم هاكل منها حته شوفى انتى بقي
قاسم / ما تدخلش من حته الاكل عشان دا مش ملعبك و هتزعل منى جامد فيه
احلام / و الله لو دخلنا الملعب ده هنزعل كلنا ... بس عموما انت بجد واحشنى اوى اخبار مازن ايه تعبكوا فى الملاهي؟
جابر / لا خالص كان عسل كالعاده لسه سائل عنه من شويه نايم فى سابع نومه متفرهد جامد... حلو اختراع الملاهي ده انا عرفت السر خلاص
قاسم/ فكر بجد تيجي يومين تغير جو هنا صدقنى هيفرق معاك جامد
جابر / صدقنى كان نفسي بس فعلا ورايا هم ما يتلم هنا ... على العموم انا مش هبقي عزول اكتر من كدا انبسطوا و ابقي اكلمكوا تانى بعدين
احلام/ خد بالك من نفسك
جابر / حبيبي
احلام تشاور له باى و تقفل يتنهد و ينزل
........................
فى الجنينه
جوزيف واقف بيضحك مع شاكر و الرجاله
جوزيف / يا عم كان حد صحانى انا الغلطان اصلا و الله
شاكر / يا عم انا عارف و الله و بعدين ما حصلش حاجه
جوزيف / لا بس الملوخيه كانت جامده بس الواحد ياخد باله بعد كدا
راجل / ما بيتقالهاش لا دى
جوزيف / و الله عندك حق حقيقي تسلم ايدين اللى طبخ
فجاه مختار يدخل و يشد جوزيف من قفاه و الكل متفاجئ و جوزيف بيضحك
جوزيف / طب بالراحه طيب هاجى معاك بالراحه
مختار ياخده فى جنب و الكل متابع
مختار / انتوا ناويين تجننونى صح ؟ ايه اللى خرجك من الاوضه ؟
جوزيف / هعيش هنا يعني و لا ايه ؟ بص مش هقول لا بس
مختار/ ركز معايا انت فاهم قصدى كنت رنيت لى نزلتك ... انت عارف لو كنت قابلت اى واحده غير نجاه كان ايه هيكون مصيرك ؟
جوزيف/ نجاه ! اه ! هى
مختار / هى حكت لى كل حاجه
جوزيف / حكت ايه مفيش حاجه تتحكى اصلا اتقابلنا صدفه انا نازل و هى طالعه اول ما شافتني فضلت تجرى و تحاول تخبيني ... حاولت اشرح لها ما كانتش بتسمع خالص
مختار / يونس انا ما بهزرش
جوزيف / و الله و لا انا ... ما كانش المفروض تسيبونى نايم اصلا انا ما بنامش دلوقت
مختار / بقينا احنا الغلطانين يعني
جوزيف / لا يا سيدي انتوا ناس زى الفل و زى العسل و انا شخصيا انبسطت جدا النهرده ... و دا بجد مش مجامله ... بس انا اخر حاجه عاوزها دلوقت هى انى اعمل اى مشكله او حوار لنجاه مع ابوها .. انا مش فاهمه اصلا
مختار / و الله و لا انا فاهمني فى اللى بعمله بينكوا ده .. يا حبيبي افهم انا خايف عليك
جوزيف / لا يا سيدي ما تخافش عليا ... انا اخر واحد فى المكان ده تخاف عليه ... اصل هيجرا لى ايه يعني ... مش بتقولوا عمر الشقي بقي ... و انا مفيش فى شقاوتى يا ميخا
مختار / هفتح دماغك
جوزيف / خلاص خلاص و على ايه
جوزيف يبص ورا يشوف نجاه بتبص من ورا الباب يبتسم
جوزيف / اقنع عباده امرنها ... صدقنى هنقلها فى مستوى تانى خالص
مختار / ما تجازفش بنفسك يا يونس دلوقت اهدى و سيب الدنيا تمشي على مهلها
جوزيف / ما انا سايبها و بيتهيألي انك شايف بعنيك انها ماشيه لصالحى
مختار / مش واثق من الموضوع ده
جوزيف/ مش هجادلك ... هسيبها تمشي على مهلها لحد ما تبقوا مش قادرين تنكروا الحقيقه... نجاه معجبه بيا زى ما انا معجب بيها
مختار / مش قولت مفيش كلام فى الموضوع ده تانى
جوزيف / ما رأيت للمتحابين مثل النكاح
مختار / مش بالبساطه دى ؟
جوزيف / ربنا هيحاسب اللى هيمنعنا و انت عارف ده مش انا اللى هعلمكوا دينكوا
مختار / لو ليك نصيب فى حاجه هتاخدها
جوزيف / انا كدا كدا هاخدها انا بس مش عاوز ازعل حد
جوزيف يسيب مختار و يمشي مختار يحصله و يشده من دراعه يخليه يبص له و يضربه بوكس يوقعه فى الارض الكل ينتبه و نجاه تفتح الباب و تطلع خطوه و هى متفاجاه و الكل مستنى رد فعل جوزيف اللى ساكت و باصص لمختار
مختار / انا بحبك زى ابنى بالظبط بس دى بالنسبالى خط أحمر
جوزيف يهز راسه و يقوم ينفض هدومه و يمشي فى منتهى الهدوء
شاكر / يونس ... يونس ... فى ايه يا بابا ايه اللى حصل لكل ده
مختار / مفيش حاجه ... انا طالع انام
مختار يدخل شاكر يبص للرجاله
شاكر / عن اذنكم
شاكر يجرى ورا جوزيف مختار يعدى من جنب نجاه تبص له بحزن
مختار / اطلعى ارتاحى شويه انتى تعبانه و لسه جايه من المستشفي
نجاه / ليه ؟ .. عمل ايه ؟
مختار / موضوع بيني و بينه و لو ما كانش غلطان كان خد رد فعل و لا انتى رايك ايه ؟
نجاه / ما ليش راى ... عن اذن حضرتك
نجاه تجرى على اوضتها و مختار متابعها تقابل جابر نازل
جابر/ خير يا نجاه فى حاجه ؟
تجاه / مفيش... عن اذنك
جابر يروح لمختار
جابر/ فى ايه خير ؟ مالها نجاه ؟
مختار / مفيش حاجه يا جابر ... كنت فين كدا خير ؟
جابر/ انا نازل من فوق مش جاى من بره على العموم كنت فى اوضه احلام
مختار / ما كنتش متخيل انها هتوحشني بالسرعه دى ... يلا اهم حاجه تكون مبسوطه بس
جابر / ربنا يسعدهم و يهدى سرها
مختار/ امين ... انا هطلع انام هتعوز منى اى حاجه ؟
جابر / تسلم ما اتحرمش
مختار يطلع و جابر يطلع بره يلاقي الرجاله بتتودود يروح يقف معاهم
جابر / خير فى حاجه حصلت و لا ايه ؟ مالكم متجمعين كدا ليه ؟
.......................
فى عربيه شاكر
جوزيف ساكت
شاكر / ما هو المشكله انى عارف قد ايه ابويا هادى مستحيل يتعصب بالشكل ده من غير سبب
جوزيف / انا السبب
شاكر / بس هو بيحبك جدا... انت عملت ايه
جوزيف / مش مشكله يا شاكر كبر دماغك موقف و عدى
شاكر / طب تحب تيجي تقعد معانا شويه فى الجبل انت نمت شويه يعني عادى لو سهرت هتنبسط باذن الله يعني
جوزيف / انا كدا كدا مبسوط و صدقنى ما فيش حاجه فى الدنيا ممكن تبسطني اكتر و لا هسمح لحاجه انها تضايقني و تضيع فرحتى فعادى
شاكر / ما اعتقدش ان فى حاجه حصلت ... مش عارف يعني ... خير فرحنى معاك طيب
جوزيف/ كلنا بخير يا شاكر و كل الناس فى بيوتها دا سبب كافي نفرح عشانه اصلا
شاكر / الحمد لله بس ...بص انا ما بحبش اتطفل على حد فلو مش عاوز تتكلم براحتك .. بس فى نفس الوقت انت يمكن ما تعرفنيش اه بس انا بحفظ الاسرار حلو اوى و هساعدك على قد ما اقدر فلو حبيت فى اى وقت تتكلم معايا او تفضفض او تستامنى على سر صدقنى هكون سعيد جدا و مش هتندم باذن الله
جوزيف يخبط على كتف شاكر
شاكر / عندنا بكره صحيح لعب فى الملعب لو تحب تيجي
جوزيف / باذن الله هاجى ... و هلعب كمان
شاكر / تمام ... ها تحب اروحك و لا تيجي معايا الجبل
جوزيف / لا روحنى خلى الجبل مره تانيه
شاكر / عنيا ليك
جوزيف / تسلم عنيك
..........................
فى اوضه مختار
جابر يخبط على الباب مختار يفتح يشوف جابر يستغرب
مختار / فى حاجه حصلت و لا ايه ؟
جابر / حضرتك ضربت يونس ؟!
مختار/ روح ارتاح يا جابر ما تضيعش وقتك و مجهودك فى حاجه لا هتقدم و لا هتاخر
جابر / ما اكيد دا ما حصلش من غير سبب يعني
مختار / السبب بينى و بينه بس
جابر / و نجاه ؟!
مختار / ما لها نجاه ؟!
جابر / بطمن ان ما لهاش بس
مختار/ جابر!! انا على أخرى... ما تعملش حوارات و تضيق خلقى اكتر ما هو ضيق ... نجاه لا تعرف انا ضربته ليه و لا ليها دخل باللى حصل فاهدى كدا و ما تفتحش علينا فواتيح ما حدش فينا قدها
جابر يهز راسه
جابر / حقك عليا ازعجتك فى وقت مش مناسب
جابر يمشي مختار يقفل الباب
…………………….
فى شقه جوزيف
الباب يخبط جوزيف يروح يفتح يلاقي امايا يوسع لها تدخل
جوزيف / عامله ايه ؟
امايا / انت اللى عامل ايه و لا أقول عملت ايه ؟
جوزيف / الاخبار ما بتستناش مش كدا ؟
امايا / ناوى على ايه انا تعبت لحد ما وصلت للمرحله دى فبهدوء كدا ما تعملش اى حاجه غبيه تضيع تعبى
جوزيف / آآآآآآه انتى فكراني زعلان و هاخد حقى و الكلام الأهبل ده
امايا / ايه ده ؟! انت عادى ؟
جوزيف / جدا ... عادى جدا ... بالعكس انا كنت فرحان جدا النهرده
امايا / هتحكيلى ؟!
جوزيف / و هو انتى بتحكيلي
امايا / يووووه بقي ايه رخامتك دى ... المهم انك بخير
جوزيف / ناويه على ايه الناس على آخرهم منك
امايا / انا شخصيا مش ناويه انا خلاص نفذت و بقي امر واقع لازم يقبلوه عشان يقدروا يعيشوا و يتاقلموا
جوزيف / مفيش حاجه ببلاش
امايا / اخبار شاكر ايه ؟ لسه مصر ان الشلتر يفضل مفتوح ؟
جوزيف / انا بحب الواد ده
امايا / و انا جيت جنبه ما تبطلوا دلع بقي
.......................
فى اوضه نجاه
نجاه قاعده مضايقه مهره تصحى تشوفها تخبط على كتفها نجاه تبص لها مهره تشاور لها مالك
نجاه / مفيش
مهره تبص لها بالجنب و تهز راسها و تقوم تمسح وشها و تروح الحمام نجاه تبص فى التليفون و تتنهد و تقوم تطلع طقم من الدولاب و تلبس مهره تطلع من الحمام بتنشف بالفوطه تخبط على الباب نجاه تبص مهره تشاور خير
نجاه / مخنوقه هتمشي شويه
مهره تروح تجيب الموبايل و تكتب
مهره / مش انتى المفروض تعبانه ؟!
نجاه / بقيت كويسه ما تقلقيش
نجاه تاخد موبايلها و تخرج و تقفل الباب وراها و تنزل السلم تلاقى جابر بيتكلم مع عباده يشوفو بوزها يبصوا فى الارض و يرجعوا يبصوا لها
عباده / ايه الاخبار ؟! ناقصك حاجه ؟
نجاه / لا شكرا ... بعد اذنكوا هروح الجنينه الورانيه اقعد فيها شويه
عباده / و ماله روحى
نجاه / عن اذنكوا
نجاه تمشي
جابر / خالى بيقول ما لهاش علاقه
عباده/ و ايه فى الدنيا ممكن يستفز خالك البارد و يخرجه عن شعوره و يضرب حبيبه ابن حبيبه تقدر تقولى
جابر / ما يخصنيش المهم انه ما لوش علاقه بيها
عباده يطبطب على كتف جابر و يمشي و جابر كاتم و ساكت
......................
فى شقه جوزيف
الباب يخبط يروح يفتح يلاقي دياب يبتسم
جوزيف / تعال ادخل
دياب / مش محتاج اقول انا جاى ليه ؟
جوزيف/ كنت مستني حاجه اجمد من كدا
دياب / ما انا ما قولتش لحد
جوزيف / مجازفه كبيره اوى منك دى
دياب / بجد !! ايه هتغدروا بيا و تقتلونى و لا ايه
جوزيف / لا يا عم مش للدرجادى ... بس هو انت يعني جاى و فى ايدك صينيه بسبوسه ما انت اكيد جاى ... بص انسي انسي ... خير اؤمر
دياب / ما يؤمرش عليك ظالم ... انت مش حاسس ان فى اى حاجه خالص يعني
جوزيف / دى اختى يا دياب
دياب / طب ارد اقول لك ايه طيب ... يونس انت فاهم و انا فاهم
جوزيف / لا هقدر اطردها و لا هسمح ان حد فيكوا يلمس منها شعره ... انا بينكوا
امايا تطلع من الاوضه الاتنين يبصوا لها
امايا / و انا ما يخلصنيش تتحط فى موقف وحش بسببي ... اؤمر يا باشمهندس تحب ننزل نتكلم فى الشارع تحت ؟!
دياب / انا ما فيش بيني و بينك كلام ... سيبي البلد و امشي
امايا / ما انا لو همشي هيجي غيرى ... اللى تعرفه احسن من اللى ما تعرفوش
جوزيف يروح يقعد
دياب / لا هيرحموكى و لا هيرحموه
امايا / قلبك عليا اوى يعني
دياب / تفتكرى لو كنت قولت لهم انك هنا كان ايه اللى هيحصل دلوقت
امايا / كان هيحصل اللى انا عوزاه ... و انك ما تقولش برده هو اللى انا عوزاه ... كل الاحتمالات مدروسه و معمول حسابها ما تقلقش عليا انا عارفه انا بعمل ايه كويس ... خاف على اهلك اللى غرورهم عاميهم عن الحقيقه ... أنا ... امر واقع و لازم تتعايشوا معاه
دياب / هو انتى ازاى متخيله اننا ممكن نقبل وضع زى ده
امايا / تقبل او ما تقبلش انا وجودى هنا قانونى ... كان المفروض تعمل حساب اللحظه دى من سنين مش تيجي تفوق دلوقت و تتكلم ... انا ليا فى البلد دى اراضي و عقارات و ناس كتير اوى من سكانها شغالين عندى و بيقبضوا كويس و لو خيرتهم بيني و بينك هيختارونى انا ... عشان هم اذكياء اختاروا الكفه الاتقل
دياب / خلصتى ؟!
امايا / كلام ؟! انا مش بتاعه كلام ... انا بتاعه أفعال... دياب انت شخصيه محترمه و هزعل لو جرالها حاجه و انا مش بهددك تؤتؤتؤ انا فعلا خايفه عليك ... عشان انت اللى فى وش المدفع
دياب / كتر خيرك و الله مش عارف أودى جمايلك فين بس لآخر مره بنصحك بالادب ... امشي
امايا / اشمعن هو عايش هنا ما بتقولولوش امشي ليه
دياب / عشان عايش بادبه عاوزه تعيشي زيه مش هنقول لا
امايا / غريبه مع انكوا قولتوا لا
دياب / ما تحوريش المواضيع انتى مش جايه بطولك انتى جايبه جيش معاكى
امايا / طول ما انتوا بادبكوا هنفضل بادبنا هتقلوا هنقل
مختار يدخل يتفاجئ
جوزيف / اهلا
مختار / هو ايه اللى بيحصل هنا ؟ دياب !!
امايا / ازيك يا بابا مختار ... لسه كنت بقول لدياب ان انا و بناتى هنعيش بادبنا طول ما انتوا بادبكوا
مختار / و هو الأدب برده انكوا تترقصوا فى الشوارع
امايا / اه عادى ايه المشكله غض بصرك
مختار / ما بتتجزاش
امايا / اصل الحكومه ادتنى تصريح يعنى انا مش بعمل حاجه غلط و بعدين ما انا كنت هعمل نفس العروض دى فى السيرك و بابى مقفول عليا انتوا اللى خرجتونى للشوارع
مختار / و الرش و اليفط و القلع اللى شغال على ودنه فى عيال صغيره
امايا / عيال صغيره ؟! يعني ايه الكلمه دى ... مش فى قاموسي
مختار / طب ضيفيها لو سمحتى
امايا / طول ما هو بيتصرف كعيل صغير هيتعامل على أنه عيل صغير بس لما يقرر يبقي راجل و يعمل زى ما بيعمل الرجاله يبقي يتعامل زى ما بيتعامل الرجاله يا بابا مختار
مختار / ما تديلوش سم فى دمه و ترجعى تحاسبيه
امايا / حضرتك اخدت من نفس السم
مختار / انا متجوز
امايا/ شاكر مش متجوز ... كارم فارس جابر عمران و القايمه طويله ... طول ما انت بادبك انا هكون بادبى انا ليا قانون بمشي عليه و ما بكسروش اى كانت الظروف... و بالنسبالى حياتى رخيصه اوى ما لهاش تمن فما انصحش تهددونى بيها
مختار / عمرى ما كنت هعمل كدا اصلا ... بس انتى اللى هتحطينا فى المواجهه دى
امايا / للمره المليون هتعيشوا بادبكوا هعيش بادبى
مختار / من غير رش
امايا / من غير رش
مختار / و كرنفال بكره
امايا / متأخر اوى يا بابا مختار دلوقت خلاص الصحافه و الإعلام و الحكومه كلهم بقوا فى الصوره ... اعمل ايه
مختار / مش هتغلبى
امايا / اعتبره غرامه تأخير
مختار / ما احنا مش هنقف نتفرج على فكره
امايا / و انا ما اقدرش امنعكوا
دياب / ما انتى هتعملى الكرنفال و احنا هنرد فهتردى يبقي فين الاتفاق بقي
امايا / دى مشكلتكوا مش مشكلتى و بعدين انا قولتها كلمه طول ما انتوا مؤدبين انا هبقي مؤدبه يعني البدايه دايما هتبقي من عندكم
جوزيف / تشربوا حاجه ؟
امايا / حبيبي ميرسي للاسف لازم امشي عندى كرنفال عالمى بكره محتاجه اتابع التجهيزات بتاعته انا جيت بس اطمن عليك انك بخير ... هتعوز منى اى حاجه يا بابا مختار
مختار يبتسم بسخريه امايا تمشي
مختار / ما قولتليش ليه على اللى بيحصل هنا ؟
دياب / هيفرق فى ايه ؟
مختار/ انا عاوز يونس شويه يا دياب
دياب / تمام ... فى حفظ الله
مختار / ما تبلغش حد باللى حصل هنا ... انا هتكلم معاهم بطريقتى
دياب / حاضر
مختار / فى حفظ الله
دياب يمشي و مختار يقفل الباب وراه و يفضل ساند على الباب و مدى لجوزيف ضهره و جوزيف متابعه مختار ياخد نفس و يبص له
جوزيف / انا مش زعلان
مختار / انا زعلان و زعلان جدا بجد و لأول مره يكون جوايا كميه الغضب دى من حد و للاسف انا مش بعرف اتعامل معاها عشان كدا جيت لك عشان ننهى الموضوع ده نهائى
جوزيف يستغرب و يرفع حاجبه
.............................
أنت تقرأ
الكبيره ٢ بقلم / لولو_محمد
Hài hướcالحرب لسه مستمره و الحقيقه مسيرها فى يوم تظهر النور و كل واحد لازم يختار طريقه
